اسلام آباد : اسلام آباد ہائی کورٹ نے چیرمین پی ٹی آئی عمران خان کیخلاف توہین عدالت کیس کی سماعت سے متعلق ضابطہ اخلاق کا سرکلرجاری کردیا۔
تفصیلات کے مطابق اسلام آباد ہائی کورٹ توہین عدالت کیس میں عمران خان کی عدالت پیشی سے متعلق سرکلر جاری کردیا۔
رجسٹرار اسلام آباد ہائی کورٹ نے سماعت کے دوران ضابطہ اخلاق کا سرکلرجاری کردیا۔
سرکلر میں کہا گیا کہ کمرہ عدالت نمبرایک میں انٹری رجسٹرار آفس کے جاری کردہ پاس سے مشروط ہو گی۔
سرکلر کے مطابق عمران خان کی لیگل ٹیم کے 15 وکلا، اٹارنی جنرل آفس اورایڈووکیٹ جنرل آفس سے 15 لاء افسران کو کمرہ عدالت میں جانے کی اجازت ہوگی۔
عدالت کا کہنا تھا کہ تین عدالتی معاونین کو کمرہ عدالت جانے کی اجازت ہوگی، 15 کورٹ رپورٹرز اور ہائی کورٹ اور ڈسٹرکٹ بار کے 5،5 وکلا کو کمرہ عدالت میں موجودگی کی اجازت ہو گی۔
اسلام آباد ہائی کورٹ نے جرنلسٹس ایسوسی ایشن کو 15 صحافیوں کی لسٹ جمع کرانے کی ہدایت کردی ہے ، لسٹوں کی فراہمی کے بعد اسلام آباد ہائی کورٹ کا رجسٹرار آفس پاس جاری کرےگا۔
سرکلر کے مطابق کورٹ ڈیکورم کوبرقراررکھنےکےلیےاسلام آبادانتظامیہ اورپولیس سیکورٹی انتظامات کرے، لارجر بینچ 3 اکتوبر کو دن اڑھائی بجے کیس کی سماعت کرے گا۔