بھارت سے تعلق رکھنے والی 90 سالہ خاتون رینا چبر ورما نے 75 سال بعد دورہ پاکستان کے دوران سیاحتی مقام مری کی سیر کرلی ہے۔

رینا چبر ورما نے 15 یا 16 سال کی عمر میں تقسیم برصغیر کے وقت اپنا آبائی شہر راولپنڈی چھوڑا اور خاندان کے ساتھ بھارت کے شہر پونا منتقل ہوگئی تھیں۔

تقسیم برصغیر کے 75 سال بعد انہوں نے راولپنڈی میں موجود اپنے گھر کا دورہ کیا۔ بعد ازاں انہوں نے مری میں بھی دن گزارا۔

مری پہنچنے پر رینا ورما کا سیاحوں سمیت مقامی لوگوں کی بڑی تعداد نے استقبال کیا اور ان سے ان کی پرانی یادیں کے حوالے سے سوالات کیے جن کے جوابات دیتے ہوئے وینا شرما آبدیدہ ہوگئیں۔

بھارتی خاتون نے گفتگو کرتے ہوئے کہا: ’اس عمر میں میری آخری خواہش پاکستان کا دورا تھا جو آج پورا ہوگیا۔ اب کوئی خواہش باقی نہیں۔ پاکستان کے عوام نے جو پیار دیا کبھی بھول نہیں سکتی۔ ایسے لگتا ہے جیسے میں اپنوں میں آگئی ہوں‘۔

کراچی کے علاقے کورنگی میں انٹرنیشنل فاسٹ فوڈ ریسٹورنٹ کے اندر سابق پولیس افسر نے توڑ پھوڑ کی جس کی سی سی ٹی وی فوٹیج سامنے آگئی۔

اے آر وائی نیوز کے مطابق کراچی کے علاقے کورنگی میں معروف برگر چین میں مبینہ طور پر توڑ پھوڑ کرنے والے سابق ایس ایس پی میاں جمشید انعام اللہ کے خلاف سرکاری مدعیت میں مقدمہ درج کرلیا گیا۔

برگر چین کے منیجر نے الزام عائد کیا کہ ملزم صبح پانچ بجے پہنچا تو ریسٹورنٹ بند ہوچکا تھا۔

منیجر کے مطابق ملزم نے زبردستی کھانے کا مطالبہ کیا اور انکار کرنے پر گارڈ کو مارا اور عملے کو بھی بدترین تشدد کا نشانہ بنایا۔

ذرائع کا بتانا ہے کہ سابق پولیس افسر پر ڈیفنس تھانے میں دوسرا مقدمہ درج کیا گیا ہے اس سے قبل بھی جمشید انعام کے خلاف اسی تھانے میں مقدمہ درج ہے۔

مقدمے کے متن کے مطابق پولیس افسر امجد علی کا بتانا ہے کہ وہ گشت پر جارہے تھے کہ فریقین لڑائی میں ڈنڈوں، پتھروں، لاتوں اور گھونسوں کا آزدانہ استعمال کررہے تھے۔

پولیس کے مطابق کسی بڑے نقصان کے پیش نظر فوری طور پرجھگڑا کرنے والے عناصر کو الگ کیا اور دونوں فریقین کے چند افراد کو گرفتار بھی کیا گیا۔

پولیس کا کہنا ہے کہ گرفتار ملزمان میں مصور، آغا، احمد رحمان، جمشید انعام اللہ اور دیگر شامل ہیں جبکہ گرفتار ملزمان کے خلاف لڑائی جھگڑے اور دیگر دفعات کے تحت مقدمہ درج کیا گیا۔

مسلم لیگ (ن) کی سینئر قیادت کی جانب سے پارٹی کی نائب صدر مریم نواز کو پنجاب میں گرفت کے لیے ذمہ داری سونپنے کا فیصلہ کیا گیا ہے۔

ذرائع کے مطابق مسلم لیگ (ن) کے قائد نواز شریف نے وزیر اعظم شہباز شریف اور مریم نواز سمیت پارٹی کے سینئر رہنماؤں سے رابطہ کیا اور وزارت اعلیٰ پنجاب، الیکشن اور سیاسی صورتِ حال پر بات چیت کی۔

سابق وزیر اعظم نواز شریف نے کہا کہ 17 جولائی انتخابات کے بعد مسلم لیگ (ن) کو دوبارہ منظم کیا جائے، ملکی حالات کے پیشِ نظر کسی وقت بھی الیکشن ہو سکتے ہیں۔

ذرائع کے مطابق سینئر رہنماؤں سے گفتگو میں پنجاب میں گرفت کے لیے مریم نواز کو ذمہ داری سونپنے کا فیصلہ کیا گیا۔ نواز شریف کی سابق صدر آصف علی زرداری اور پی ڈی ایم سربراہ فضل الرحمٰن سے بھی ٹیلی فونک گفتگو ہوئی۔