اتوار, جون 29, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 5121

جسپریت بمراہ کی اہلیہ کا باڈی شیمنگ کرنے پر صارف کو کرارا جواب

کی طرف
ویب ڈیسک
-
0
جسپریت بمراہ

بھارتی ٹیم کے فاسٹ بولر جسپریت بمراہ کی اہلیہ سنجنا گنیسن نے باڈی شیمنگ کرنے پر سوشل میڈیا صارف کو کرارا جواب دے دیا۔

فوٹو اور ویڈیو شیئرنگ ایپ انسٹاگرام پر فاسٹ بولر جسپریت بمراہ کی اہلیہ سنجنا نے ویلنٹائن ڈے سے قبل شوہر کے ہمراہ تصویر شیئر کی جس میں دونوں کو خوشگوار موڈ میں دیکھا جاسکتا ہے۔

 

View this post on Instagram

 

A post shared by jasprit bumrah (@jaspritb1)

تاہم تصویر پر ایک صارف نے لکھا کہ ’بھابھی کا وزن بہت بڑھ گیا ہے، موٹی لگ رہی ہیں۔‘

کرکٹر کی اہلیہ نے صارف کو کرارا جواب دیتے ہوئے لکھا کہ ’اسکول کی سائنس کی نصابی کتاب تو یاد ہوتی نہیں ہے تم سے، بڑا عورتوں کے جسم کے بارے میں کمنٹس کررہے ہو، بھاگو یہاں سے۔۔۔‘

واضح رہے کہ جسپریت بمراہ اور سنجنا گنیسن مارچ 2021 میں شادی کے بندھن میں بندھے اور ان کے ہاں ٓستمبر 2023 میں بیٹے کی پیدائش ہوئی جس کا نام انہوں نے ’انگد‘ رکھا۔

یاد رہے کہ انگلینڈ اور بھارت کے درمیان جاری ٹیسٹ سیریز کے دوسرے میچ میں جسپریت بمراہ نے 9 وکٹیں حاصل کرکے ٹیم کی جیت میں اہم کردار ادا کیا اور مین آف دی میچ کا ایوارڈ بیٹے ’انگد‘ کا نام کیا تھا۔

دونوں ٹیموں کے درمیان پانچ میچز کی سیریز 1-1 سے برابر ہے۔

جیکلین فرنانڈیز نے سکیش چندر شیکھر کیخلاف پولیس سے رجوع کرلیا

کی طرف
ویب ڈیسک
-
0
سکیش چند شیکھر نے جیکلین فرنانڈیز پر تحائف کی بارش کر دی

ممبئی: بالی وڈ کی معروف اداکارہ جیکلین فرنانڈیز نے 200 کروڑ منی لانڈرنگ کیس کے مرکزی ملزم سکیش چند شیکھر کے خلاف پولیس سے رجوع کرلیا۔

میڈیا رپورٹس کے مطابق جیکلین فرنانڈیز نے سکیش چند شیکھر کے خلاف دہلی پولیس کمشنر سنجے اروڑا اور اسپیشل کمشنر آف پولیس (کرائم برانچ) کو ’استغاثہ کے گواہوں کے تحفظ میں نظام کی ناکامی‘ کے عنوان سے خط لکھ دیا۔

جیکلین فرنانڈیز نے خط میں تحریر کیا کہ میں ایک ذمہ دار شہری ہوں جسے ایک ایسے کیس میں پھنسایا گیا ہے جس کے قانون کی حکمرانی اور ہمارے عدالتی نظام کے تقدس پر دور رس اثرات مرتب ہوتے ہیں۔

متعلقہ: ’اب تمہارے سارے راز افشا کروں گا‘: جیکلین فرنانڈیز کو دھمکی مل گئی

بالی وڈ اداکارہ نے لکھا کہ سکیش چند شیکھر کے خلاف کیس میں استغاثہ کی گواہ ہوں، میں ذہنی دباؤ اور اپنے خلاف منظم مہم کی وجہ سے آپ کو خط لکھ رہی ہوں، سکیش نامی ایک شخص مجھے کھلے عام دھمکیاں دے کر خوفزدہ کر رہا ہے۔

انہوں نے تحریر کیا کہ میں مطالبہ کرتی ہوں قانون نافذ کرنے والے ادارے جلد از جلد معاملے میں مداخلت کریں کیونکہ اس سے میری جان کو شدید خطرہ لاحق ہے۔

’یہ حرکتیں صرف میرے انفرادی حقوق پر اثر انداز نہیں ہوتیں بلکہ یہ ہمارے نظامِ انصاف پر ہے۔ گواہوں کے تحفظ کے اصول سے سمجھوتہ کیا گیا جس سے قانونی اداروں کی ساکھ اور افادیت کو نقصان پہنچا۔ یہ ضروری ہے ملزمان کو دستیاب تمام مواصلاتی ذرائع کی چھان بین کی جائے اور سخت اقدامات کیے جائیں۔‘

متعلقہ: جیکلین فرنانڈیز اور سکیش چندر شیکھر کی واٹس ایپ چیٹ منظرِ عام پر آگئی

سکیش چند شیکھر کے خلاف منی لانڈرنگ کیس میں جیکلین فرنانڈیز بھی مرکزی ملزم کی قریبی دوست ہونے کی بنیاد پر شاملِ تفتیش ہیں۔

اکشے کمار ’بھول بھلیاں 3‘ میں نظر آئیں گے یا نہیں؟ ڈائریکٹر نے بتا دیا

کی طرف
ویب ڈیسک
-
0
اکشے کمار ’بھول بھلیاں 3‘ میں نظر آئیں گے یا نہیں؟ ڈائریکٹر نے بتا دیا

ممبئی: بالی وڈ کے سُپر اسٹار اکشے کمار کی فلم ’بھول بھلیاں 3‘ میں شامل ہونے کی خبروں پر ڈائریکٹر انیس بزمی کا بیان سامنے آگیا۔

میڈیا رپورٹس کے مطابق بھول بھلیاں فرنچائز اور اکشے کمار کے چاہنے والوں کیلیے بُری خبر ہے کہ سُپر اسٹار فلم کا حصہ نہیں ہیں جس کی تصدیق انیس بزمی نے کر دی۔

انہوں نے ایک نجی چینل سے گفتگو میں بتایا کہ اکشے کمار بھول بھلیاں فرنچائز کی آئندہ آنے والی فلم کا حصہ نہیں ہیں، میں اُن کے ساتھ کام کرنے کا خواہاں ہوں لیکن بدقسمتی سے ایسی اسکرپٹ نہیں بن سکی کہ ہم دونوں ایک ساتھ کام کر سکیں۔

متعلقہ: کارتک آریان نے مداحوں کو بڑا سرپرائز دے دیا

انیس بزمی نے کہا کہ مستقبل میں سُپر اسٹار کے ساتھ ضرور کام کروں گا۔ اپنی گفتگو میں ڈائریکٹر نے یہ بھی بتایا کہ ’بھول بھلیاں 3‘ کی شوٹنگ 10 مارچ سے شروع ہوگی۔

دوسری جانب، معروف بالی وڈ اداکارہ ودیا بالن کو فلم کا حصہ بنایا گیا ہے جہاں وہ ایک بار پھر ’منجولیکا‘ کے روپ میں نظر آئیں گی۔

 

View this post on Instagram

 

A post shared by KARTIK AARYAN (@kartikaaryan)

بھول بھلیاں کی تیسری پیشکش میں مرکزی کردار ادا کرنے والے نامور اداکار کارتک آریان نے اپنے انسٹاگرام اکاؤنٹ سے مداحوں کو خوشخبری سنائی کہ ودیا بالن بھی جلوہ گر ہوں گی۔

2007 میں ریلیز ہونے والی ’بھول بھلیاں‘ میں اکشے کمار اور ودیا بالن نے اداکاری کے جوہر دکھائے تھے جبکہ اس کا سیکوئل 2022 میں ریلیز کی گیا جس میں کارتک آریاں اور کیارا اڈوانی نظر آئے۔

سر میں صرف ایک چیز لگائیں، اور بال گرنا بند !!

کی طرف
ویب ڈیسک
-
0
بال گرنا

نہانے یا سر میں تیل لگانے کے بعد کنگھی کرنے سے اکثر بال ہمارے ہاتھوں میں آجاتے ہیں، جسے دیکھ کر یقیناً ہر انسان افسردہ اور تشویش میں مبتلا ہوجاتا ہے۔

اس کی کیا وجوہات ہیں اور اس مشکل یا پریشانی سے چھٹکارا کیسے ممکن ہے؟ اس حوالے سے ماہرین صحت نے بہترین مشورے اور علاج سے آگاہ کیا ہے۔

بالوں کا گرنا سر کے گنجا ہونے کے علاوہ باقی جسم کے بالوں والے حصّوں کے بالوں سے محروم ہو جانے پر بھی مشتمل ہوسکتا ہے۔

بال گرنے کی وجوہات ایک موروثی خواص اور کسی ہارمونی تبدیلی کسی اور بیماری کا شکار ہونے اور اس کے طِبّی علاج کے کسی ذیلی اثر پر بھی مشتمل ہو سکتی ہیں، عام طور پر مرد اس پریشانی کا زیادہ شکار ہوتے ہیں۔

بالوں کے گرنے کی ایک نہیں کافی وجوہات ہوسکتی ہیں، جس میں غذا وٹامنزکی کمی، تناؤ، پریشانی اور بیماری بھی ہوسکتی ہے۔

آج ہم بالوں کو گرنے سے بچانے کے لئے چند طریقے بتائیں گے، جن پر عمل کرکے ہم اپنے بالوں کی حفاظت کرسکتے ہیں۔

وٹامنز نہ صرف آپ کی صحت کے لئے اچھے ہیں یہ آپ کی بالوں کے لئے بھی مفید ہیں، وٹامن ای آپ کے بالوں کی جڑوں کوصحت مند رکھنے کے لئے خون کی گردش کو بہتربناتا ہے اوربالوں کی صحت کو برقرار رکھنے میں مدد کرتا ہے۔

پروٹین والی غذا جیسے مچھلی، گوشت انڈے سویا یعنی پروٹین والی غذا سے بال کی صحت کو فروغ ملتا ہے، اس کے نتیجے میں ان کو جھڑنے سے روکا جاسکتا ہے۔

جولوگ بال گرنے کی پریشانی میں مبتلا ہیں وہ باقاعدگی سے تیل کا مساج کریں، تیل کے مساج سے سر کی خشکی کو ختم کیا جاسکتا ہے۔ اس کے علاوہ بادام اورناریل کا تیل اس کے لئے مفید ہے۔

جب بال گیلے ہوتے ہیں تو تب وہ کمزور حالت میں ہوتے ہیں، اس وجہ سے بالوں کو کنگھا کرنے سے گریز کریں۔ اس حالت میں بال ٹوٹتے ہیں، اپنے بالوں کی الجھنوں کوکم کرنے کے لئے اپنی انگلیوں کا استعمال ہیں۔ کنگھایا برش کا نہیں۔

لہسن ،ادرک اور پیاز کا پانی آپ کے بالوں کے لئے بے حد مفید ہے ان چیزوں کو رات کو سرپر لگا کر چھوڑدیں صبح شیمپو سے اچھی طرح دھولیں۔ یہ طریقہ ہفتہ بھر کریں آپ کو واضح فرق نظرآئے گا۔

بعض ادویات بھی ایسی ہوتی ہیں جن کے استعمال سے بال گرنا شروع ہوجاتے ہیں، اس سلسلے میں اپنے ڈاکٹر سے رجوع کریں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔

ایران کا فروخت کردہ طیارہ امریکا نے قبضے میں لے لیا

کی طرف
ویب ڈیسک
-
0

ایران کا وینزویلا کو فروخت کیا ہوا طیارہ امریکا نے قبضے میں لے لیا۔

امریکا نے ایک بوئنگ 747 کارگو طیارہ قبضے میں لے لیا ہے جسے ایران نے وینزویلا کی سرکاری ایئرلائن کو فروخت کیا ہے۔

تہران کی جانب سے اس اقدام کی مذمت کی گئی ہے۔

واشنگٹن کا کہنا ہے کہ ایران کی ماہان ایئر کی جانب سے 2022 میں وینزویلا کو طیارہ فروخت کرنا تہران پر عائد پابندیوں کی خلاف ورزی ہے۔

امریکی محکمہ انصاف نے اعلان کیا کہ ارجنٹائن نے 18 ماہ قبل طیارے کو گراؤنڈ کرنے کے بعد اسے اپنی تحویل میں لے لیا تھا۔

امریکہ نے اسلامی انقلابی گارڈ کور (IRGC) کے ساتھ وابستگی کی وجہ سے ایئر لائن پر پابندیاں عائد کی ہیں۔

 واشنگٹن نے کہا کہ ماہان ایئر کا وینزویلا کے ایمٹراسور کو ہوائی جہاز فروخت کرنا ان پابندیوں کی خلاف ورزی ہے۔ اس معاہدے کے بعد ارجنٹائن نے جولائی 2022 میں جمبو جیٹ کو گراؤنڈ کر دیا۔

’’ملکی کرکٹ پر آئی پی ایل کو ترجیح دینے والوں کو ٹیم میں منتخب نہ کیا جائے‘‘

کی طرف
ویب ڈیسک
-
0

سابق بھارتی کرکٹر آکاش چوپڑا نے کہا ہے کہ ملکی کرکٹ پر آئی پی ایل کو ترجیح دینے والوں کو ٹیم میں منتخب نہیں کیا جانا چاہیے۔

موجودہ کمنٹیٹر اور بھارت کے سابق کرکٹر آکاش چوپڑا کا کہنا ہے کہ پلیئرز نے سوچنا شروع کر دیا ہے کہ اگر وہ آئی پی ایل میں اچھی کارکردگی کا مظاہرہ کرتے ہیں تو انھیں بھارتی ٹیم میں منتخب کرلیا جائے گا۔

انھوں نے قومی سلیکٹرز سے درخواست کی ہے پلیئرز کو فرسٹ کلاس کرکٹ میں شرکت کی اہمیت باور کرائی جائے۔

رانجی ٹرافی کو چھوڑنے والے نوجوان کرکٹرز پر تنقید کرتے ہوئے آکاش چوپڑا نے کہا کہ میں نے سنا ہے کہ بہت سے نوجوان اس ایونٹ میں نہیں کھیل رہے ہیں کیونکہ ان کے نام پہلے ہی آئی پی ایل میں آ چکے ہیں۔

انھوں نے کہا کہ کرکٹرز نے سوچنا شروع کر دیا ہے کہ اگر وہ آئی پی ایل میں پرفارم کریں گے تو انھیں منتخب کیا جائے گا جبکہ ایسا نہیں ہے۔

سابق کرکٹر نے کہا کہ یہ بالکل بھی اچھی چیز نہیں ہے کیونکہ چیتشور پجارا اور اجنکیا رہانے جیسے کرکٹر بھی اب فرسٹ کلاس ڈومیسٹک کرکٹ کھیل رہے ہیں۔

آکاش چوپڑا کا کہنا تھا کہ لوکل کرکٹرز کو ایک مضبوط پیغام دینا ہوگا، اگر فرسٹ کلاس کرکٹ ہو رہی ہے اور آپ فٹ ہیں اور بھارتی ٹیم کا حصہ نہیں ہیں تو جا کر ڈومیسٹک کرکٹ کھیلیں۔

انھوں نے کہا کہ اگر کسی کو لگتا ہے کہ وہ بغیر کھیلے ٹیم میں واپس آ جائے گا تو ایسے پلیئرز کو مضبوط پیغام دیا جائے کہ آپ کے نام پر تب ہی غور کیا جائے گا جب تم فرسٹ کلاس کرکٹ کھیلو گے۔

سابق بھارتی کرکٹر نے کہا کہ اگر کسی کرکٹر کو لگتا ہے کہ آپ صرف آئی پی ایل کھیلیں گے اور اس کی بنیاد پر ساری کرکٹ کھیلیں گے، تو میں سلیکشن کمیٹی سے امید کرتا ہوں کہ وہ ایسی کوئی ریت نہیں ڈالے گی۔

قابل ذکر بات یہ ہے کہ چتیشور پجارا اور اجنکیا رہانے جیسے تجربہ کار پلیئرز بھی ڈومیسٹک سرکٹ کھیلنا جاری رکھا ہوا ہے جو کہ بالترتیب سوراشٹرا اور ممبئی کی نمائندگی کرتے ہیں۔ تاہم کچھ باصلاحیت نوجوان پلیئرز نے رانجی ٹرافی میں کھیلنے سے گریز کیا۔

بورڈ آف کنٹرول فار کرکٹ ان انڈیا (بی سی سی آئی) نے مبینہ طور پر قومی ٹیم میں شامل نہ ہونے والے کرکٹرز کے لیے پریمیئر ڈومیسٹک ٹورنامنٹ کے آنے والے راؤنڈ میں شرکت لازمی قرار دی ہے۔

اقرا عزیز انزائٹی کا شکار کیوں ہوجاتی ہیں؟ اداکارہ نے بتادیا

کی طرف
ویب ڈیسک
-
0
اقرا عزیز

شوبز انڈسٹری کی معروف اداکارہ اقرا عزیز نے پہلی بار اپنی بیماری سے متعلق لب کشائی کردی۔

اے آر وائی ڈیجیٹل کے نئے ڈرامہ سیریل ’برنس روڈ کے رومیو جیولٹ‘ میں مرکزی کردار نبھانے والی اداکارہ اقرا عزیز نے حال ہی میں ایک شو میں اپنی بیماری سے متعلق اظہار خیال کیا۔

اقرا عزیز نے بتایا کہ پہلے میں لوگوں سے مل نہیں سکتی تھی اب لوگوں سے ملنا اور میٹنگ میں شرکت کرنا شروع کی ہے، میں بہت شرمیلی اور تنہائی پسند ہوں۔

انہوں نے کہا کہ مجھے ہمیشہ ایئرپورٹ پر گھبراہٹ اور انزائٹی ہوتی ہے کیونکہ وہاں پر لوگوں کا ہجوم ہوتا ہے، جب مجھے کوئی نہیں جانتا تھا تب بھی ایسا ہی ہوتا تھا۔

اداکارہ نے بتایا کہ ایوارڈ سے پہلے جب ریڈ کارپٹ پر جانا ہوتا ہے اس دوران ادائیں دکھانا ہوتی ہے، مسکرانا ہوتا ہے، ان سب چیزوں سے مجھے انزائٹی شروع ہوجاتی ہے۔

میزبان نے پوچھا کہ کونسی اداکارہ ہیں جنہیں آپ ابھی کال کریں اور پیسے مانگیں تو وہ آپ کا فون اٹھا لیں گی؟ اقرا عزیز نے حنا الطاف اور زارا نور عباس کا نام لیا اور زارا کا نمبر بھی ملایا۔

اقرا عزیز نے زارا سے کہا کہ ’میں اسلام آباد میں ہوں کچھ پیسوں کی ضرورت ہے تم مجھے ٹرانسفر کرسکتی ہو۔‘ زارا نے کہا کہ میں ابھی کراچی ہوں۔‘ اقرا نے کہا کہ ’مجھے پیسے ٹرانسفر کرسکتی ہو۔‘ زارا نے کہا کہ ’کتنے بھیجنے ہیں بولو۔‘ اقرا نے مسکراتے ہوئے کہا کہ ’اپنا دل بھیج دو۔‘

اداکارہ نے پھر زارا کو بتایا کہ میں ایک شو میں ہوں وہاں مجھ سے سوال کیا گیا تھا، زارا نے کہا کہ شکر ہے جواب اچھا ہی تھا۔‘

اقرا عزیز نے ساتھی اداکارہ زارا نور عباس کا شکریہ ادا کیا۔

واضح رہے کہ اس سے قبل اقرا عزیز اے آر وائی ڈیجیٹل کے ڈرامہ سیریل ’جھوٹی’ اور ’قربان‘ میں بھی اداکاری کے جوہر دکھا چکی ہیں۔

عالمی دفاعی اخراجات میں ریکارڈ اضافہ

کی طرف
ویب ڈیسک
-
0

خونریز جنگوں، مہلک حملوں اور پرُتشدد واقعات کے تناظر میں عالمی دفاعی اخراجات بڑھ گئے۔

عالمی دفاعی اخراجات گزشتہ سال ریکارڈ 2.2 ٹریلین ڈالر تک پہنچ گئے۔ ایک برطانوی فوجی تھنک ٹینک نے کہا کہ عالمی دفاعی اخراجات گزشتہ سال 9 فیصد اضافے کے ساتھ ریکارڈ 2.2 ٹریلین ڈالر رہے۔

رواں سال 2024 میں غزہ پر اسرائیل کی جنگ، یوکرین میں تنازعہ اور ہند و بحرالکاہل کے خطے میں بڑھتی ہوئی کشیدگی کے ساتھ اس میں اضافہ ہونے والا ہے۔

لندن میں قائم انٹرنیشنل انسٹی ٹیوٹ فار اسٹریٹجک اسٹڈیز (IISS) کی منگل کو ایک نئی رپورٹ میں آرکٹک میں بڑھتی ہوئی بے چینی، شمالی کوریا کی جوہری ہتھیاروں کے حصول، چین پر تشویش اور افریقہ کے ساحل کے علاقے میں فوجی حکومتوں کے عروج کا بھی ذکر کیا گیا ہے۔

انٹرنیشنل انسٹی ٹیوٹ فار اسٹریٹجک اسٹڈیز (IISS) گزشتہ 65 سالوں سے دفاعی اخراجات سے متعلق سالانہ رپورٹ مرتب کر رہا ہے۔

رپورٹ میں کہا گیا ہے کہ موجودہ فوجی سیکیورٹی کی صورتحال اس بات کی نشاندہی کرتی ہے کہ یہ زیادہ خطرناک دہائی ہو سکتی ہے کیونکہ کچھ فوجی طاقتیں اپنے دعووں کو آگے بڑھانے کے لیے اپنی عسکری طاقت کو ڈھٹائی سے استعمال کرسکتی ہیں۔

شادی میں کھانا کھانے کے بعد دولہا دلہن سمیت 50 افراد کی حالت غیر

کی طرف
ویب ڈیسک
-
0

شادی میں کھانا کھانے کے بعد دولہا دلہن سمیت 50 کے قریب افراد کی حالت غیر ہوگئی، تمام افراد کو سول اسپتال کے ایمرجنسی وارڈ میں داخل کرانا پڑا۔

بھارتی ریاست گجرات کے شہر احمد آباد میں ایک عجیب واقعہ پیش آیا ہے جس میں شادی کی دعوت کھانے کے بعد نوبیاہتا جوڑے سمیت تقریباً 50 افراد فوڈ پوائزننگ کا شکار ہو گئے جس کے بعد انھیں سول اسپتال کے ایمرجنسی وارڈ میں داخل کرایا گیا۔

میڈیا رپورٹس کے مطابق 50 میں سے 45 افراد نے کھانے کے بعد فوڈ پوائزننگ کی شکایت کی تھی جبکہ دلہن کے پانچ رشتہ داروں نے احمد آباد کے منی نگر میں ایل جی اسپتال میں اپنا علاج کروایا۔

یہ شادی کی تقریب 12 فروری کو منعقد ہوئی تھی۔ تاہم رخصتی کے کچھ دیر بعد ہی رات گئے ہمانشو بھاوسار نامی لڑکے کی بارات میں شامل مہمانوں کو شدید قے اور دست کی شکایت ہونے لگی

شادی میں مہمانوں کو استقبالیہ مشروب کے طور پر انناس کا ملک شیک پیش کیا گیا تھا، شبہ ہے کہ اسے پی کر لوگ بیمار ہوئے۔

اس کے علاوہ شادی میں کھانے کے مختلف آئٹمز جیسے سوپ، سلاد، گاجر کا حلوہ، زیرہ رائس، دال فرائی، روٹی، پنیر اور سبزی کے پکوان بھی شامل تھے۔

شادی میں شریک ایک مہمان کا کہنا تھا کہ شادی سے واپسی کے دوران ہی کئی افراد کی حالت غیر ہوگئی۔ فوری طور پر تین ایمبولینس کے ذریعے انھیں سول اسپتال منتقل کیا گیا۔

اسپتال کے حکام کا مریضوں کی حالت کے حوالے سے کہنا ہے کہ متاثرہ افراد کی صحت کی مانیٹرنگ کی جارہی ہے۔

کال کیلئے اب موبائل فون کی ضرورت نہیں؟ ایلون مسک کا بڑا اعلان

کی طرف
ویب ڈیسک
-
0
ایلون مسک

امریکی ٹیکنالوجی کمپنی ٹیسلا کے سربراہ ایلون مسک نے کہا ہے کہ چند مہینوں میں اپنا فون نمبر بند کر دوں گا اور صرف ٹیکسٹ، آڈیو اور ویڈیو کالز کے لیے ایکس کا استعمال کروں گا۔

تفصیلات کے مطابق سوشل میڈیا سائٹ ایکس پر ایک پوسٹ میں ایلون مسک نے کہا کہ چند مہینوں میں اپنا فون نمبر بند کر دوں گا اور صرف ٹیکسٹ، آڈیو اور ویڈیو کالز کے لیے ایکس کا استعمال کروں گا۔

غیر ملکی خبر رساں ادارے کی رپورٹ کے مطابق اگر ایلون مسک اس منصوبے پر عمل درآمد کرتے ہیں تو کچھ صارفین جو 8 ڈالر ماہانہ ایکس پریمیم سبسکرپشن فیس ادا کرتے ہیں وہ سہولت سے فائدہ اٹھا سکیں گے۔ اگرچہ پلیٹ فارم پر موجود تمام صارفین آڈیو اور ویڈیو کالز وصول کرسکتے ہیں لیکن صرف پریمیم سبسکرائبر کالز کرنے کے قابل ہیں۔

اس سلسلے میں ایکس ہیلپ سینٹر کا کہنا ہے کہ بطور ڈیفالٹ آپ ان اکاؤنٹس سے کالز وصول کرنے کے قابل ہو سکتے ہیں جن کی آپ پیروی کرتے ہیں یا آپ کی کنٹیکٹ بک میں موجود ہیں۔

دوسرے صارف کو کال کرنے کے قابل ہونے کے لیے انہوں نے کم از کم ایک بار پہلے آپ کو براہ راست پیغام بھیجا ہوگا۔ یاد رہے کہ ارب پتی ایلون مسک کے ایکس پر 171.9 ملین فالورز ہیں۔

musk

او جی نے کہا کہ ایس ایم ایس کنفرمیشن کوڈز، جو زیادہ تر دو عنصر کی تصدیق کے لیے استعمال ہوتے ہیں، اب بھی آن لائن زندگی کا ایک بڑا حصہ ہیں اور وہ واٹس ایپ جیسے پلیٹ فارمز کے ذریعے استعمال کیے جاتے ہیں۔

’ایکس کو آڈیو اور ویڈیو کال کرنے کے لیے استعمال کیا جا سکتا ہے، لیکن میرے خیال میں ایس ایم ایس (میسجز) اب بھی رابطے کا ایک لازمی حصہ ہیں۔’

اس کے علاوہ گزشتہ ماہ ایک بلاگ پوسٹ میں کمپنی نے باضابطہ طور پر اعلان کیا تھا کہ 2024 میں پیئر ٹو پیئر پیمنٹس شروع کی جائیں گی۔ ادائیگیوں میں اس اقدام کا مطلب ہے کہ ایکس کا مقابلہ پے پال، وینمو، زیلے اور ایپل پے سمیت تمام آن لائن ادائیگیوں کے پلیٹ فارمز سے ہوگا۔

1...5,1205,1215,122...30,804صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025