لاہور ہائیکورٹ نے این اے 118 سے عمران خان کے کاغذات نامزدگی منظوری کیخلاف اپیل مسترد کرتے ہوئے درخواست گزار کو الیکشن پٹیشن دائر کرنے کی ہایت کردی۔

اے آر وائی نیوز کے مطابق این اے 118 ننکانہ صاحب پر ہونے والے ضمنی الیکشن کے لیے پی ٹی آئی چیئرمین اور سابق وزیراعظم عمران خان کے کاغذات نامزدگی منظور ہونے کے خلاف مسلم لیگ ن کی امیدوار شذرہ منصب کی جانب سے لاہور ہائیکورٹ میں دائر اپیل کی سماعت ہوئی جس میں الیکشن کمیشن نے عمران خان کے کاغذات نامزدگی کا ریکارڈ عدالت میں پیش کیا۔

اے آروائی نیوز براہِ راست دیکھیں live.arynews.tv پر

عدالت نے درخواست گزار کے وکیل کے دلائل سننے کے بعد اپیل مسترد کرتے ہوئے درخواستگزار کو الیکشن پٹیشن دائر کرنے کی ہدایت کردی۔

اپیل کی سماعت کے دوران مذکورہ حلقے سے ن لیگ کی جانب سے امیدوار شذہ منصب کے وکیل منصور اعوان نے دلائل دیتے ہوئے کہا کہ 2019 اور 2020 کی ٹیکس ریٹرنز میں قیمتی اشیا کو ظاہر نہیں کیا گیا، توشہ خانہ کی اشیا کو 2021 کی ٹیکس ریٹرنزمیں لکھا گیا، 2019 اور2020 توشہ خانہ کی تفصیل درخواست کے ساتھ منسلک کی ہے۔

جسٹس شاہد وحید نے کہا ہوسکتا ہے عمران خان نے توشہ خانہ سے اس دوران کچھ نہ لیا ہو۔ انہوں نے رولنگ دیتے ہوئے کہا کہ جتنے بھی الزامات عائد کئے گئے وہ انتخابات کے بعد الیکشن پٹیشن سے متعلق ہیں، الیکشن ٹریبونل کا دائرہ اختیار محدود ہے، ایسا اعتراض سامنے لائیں جس پر ٹریبونل اپنا اختیار استعمال کرسکے۔

جسٹس شاہد وحید نے مزید کہا کہ ہوسکتا ہے فراہم کردہ معلومات درست ہوں مگر نامکمل ہیں، نامکمل معلومات کی بنیاد پر کاغذات نامزدگی مسترد نہیں کئے جا سکتے، ریٹرننگ افسر کے پاس سمری کارروائی کا اختیار ہے شفاف ٹرائل کا اختیار نہیں۔

دریائے سندھ میں پانی کی سطح بلند ہوگئی ہے اور کچے کے علاقے مکمل زیر آب آنے کے ساتھ سینکڑوں دیہات ڈوب گئے ہیں۔

اے آر وائی نیوز کے مطابق ملک بھر میں جاری طوفانی بارشوں کے بعد دریائے سندھ میں پانی کی سطح مسلسل بلند ہورہی ہے اور سکھر کے مقام پر کچے کے علاقے مکمل زیر آب آنے سے سینکڑوں دیہات ڈوب گئے ہیں اور ان میں رہائشی ہزاروں افراد محصور ہوکر رہ گئے ہیں۔

اے آروائی نیوز براہِ راست دیکھیں live.arynews.tv پر

دریائے سندھ میں اس وقت گڈو اور سکھر بیراج پر اونچے درجے کا سیلاب برقرار ہے اور تونسہ کے مقام پر درمیانے درجے کا سیلاب ہے۔ دریائے سندھ کے تین مقامات کالا باغ، چشمہ اور کوٹری بیراج پر نچلے درجے کا سیلاب ہے جب ک پانی کا دباؤ بیراجوں اور حفاظتی بندوں پر مسلسل بڑھ رہا ہے۔

سکھر بیراج کنٹرول کے مطابق اس وقت تونسہ پر پانی کی آمد اور اخراج 4 لاکھ 45 ہزار 360 کیوسک ریکارڈ کیا گیا جب کہ چشمہ کے مقام پر پانی کی آمد اور اخراج 3 لاکھ 74 ہزار 996 کیوسک ہے۔

گڈو بیراج پر پانی کی آمد اور اخراج 5 لاکھ 46 ہزار 978 کیوسک جب کہ سکھر بیراج پر پانی کی آمد اور اخراج 5 لاکھ 59 ہزار 846 کیوسک ہے اسی طرح کوٹری بیراج پر پانی کی آمد اور اخراج 2 لاکھ 70 ہزار 958 کیوسک ریکارڈ کیا گیا ہے۔

واضح رہے کہ سندھ میں گزشتہ دو ماہ سے جاری طوفانی بارشوں کے باعث صوبے کے بیشتر علاقے شدید تباہی کا شکار ہیں اور سیلابی صورت حال کے باعث ایک دن میں 32 افراد جاں بحق ہو گئے۔

یہ بھی پڑھیں: سندھ میں سیلابی صورت حال، ایک دن میں 32 افراد جاں بحق

پی ڈی ایم اے سندھ کے مطابق صوبے میں مون سون کے آغاز سے اب تک 263 افراد جان کی بازی ہار چکے ہیں، جب کہ 701 افراد مختلف حادثات میں زخمی ہوئے۔