اے آر وائی ڈیجیٹل کے ڈرامہ سیریل ’حبس‘ میں باسط (فیروز خان) نے شادی کے فوری بعد ہی عائشہ (اشنا شاہ) کو طلاق دے دی؟۔

ڈرامہ سیریل ’حبس‘ میں فیروز خان (باسط)، اشنا شاہ (عائشہ)، عائشہ عمر (روہا)، اسرا غزل (سعدیہ باسط کی والدہ)، جاوید شیخ، عمران اسلم، صبا فیصل (عائشہ کی والدہ)، حنا رضوی، دانیہ انور(بانو) ودیگر مرکزی کردار نبھا رہے ہیں۔

گزشتہ روز 9ویں قسط شیئر کی گئی جس میں دکھایا گیا کہ باسط اپنی والدہ سے متعلق ساری سچائی عائشہ (آفس کی ملازم) کو بتادیتے ہیں جس کے بعد وہ ان سے شادی کے لیے راضی ہوجاتی ہیں جبکہ عائشہ کی والدہ بیٹی کی شادی کے لیے لاکھوں روپے طلب کرتی ہیں۔

باسط اور عائشہ کی شادی کو لے کر باسط کی والدہ خوش ہوتی ہیں کیونکہ ان کے شوہر کی خواہش تھی کہ باسط کی شادی ہوجائے جس کے بعد وہ اپنی ازدواجی زندگی کے ساتھ ساتھ بزنس پر بھی دھیان دے سکے اور اسے بزنس کو ڈوبنے سے بچانے کے لیے قرضہ نہ لینا پڑے کیونکہ ان کے والد نے شرط رکھی تھی کہ باسط شادی کے بعد ہی وراثت کا حقدار ٹھہرے گا۔

ادھر عائشہ کی بہن بانو بھی بہن کی شادی کو لے کر خوش ہوتی ہیں اور کہتی ہیں کہ دیکھو قسمت اسے کہتے ہیں شادی میں پہلے کرنا چاہتی تھی لیکن دلہن تم بن رہی ہو۔

 

View this post on Instagram

 

A post shared by Feroze Khan 🇵🇰 (@ferozekhan)

حبس کی دسویں قسط کے پرومو میں دکھایا گیا ہے کہ ’باسط شادی کے بعد عائشہ سے کہتے ہیں کہ آپ پر میری طرف سے آپ پر کوئی پابندی نہیں ہے میں رشتوں میں نجی معاملات کو بہت اہم سمجھتا ہوں۔‘

اس کے بعد عائشہ اپنی ساس کو کہتی ہیں کہ آپ تو جانتی ہوں گی جاب میں اپنی فیملی کو سپورٹ کرنے کے لیے کررہی تھی پھر باسط کی والدہ کہتی ہیں کہ باسط کو یہ منظور ہے۔

 

View this post on Instagram

 

A post shared by Feroze Khan 🇵🇰 (@ferozekhan)

پرومو میں دکھایا گیا کہ عائشہ خواب دیکھ رہی ہوتی ہیں جس میں وہ باسط سے کہتی ہیں کہ آپ کو تو میں اس لیے پسند تھی ناں کہ مجھے اپنوں کا احساس ہے پھر مجھے اپنوں سے منہ موڑنے کا کیوں کہہ رہے ہیں پھر باسط لفافہ دے کر ان سے کہتے ہیں کہ یہ آپ کے لیے طلاق کے پیپرز ہیں اتنے میں عائشہ کی آنکھ کھل جاتی ہے۔

پاکستانی شوبز انڈسٹری کی معروف اداکارہ نیلم منیر کی نئی تصاویر سوشل میڈیا پر مداحوں کی توجہ کا مرکز بن گئیں۔

فوٹو اور ویڈیو شیئرنگ ایپلی کیشن انسٹا گرام پر نیلم منیر نے اپنی نئی تصاویر پوسٹ کیں جن میں اداکارہ مشرقی لباس میں نہایت خوبصورت دکھائی دے رہی ہیں۔

انہوں نے فوٹوز کے کیپشن میں لکھا کہ ”پیار دیوانگی ہے“۔ دراصل نیلم منیر کا نیا ڈرامہ سیریل ”پیار دیوانگی ہے“ اے آر وائی ڈیجیٹل نشر کیا جا رہا ہے جس کی دو روز قبل نویں قسط آ چکی ہے۔

 

View this post on Instagram

 

A post shared by Neelam Muneer Khan (@neelammuneerkhan)

نیلم منیر نے تصاویر چند گھنٹوں قبل شیئر کیں جسے ان کے مداحوں کی جانب سے خوب سراہا جا رہا ہے اور فینز ان سے ڈرامے سے متعلق بھی سوال کر رہے ہیں۔

 

View this post on Instagram

 

A post shared by Neelam Muneer Khan (@neelammuneerkhan)

واضح رہے کہ نیلم منیر سوشل میڈیا پر کافی متحرک رہتی ہیں اور اکثر اپنی ویڈیو اور تصاویر شیئر کرتی رہتی ہیں۔

 

View this post on Instagram

 

A post shared by Neelam Muneer Khan (@neelammuneerkhan)

اداکارہ اس سے قبل بھی اے آر وائی ڈیجیٹل کے ڈراموں ”دل موم کا دیا“ اور ”بکھرے موتی“ میں مرکزی کردار ادا کرچکی ہیں۔

 

View this post on Instagram

 

A post shared by Neelam Muneer Khan (@neelammuneerkhan)

معروف پاکستانی گلوکار سجاد علی کا گانا ’بیبیا‘ بھی مارول اسٹوڈیو کی سیریز ’مس مارول‘ کا حصہ بن گیا۔

مارول اسٹوڈیوز کے بینر تلے اور پاکستانی فلم ساز شرمین عبید چنائے کی ڈائریکشن میں بننے والی سیریز ’مس مارول‘ میں ہر دلعزیز گلوکار سجاد علی کا گانا بھی شامل کیا گیا ہے۔

سجاد علی کا گانا ’بیبیا‘ سیریز کی چوتھی قسط میں 27 منٹ گزرنے پر آتا ہے۔

اس سین میں فلم کی ہیروئین کمالا خان اپنے کزن کے ساتھ ساحل پر موجود ہوتی ہیں اور اُن کے کزن ہی یہ گانا گا کر سناتے ہیں۔

سجاد علی کی جانب سے یہ سین اپنے فیس بُک اکاؤنٹ پر بھی شیئر کیا گیا ہے۔

گلوکار کا اپنی اس پوسٹ کے کیپشن میں کہنا ہے کہ ’میرا گانا ’بیبیا‘ مس مارول میں شامل کیا گیا ہے مارول اسٹوڈیو کی پوری ٹیم کو یہ زبردست سیریز پیش کرنے پر مبارک باد‘۔

واضح رہے کہ ’مس مارول‘ سیریز پاکستانی فلم ساز شرمین عبید چنائے اور مارول سنیمیٹک یونیورس کی پہلی مسلم سپر ہیرو سیریز ہے جس میں پاکستانی اور بھارتی فنکاروں سمیت دیگر ملکوں کے اداکار بھی شامل ہیں۔

یہ پراجیکٹ مختلف ثقافتوں کے لیے ایک خراجِ تحسین ہے اور اس میں برصغیر کے لاکھوں نوجوان لڑکوں اور لڑکیوں کو اپنی پہچان پر خوشی اور فخر کرنے کا پیغام دیا گیا ہے۔