ممبئی: بالی وڈ کے سُپر اسٹار شاہ رخ خان کی اہلیہ گوری خان نے اپنے شوہر کی سب سے زیادہ پریشان کرنے والی عادت سے پردہ اُٹھا دیا۔

گوری خان نے حال ہی میں ’کافی وڈ کرن‘ میں شرکت کی جہاں میزبان و فلمساز کرن جوہر نے کہا کہ شاہ رخ خان اپنے گھر میں منعقدہ پارٹیوں میں ہمیشہ میزبان رہے ہیں، وہ مہمانوں کو گاڑیوں تک چھوڑنے آتے ہیں۔

اس پر گوری خان نے جواب دیتے ہوئے بتایا کہ ان کے شوہر کی یہ عادت انہیں کس قدر پریشان کرتی ہے۔ انہوں نے کہا کہ وہ ہمیشہ مہمان کو گھر کے باہر تک الوداع کرنے جاتے ہیں، کبھی کبھی مجھے لگتا وہ پارٹیوں کے دوران گھر کے بجائے زیادہ وقت باہر گزارتے ہیں۔

 

View this post on Instagram

 

A post shared by Gauri Khan (@gaurikhan)

گوری خان نے کہا کہ اکثر مہمان انہیں پارٹیوں میں ڈھونڈتے رہتے ہیں، مجھے ایسا لگتا ہے کہ جسے پارٹی گھر کے بجائے باہر سڑک پر ہو رہی ہو۔

مزید پڑھیں: شاہ رخ خان کی فلم ’پٹھان‘ سے ایک اور جھلک سامنے آگئی

اس سے قبل اسی شو میں گوری خان نے اپنی ازدواجی زندگی سے متعلق حیران کُن انکشاف کیا تھا۔ ان کا کہنا تھا کہ شاہ رخ خان کی اہلیہ ہونے کی وجہ سے اکثر لوگ مجھے کام دینے سے معذرت کر لیتے ہیں۔

گوری خان کا کہنا تھا کہ سُپر اسٹار کی بیوی ہونے کی وجہ سے اکثر مجھے نقصان ہوتا ہے، اس وجہ سے مجھے 50 فیصد کام نہیں ملتا۔

شاہ رخ خان اور گوری خان کی شادی 1991 میں ہوئی۔ ان کے تین بچے آریان، سہانا اور ابرام ہیں۔

شوبز انڈسٹری کی معروف اداکارہ علیزے شاہ کی گانا گنگنانے کی ویڈیو سوشل میڈیا پر وائرل ہوگئی۔

ویڈیو شیئرنگ ایپلی کیشن ٹک ٹاک پر اداکارہ علیزے شاہ نے ویڈیو شیئر کی جس میں وہ کینیڈین گلوکارہ ایلے سیاکیرا کا مشہور گانا (Scars to Your Beautiful) گنگنا رہی ہیں۔

سوشل میڈیا پر مداحوں کی جانب سے علیزے کے گلوکارہ کے ٹیلنٹ کو خوب سراہا جارہا ہے اور ویڈیو کو اب تک لاکھوں صارفین دیکھ چکے ہیں۔

ایک صارف نے لکھا کہ ’آپ کی آواز بہت اچھی ہے۔‘ دوسرے صارف کا کہنا تھا کہ ’آپ گلوکارہ کیوں نہیں بن جاتیں۔‘

 

View this post on Instagram

 

A post shared by Izzooo (@alizehshahofficial)

اس سے قبل بھی علیزے شاہ کی مختلف گانے گنگانے کی ویڈیو سوشل میڈیا پر وائرل ہوچکی ہیں جبکہ وہ خود بھی سوشل میڈیا پر کافی متحرک رہتی ہیں اور اپنے نئے ڈراموں سے متعلق مداحوں کو گاہے بگاہے بتاتی رہتی ہیں۔

گزشتہ دنوں بھی علیزے نے اپنے نئے ڈرامے ’تقدیر‘ کے سیٹ سے تصاویر شیئر کی تھیں جسے اے آر وائی ڈیجیٹل پر جلد نشر کیا جائے گا۔

 

View this post on Instagram

 

A post shared by Izzooo (@alizehshahofficial)

اس سے قبل علیزے شاہ اے آر وائی ڈیجیٹل کے ڈراموں ’دل موم کا دیا‘ اور ’میرا دل میرا دشمن‘ میں اداکاری کے جوہر دکھا چکی ہیں۔

بالی وڈ سے نام کما کر ہالی وڈ میں انٹر ہونے والی معروف اداکارہ پریانکا چوپڑا نے ماضی میں خود کو ’پلاسٹک چوپڑا‘ کا خطاب ملنے کی حقیقت بیان کر دی۔

بھارتی میڈیا کے مطابق پریانکا چوپڑا نے فلم انڈسٹری میں ذاتی تجربات سے لے کر خاندان کی تفصیلات تک اپنے مداحوں کو آگاہ رکھا، یہاں تک کہ انہوں نے اپنی ناک کی غلط ہونے والی سرجری کو بھی راز رہنے نہیں دیا۔

مزید پڑھیں: فیشن کے لیے ریحانہ کو فالو کرتی ہوں، پریانکا چوپڑا

پریانکا چوپڑا نے بتایا کیا: ’مجھے سانس لینے میں اکثر تکلیف ہوتی تھی۔ ایسی تکلیف کو نظر انداز نہیں کیا جا سکتا۔ میں نے ایک ڈاکٹر سے رجوع کیا اور انہوں نے میری ناک میں (POLYP) دریافت کیا جسے فوری طور پر نکالنے کی ضرورت تھی‘۔

 

View this post on Instagram

 

A post shared by Priyanka (@priyankachopra)

اداکارہ نے بتایا کہ اس کے لیے میں نے سرجری کروائی جس کے بعد میری ناک بالکل بدل گئی، جب ڈاکٹر نے ناک پر سے پٹی ہٹائی تو میں اور والدہ ناک دیکھ کر حیران رہ گئے۔

انہوں نے بتایا: ’ایسا لگ رہا تھا جیسے میری اصل ناک چلی گئی۔ اس کی وجہ سے میرا چہرہ بھی تبدیل ہوگیا تھا۔ مجھے ایسا لگا رہا تھا جیسے یہ میں نہیں ہوں۔ مجھے اندازہ نہیں تھا کہ میرے ساتھ ایسا ہوگا۔ غلط سرجری کے بعد میڈیا مجھے ’پلاسٹک چوپڑا‘ پکارنے لگا تھا‘۔

 

View this post on Instagram

 

A post shared by Priyanka (@priyankachopra)