اسلام آباد : چیئرمین پیپلز پارٹی بلاول بھٹو نے ایم کیوایم پاکستان کے مینڈیٹ پر حیرت کا اظہار کرتے ہوئے کہا ہے کہ ایم کیوایم کو 18 سیٹیں دیں 50 یا ہزار، ہم کراچی کےامن اورترقی پرسمجھوتہ نہیں کریں گے۔

تفصیلات کے مطابق چیئرمین پیپلز پارٹی بلاول بھٹو نے ایم کیوایم کی سندھ سے زیادہ سیٹیں لینے پرحیرانگی کا اظہار کرتے ہوئے کہا کہ سندھ سےاتنی زیادہ سیٹیں لینا بہت بڑی بات ہے، ایم کیوایم پاکستان کو اٹھارہ نشستیں مل گئیں، پیپلزپارٹی کواعتراضات ہیں۔

بلاول بھٹو کا کہنا تھا کہ الیکشن میں ایم کیوایم نے تشدد کاراستہ اپنایا، الیکشن کیلئے ایم کیوایم کے دہشت گردوں کو جیلوں سے آزاد کروا کر ہمارےامیدواروں،ان کے افسروں پر حملے کروائے گئے، گاڑیاں جلائیں، فائرنگ کی۔

چیئرمین پی پی نے واضح کہا کہ ایم کیوایم کواٹھارہ سیٹیں دیں پچاس یا ہزاردیں ہم کراچی کےامن اورترقی پرسمجھوتہ نہیں کریں گے۔

انھوں نے ایم کیوایم کو پیغام دیتے ہوئے کہا کہ انتہاپسندی اور نفرت کی سیاست کودفن کریں، لسانی بنیادوں پر کراچی کوتقسیم نہیں کرنے دیں گے۔

کراچی :نارتھ کراچی سیکٹر 5 ایم میں پولیس اہلکار واحد پرویز کی ٹارگٹ کلنگ کا مقدمہ درج کرلیا گیا، واحد پرویز پولیس سیکیورٹی زون ون میں تعینات تھا۔

تفصیلات کے مطابق کراچی کے علاقے نارتھ کراچی سیکٹر 5 ایم میں پولیس اہلکار واحد پرویز کی ٹارگٹ کلنگ کے واقعے کا مقدمہ بلال کالونی تھانے میں چھوٹے بھائی واجد کی مدعیت میں درج کرلیا گیا۔

مقدمہ قتل اور دہشتگردی کی دفعات کے تحت درج کیا گیا، جس میں مدعی مقدمے نے کہا کہ میں پولیس میں ہوں بڑا بھائی پولیس سیکیورٹی زون ون میں تعینات تھا اور سٹی کورٹ میں اے ڈی جی ویسٹ کا گن میں تھا۔

مقدمے کے متن میں کہا گیا کہ میرا بھائی حسب معمول ڈیوٹی کے لیے گھر سے نکلا، میں گھر کے بالکونی سے اسے جاتے ہوئے دیکھ رہا تھا
کہ اچانک موٹر سائیکل پردو افراد آئے اور بھائی کو ٹارگٹ کیا۔

بھائی واجد کا کہنا تھا کہ اسلحے سے پیچھے بیٹھے شخص نے فائرنگ کرکے زخمی کیا اور ملزمان اندھا دھند فائرنگ کرتے ہوئے فرار ہوگئے۔

مدعی مقدمے نے مزید بتایا کہ میں نیچے آیا بھائی سر میں گولی لگنے سے شدید زخمی تھافوری طور پراسپتال پہنچے جہاں ڈاکٹرز نے موت کی تصدیق کردی۔

پولیس حکام کے مطابق ملزمان کے خلاف قانونی کارروائی شروع کردی ہے اور فرار ملزمان کی سی سی ٹی وی فوٹیجز بھی حاصل کرلی ہیں۔

لاہور : مسلم لیگ ن کے قائد نواز شریف نے وزارت عظمیٰ کیلئے شہباز شریف کو امیدوار نامزد کردیا جبکہ وزیراعلیٰ پنجاب کیلئے مریم نواز کو نامزد کیا ہے۔

تفصیلات کے مطابق مسلم لیگ ن کی ترجمان مریم اورنگزیب نے سماجی رابطے کی ویب سائٹ ٹوئٹر پر اپنے بیان میں کہا کہ نوازشریف نے وزارت عظمیٰ کیلئے شہباز شریف کو امیدوار نامزد کردیا۔

،مریم اورنگزیب کا کہنا تھا کہ نوازشریف نے وزیراعلیٰ پنجاب کیلئے مریم نواز کو نامزد کیا ہے ، نوازشریف نےعوام اور سیاسی تعاون کرنے والی تمام جماعتوں کاشکریہ ادا کیا، ان کاپختہ یقین ہےفیصلوں سےمعاشی خطرات،مہنگائی سےنجات ملےگی۔

یاد رہے پریس کانفرنس کرتے ہوئے شہباز شریف نے پریس کانفرنس کرتے ہوئے اپنے بھائی نواز شریف سے وزارت عظمیٰ کا عہدہ قبول کرنے کی درخواست کی تھی۔

انہوں نے یہ بھی کہا تھا کہ مسلم لیگ (ن) کی سینئر نائب صدر مریم نواز پارٹی کی مشاورت کے بعد وزیراعلیٰ پنجاب کی امیدوار ہوں گی۔

شہباز شریف کا کہنا تھا کہ قوم کی ترقی کے لیے ہم تمام اختلافات کو بھلا کر اکٹھے ہوں، اختلافی مسائل کو دفن کریں، انا کا مسئلہ ختم کریں، پاکستان کے مفاد میں ذاتی مفاد کو ختم کریں اور ساتھ چلیں۔