وزیر دفاع خواجہ آصف پی سی بی منیجمنٹ کمیٹی کے سربراہ نجم سیٹھی کے متنازع ٹویٹ پر برس پڑے جس کے بعد انہوں نے اپنا ٹویٹ ڈیلیٹ کردیا۔

اے آر وائی نیوز کے مطابق پاکستان کرکٹ بورڈ کی منیجمنٹ کمیٹی کے سربراہ نجم سیٹھی نے کراچی پولیس آفس پر دہشتگرد حملے کے بعد متنازع ٹویٹ کیا تھا جس پر وزیر دفاؑ خواج آصف برس پڑے اور جوابی ٹویٹ کرکے کہا کہ یہ شخص ریاست کی سیکیورٹی اسٹیبلشمنٹ کا موازنہ پی ایس ایل سے کر رہا ہے۔

خواجہ آصف نے اپنے ٹویٹ میں لکھا کہ کہنے کا مطلب ہے سیکیورٹی فورسز پر حملہ حلال اور پی ایس ایل پر حرام ہے۔ ہماری فوج اور پولیس کی جانوں کی کوئی حرمت نہیں؟

وزیر دفاع نے طنزیہ انداز میں نجم سیٹھی کے ٹویٹ کا یہ جملہ دہرایا کہ ’’اطمینان ہے پی ایس ایل محفوظ ہے‘‘ اور کہا کہ یہ ہے ہماری اشرافیہ جس کو صرف اپنا مفاد عزیز ہے۔ قومی سلامتی اور قیمتی جانوں کی کوئی قدر نہیں ہے۔

شدید تنقید کے بعد نجم سیٹھی نے اپنے اکاؤنٹ سے یہ متنازع ٹویٹ ڈیلیٹ کردیا ہے۔

یہ شخص سٹیٹ سیکورٹی اسٹیبلشمنٹ کاموازنہPSL سے کر رہا ھے.کہنےکامطلب ھے سیکورٹی اسٹیبلشمنٹ پہ حملہ حلال ھےاور PSL پہ حرام. یہ ھماری فوج اور پولیس کی جانوں کوئ حرمت نہیں اطمینان ھے PSL محفوظ ھے.یہ ھےھماری اشرافیہ صرف اپنا مفاد عزیز ھےقومی سلامتی اور قیمتی جانیں ڈسپوزیبل ھیں pic.twitter.com/iBBgkzZRis

— Khawaja M. Asif (@KhawajaMAsif) February 18, 2023

پی ٹی آئی رہنما مسرت چیمہ نے کہا ہے کہ جیل بھرو تحریک سے پی ڈی ایم ٹولے کے ہاتھ پاؤں پھولے ہوئے ہیں عوام جابر حکومت کے اقدامات کے خلاف احتجاجاً گرفتاریاں دیں گے۔

اے آر وائی نیوز کے مطابق پاکستان تحریک انصاف کی رہنما اور سابق ترجمان پنجاب حکومت مسرت جمشید چیمہ نے سماجی رابطوں کی ویب سائٹ ٹوئٹر پر اپنے ٹویٹ میں کہا ہے کہ جیل بھرو تحریک سے پی ڈی ایم ٹولے کے ہاتھ پاؤں پھولے ہوئے ہیں عوام جابر حکومت کے اقدامات کے خلاف احتجاجاً گرفتاریاں دیں گے۔ ایک منصوبے کے تحت عدلیہ کے خلاف مہم چلائی جا رہی ہے۔

جیل بھرو تحریک سے پی ڈی ایم ٹولے کے ہاتھ پائوں پھولے ہوئے ہیں. عوام جابر حکومت کے اقدامات کیخلاف احتجاجاً گرفتاریاں دیںگے. پانامہ رانی ، انکی کنیزیں ،غلام اعلیٰ عدلیہ کیخلاف ایک منصوبے کے تحت منفی مہم چلا رہے ہیں

— Musarrat Cheema (@MusarratCheema) February 19, 2023

پی ٹی آئی رہنما نے اپنے ایک اور ٹویٹ میں کہا کہ امپورٹڈ ٹولہ چاہتا ہے ایف آئی اے اور نیب کی طرح عدلیہ بھی ان کے تابع ہو جائے۔ امپورٹڈ ٹولے کو کامیاب کرانے کیلیے پی ٹی آئی کے ہاتھ پاؤں باندھنے کی کوشش ہو رہی ہے۔ لیگی مفرور شخص کو ملک کیلیے ناگزیر قرار دے رہے ہیں، لیکن موصوف لندن چھوڑنے کو تیار نہیں

مسرت چیمہ نے اپنے ایک ٹویٹ میں یہ بھی لکھا کہ ڈیفالٹ کی بات کرنیوالوں کو ملک دشمن کہا گیا۔ خواجہ آصف کے اعتراف پر کیا کہیں گے؟

ان کا کہنا تھا کہ مریم نواز ٹھیک کہتی ہیں ان کی حکومت نہیں، یہ چوروں اور لٹیروں کی حکومت ہے۔ قوم کو بتایا گیا کہ بغیر تنخواہ کام کرینگے اور ارسطو نے گاڑی مانگ لی۔

ڈیفالٹ کی بات کرنے والوںکو ملک دشمن کہا گیا ، خواجہ آصف کے اعتراف پر کیا کہیں گے ؟مریم نواز ٹھیک کہتی ہیں انکی حکومت نہیں، یہ چوروں ، لٹیروں کی حکومت ہے. قوم کو بتایا گیا بغیر تنخواہ کام کرینگے ، ارسطو نے1800کی بجائے 4500سی سی گاڑی مانگ لی

— Musarrat Cheema (@MusarratCheema) February 19, 2023

کراچی کنگز گزشتہ روز کوئٹہ گلیڈیئٹرز سے سنسنی خیز مقابلے کے بعد میچ ہار گئی ایک کیچ نے سارے میچ کا نقشہ بدل کر رکھ دیا۔

اے آر وائی نیوز کے مطابق ایچ بی ایل پاکستان سپر لیگ کے سنسنی خیز مقابلے جاری ہیں۔ گزشتہ روز کراچی کنگز اور کوئٹہ گلیڈیئٹرز کے درمیان میچ کھیلا گیا۔ یہ میچ بھی دیگر میچوں کی طرح سنسنی خیز رہا۔ کراچی کنگز اس بار بھی فتح کے بالکل قریب آگئی لیکن کامیابی اپنے نام نہ کر سکی اور صرف ایک کیچ نے پورے میچ کا نقشہ ہی بدل ڈالا۔

کوئٹہ گلیڈیئٹرز نے پہلے کھیلتے ہوئے مقررہ 20 اوورز میں 7 وکٹوں کے نقصان پر 168 رنز بنائے۔ اننگ کی خاص بات مارٹن گپٹل کے 67 گیندوں پر جارحانہ 117 رنز کی اننگ تھی۔ کراچی کنگز کے شعیب ملک کی شاندار نصف سنچری کے باوجود ہدف سے 7 رنز پیچھے رہ گئی یوں کوئٹہ گلیڈیئٹرز نے 6 رنزسے فتح اپنے نام کی۔ اگر اہم موقع پر شرجیل خان مارٹن گپٹل کا کیچ ڈراپ نہ کرتے تو میچ کا نتیجہ اس کے برعکس بھی ہوسکتا تھا۔

یہ بھی پڑھیں: شعیب ملک کی نصف سنچری رائیگاں، کوئٹہ نے کراچی کو شکست دے دی

مارٹن گپٹل جب 61 کے انفرادی اسکور پر تھے جب کنگز کے شرجیل خان نے ان کا کیچ ڈراپ کر دیا۔ اس موقع سے گپٹل نے بھرپور فائدہ اٹھایا اور پھر پیچھے مڑ کر نہ دیکھا۔ دھواں دھار انداز میں طوفانی سنچری داغ کر اپنی ٹیم کی فتح میں اہم کردار نبھایا۔

شاید اسی لیے یہ مقولہ بہت مشہور ہے کہ ’’کیچ ون دی میچ‘‘

پاکستان سپر لیگ 8 میں آج دو اہم میچز کھیلے جائیں گے روایتی حریفوں کراچی کنگز اور لاہور قلندر کے درمیان ہائی وولٹیج ٹاکرا ہوگا دوسرے میچ میں ملتان سلطانز اور اسلام آباد یونائیٹیڈ مدمقابل ہوں گے۔

اے آر وائی نیوز کے مطابق پاکستان سپر لیگ 8 کے سنسنی خیز مقابلے جاری ہیں۔ آج ایونٹ میں دو اہم میچز کھیلے جائیں گے۔ کراچی کے نیشنل اسٹیڈیم میں شام 7 بجے روایتی حریف کراچی کنگز اور لاہور قلندرز کے درمیان ہائی وولٹیج ٹاکرا ہوگا۔ دونوں ٹیموں کے فینز اپنی اپنی ٹیموں کو بھرپور سپورٹ کر رہے ہیں۔

کراچی کنگز ایونٹ میں اب تک تین میچز کھیل چکی ہے تاہم فتح کے انتہائی قریب آکر ناکام رہی ہے۔ لاہور قلندرز نے ایک میچ کراچی کنگز کے خلاف کھیلا ہے جو سنسنی خیز مقابلے کے بعد دو رنز سے اپنے نام کیا تھا۔

کراچی والوں نے اپنی شہر کی ٹیم کے لیے نیک خواہشات کا اظہار کر دیا ہے وہ کہتے ہیں کہ ہار جیت کھیل کا حصہ ہے۔ جو دن گزر گیا وہ گزر گیا آج جیت انشااللہ جیت کراچی کی ہوگی۔

کراچی کنگز اور لاہور قلندرز کے ہائی وولٹیج میچ سے قبل ملتان سلطانز اپنے ہوم گراؤنڈ پر اسلام آباد یونائیٹڈ کا مقابلہ کرے گی۔

یہ بھی پڑھیں: عماد وسیم نے گلیڈی ایٹرز سے شکست کے بعد کیا کہا؟

ملتان سلطانز نے ایونٹ میں اب تک تین میچز کھیلے ہیں۔ دو جیتے ایک میں ناکام رہنے کے بعد چار پوائنٹس کے ساتھ پوائنٹ ٹیبل پر سرفہرست ہے جب کہ اسلام آباد یونائیٹڈ نے ایک میچ کھیل کر فتح حاصل کر رکھی ہے۔