وزیراعظم شہباز شریف نے کہا ہے کہ عمران نیازی کی یادداشت کمزور ہے اور انہیں کچھ باتیں یاد کرانے کی ضرورت ہے۔

وزیراعظم شہباز شریف نے سماجی رابطوں کی ویب سائٹ ٹوئٹر پر اپنے ٹوئٹ میں پی ٹی آئی چیئرمین اور سابق وزیراعظم عمران خان کے ٹؤئٹ کے ردعمل میں ان پر شدید طنز کرتے ہوئے کہا ہے کہ عمران نیازی کی یادداشت کمزور ہے اور انہیں کچھ باتیں یاد کرانے کی ضرورت ہے۔

شہباز شریف نے ٹوئٹ میں مزید لکھا ہے کہ ٹرانسپرنسی انٹرنیشنل کے مطابق عمران خان کے دور میں کرپشن میں اضافہ ہوا۔

وزیراعظم نے مزید کہا کہ عمران نیازی کے دور میں تقرری وتبادلوں پر پیسے لیے گئے۔ بڑے مالی اسکینڈل سامنے آئے۔ ان کی معاشی بدانتظامی کی قیمت آج عوام ادا کر رہے ہیں۔

شہباز شریف نے کہا کہ عمران نیازی نےعالمی سطح پر پاکستان کے تشخص اور وقار کو بری طرح مجروح کیا اور دوست ممالک کےساتھ تعلقات کو خراب کیا۔

Three, Imran Niazi deeply hurt the global prestige & standing of the country & its relations with friendly countries. Four, he has lost a sense of balance in his lust for power, which is evidenced by his habitual recourse to lies, propaganda & blatant twisting of facts.

— Shehbaz Sharif (@CMShehbaz) July 23, 2022

واضح رہے کہ اس سے قبل سابق وزیراعظم عمران خان نے اپنے ٹوئٹ میں سوال اٹھایا تھا کہ قومی اثاثوں کی فروخت کے معاملے پر امپورٹڈ حکومت پر کیسے اعتماد کیا جا سکتا ہے؟ قومی اثاثوں کی فروخت پر طریقہ کار اور قانونی جانچ پڑتال کیسے نظر انداز ہوسکتی ہے؟

سابق وزیراعظم نے اپنے ٹوئٹ میں لکھا تھا کہ قوم ان پر اپنے قومی اثاثے سپرد کرنے پر کبھی اعتماد نہیں کرے گی۔ چوروں کو قومی اثاثوں کو فروخت کرنے کی اجازت نہیں ہونی چاہیے۔

لاہور کی مقامی عدالت نے دعا زہرا کو کراچی بھیجنے کا حکم دے دیا۔

اے آر وائی نیوز کے مطابق دعا زہرا کو چائلڈ پروٹیکشن بیورو بھیجنے کے معاملے پر جوڈیشل مجسٹریٹ رضوان احمد نے درخواست پر محفوظ فیصلہ سنایا۔

جوڈیشل مجسٹریٹ رضوان احمد کی عدالت نے دعا زہرا کو کراچی بھیجنے کا حکم دیا۔

مدعی مقدمہ مہدی کاظمی کے وکلا احمد شیر اور فہد صدیقی عدالت میں پیش ہوئے اور عمر کے تعین کے لیے تیسرے میڈیکل ٹیسٹ کی درخواست پرمدعی کے وکیل نے اعتراض کیا۔

وکیل احمد شیر جٹ کا کہنا تھا کہ ہائیکورٹ کا ڈویژن بنچ اس پر فیصلہ دے چکا ہے لہٰذا یہ اس عدالت کا دائرہ اختیار نہیں ہے۔

مزید پڑھیں: سندھ پولیس دعا زہرا کو لینے پہنچ گئی

مدعی کے وکیل کا کہنا تھا کہ کراچی میں میڈیکل بورڈ بچی کا ٹیسٹ کرچکا جس میں کم عمر ڈیکلیئر ہوچکی ہے۔

واضح رہے کہ سندھ پولیس دعا زہرا کو لینے کے لیے لاہور پہنچی تھی اور عدالت سے انہیں کراچی منتقل کرنے کی اجازت مانگی تھی۔

گذشتہ روز سندھ ہائی کورٹ نے دعا زہرا کو شیلٹر ہوم کراچی منتقل کرنے کا فیصلہ دیتے ہوئے کہا تھا کہ دعا کو کراچی منتقل کرنے میں کوئی قانونی رکاوٹ نہیں۔

فیصلے میں کہا گیا تھا کہ مذکورہ کیس کراچی کی ٹرائل کورٹ میں زیر التوا ہے اور دعا زہرا کیس کا مرکزی کردار ہے اس کی کراچی میں موجودگی ضروری ہے۔

عدالت نے اپنی آبزرویشن میں کہا تھا کہ بظاہر دعا زہرا اپنے شوہرکے ساتھ بھی ناخوش ہے اور ساتھ رہنا نہیں چاہتی جبکہ وہ والدین سے بھی خوفزدہ ہے اس لیے اس کا شیلٹر ہوم میں رہنا مناسب ہے۔

سندھ ہائی کورٹ نے اپنے حکم نامے میں کہا تھا کہ دعا زہرا کےاغوا سے متعلق ٹرائل کورٹ ہی حتمی فیصلہ کرے گی۔

پاکستان تحریک انصاف کے سینیٹر فیصل جاوید نے کہا ہے کہ جو مٹھائی تقسیم کر رہے تھے ان کی خوشیاں پھر خراب ہوں گی۔

سپریم کورٹ کی جانب سے حمزہ شہباز کا یکم جولائی والا عبوری وزیراعظم کا اسٹیٹس بحال کرنے کے فیصلے پر پی ٹی آئی رہنما و سینیٹر فیصل جاوید نے کہا ہے کہ جو مٹھائی تقسیم کر رہے تھے ان کی خوشیاں پھر خراب ہوں گی۔

فیصل جاوید نے اپنے بیان میں کہا کہ ڈپٹی اسپیکر کے وکیل نے سپریم کورٹ میں مواد پیش نہیں کیا۔ ڈپٹی اسپیکر نے سپریم کورٹ کے حکم کو رولنگ کا غلط حصہ بنایا اور ان کے وکیل متعلقہ فیصلے کا حصہ بتانے سے قاصر تھے۔

یہ بھی پڑھیں: یکم جولائی کا عدالتی اسٹیٹس بحال، حمزہ شہباز پھرعبوری وزیراعلیٰ بن گئے

فیصل جاوید نے مزید کہا کہ چوہدری شجاعت کے خط کو بھی ریکارڈ کا حصہ نہیں بنایا گیا ہے۔

چوتھا مون سون سسٹم سندھ میں داخل ہوگیا ہے۔ کل صبح سے کراچی میں گرج چمک کے ساتھ موسلادھار بارشیں متوقع ہیں۔

محکمہ موسمیات کے مطابق چوتھا مون سون سسٹم سندھ میں داخل ہوگیا ہے اس وقت مٹھی، تھرپارکر اور اسلام کوٹ میں موسلادھا بارشیں جاری ہیں جب کہ اتوار کی صبح سے یہ سسٹم کراچی میں مکمل فعال ہوجائے گا۔ جس کے نتیجے میں شہر قائد میں گرج چمک کے ساتھ موسلا دھار بارش متوقع ہے۔

اس سسٹم کے تحت برسنے والی تیز بارش کے نتیجے میں شہر کے نشیبی علاقے زیر آنے کا امکان ہے اور حب ڈیم میں مزید دباؤ بڑھ جائے گا جو گزشتہ بارشوں کے سبب پہلے ہی اپنی استعداد سے زیادہ بھر چکا ہے۔

یہ بھی پڑھیں: تیار ہوجائیں ! طاقتور طوفانی سسٹم کراچی کے قریب پہنچ گیا

واضح رہے کہ محکمہ موسمیات اس حوالے سے اس سے قبل بھی الرٹ جاری کرچکا ہے۔

لاہور: سپریم کورٹ کا کہنا ہے کہ پنجاب حکومت کے وکلا ڈپٹی اسپیکر کی رولنگ پر وضاحت نہیں دے سکے ہیں جس کے باعث وزیراعلیٰ پنجاب حمزہ شہباز کی موجودہ حیثیت گہرے خطرے میں ہے۔

سپریم کورٹ نے ڈپٹی اسپیکر پنجاب اسمبلی دوست محمد مزاری کی رولنگ کے معاملے پر آج کی سماعت کا تحریری فیصلہ جاری کردیا ہے، چیف جسٹس عمرعطابندیال کی سربراہی میں 3 رکنی بینچ نے 6 صفحات کا تحریری فیصلہ جاری کیا ہے۔

سپریم کورٹ کی جانب سے جاری فیصلہ میں کہا کہ پنجاب حکومت کے وکلا ڈپٹی اسپیکر کی رولنگ پر وضاحت نہ دے سکے، وزیراعلی پنجاب اور ڈپٹی اسپیکر دوست مزاری کے وکلا کا رولنگ پر وضاحت نہ دینا نوٹ کیا گیا ہے۔

عدالت کا کہنا ہے کہ وزیراعلیٰ پنجاب کی موجودہ حیثیت گہرے خطرے میں ہے، موجودہ حالات میں حمزہ شہباز کو منتخب وزیراعلیٰ نہیں کہا جاسکتا، فریقین کے درمیان بالکل یکم جولائی والی صورتحال پیدا ہوچکی ہے۔

سپریم کورٹ نے کہا کہ یکم جولائی کو فریقین کی رضامندی سے حمزہ شہباز کو ٹرسٹی وزیراعلیٰ بنایا گیا تھا، یکم جولائی کو ہی حمزہ شہباز کے بطور وزیراعلیٰ اختیارات محدود کردیے تھے، اختیارات اس لیے محدود کیے تھے تاکہ انتظامی اقدامات سے سیاسی جماعت کو فائدہ نہ ہو اور نہ ہی وہ اپنی جماعت کو فائدہ پہنچاسکیں۔