پاکستانی ڈرامہ انڈسٹری کی معروف اداکارہ رمشا خان کا کہنا ہے کہ مجھے انوشکا شرما سے ملانا بند کردیا جائے۔

اداکارہ رمشا خان کو بالی وڈ اداکارہ انوشکا شرما کی کاپی کہا جاتا ہے اور اگر رمشا کے چہرے کے خدوخال پر غور کیا جائے تو دونوں میں واضح شباہت بھی محسوس ہونے لگتی ہے۔

تاہم اب اس حوالے سے رمشا خان کی ایک ویڈیو وائرل ہورہی ہے جس میں انہوں نے خود کو انوشکا سے ملانے پر بات کی۔

وائرل ویڈیو کلپ میں رمشا خان نے کہا کہ میں اپنے مداحوں سے یہی کہنا چاہوں گی کہ وہ مجھے انوشکا شرما سے ملانا بند کریں کیوں کہ مجھے وہ لوگ پسند ہیں جو مجھے رمشا خان کے طور پر جانتے ہیں۔

View this post on Instagram

A post shared by Celebs.Pakistan (@celebspakistan)

واضح رہے کہ سوشل میڈیا پر گزشتہ دنوں دونوں اداکاراؤں کی تصاویر بھی شیئر کی گئیں اور دونوں کی مشابہت پر رائے مانگی گئی جس پر متعدد صارفین نے رمشا اور انوشکا کو ملتا جلتا قرار دیا۔

یاد رہے رمشا خان نے حال ہی میں اے آر وائی ڈیجیٹل کے میگا کاسٹ فوجی ڈرامے ’صنف آہن‘ میں ’پری وش جمال‘ کا کردار نبھایا تھا۔

ڈرامے میں ان کا تعلق بلوچستان سے تھا اور انہوں نے اسلحہ چلانے کے مقابلے میں کامیابی حاصل کی تھی۔

صنف آہن کی دیگر کاسٹ میں کبریٰ خان، شہریار منور، عاصم اظہر، سجل علی، سائرہ یوسف، دنانیر مبین، یمنیٰ زیدی، عثمان پیرزادہ، صبا حمید، عثمان مختار، اسد صدیقی اور سری لنکن اداکارہ یہالی تاشیا شامل تھیں۔

فرانس: بالی وڈ کی معروف اداکارہ دپیکا پڈوکون فرانس میں ہونے والے کان فلم فیسٹیول میں سب کی توجہ کا مرکز بن گئیں۔

فلموں اور فنکاروں کے رنگا رنگ میلے کان فلم فیسٹیول کا آغاز آج فرانس کے شہر کان میں ہوگیا ہے۔ فیسٹیول 28 مئی تک جاری رہے گا۔

فیسٹیول میں بالی وڈ کی معروف اداکارہ دپیکا پڈوکون کی شرکت توجہ کا مرکز بن گئی۔ دپیکا پڈوکون کی حال ہی میں فلم “گہرائیاں“ ریلیز ہوئی ہے۔

 

View this post on Instagram

 

A post shared by Pinkvilla (@pinkvilla)

سوشل میڈیا پر وائرل تصویر میں دیکھا جا سکتا ہے کہ اداکارہ نے لوئس ووٹن کا لباس زیب تن کیا ہے جب کہ ان کے گھنگریالے بال کندھوں پر گرے ہوئے ہیں۔

سوشل میڈیا پر گردش کرنے والی ویڈیو میں دیکھا جا سکتا ہے کہ دپیکا پڈوکون فیسٹیول میں آمد کے دوران مسکرا رہی ہیں۔ اداکارہ کے ساتھ جیوری ارکان بھی موجود ہیں۔

 

View this post on Instagram

 

A post shared by Pinkvilla (@pinkvilla)

دپیکا پڈوکون کان فلم فیسٹیول میں بھارت کی نمائندگی کر رہی ہیں۔

Le Jury de #Cannes2022 s’affiche ce lundi soir hôtel Martinez
Ladj Ly, Vincent Lindon, Jeff Nichols, Asghar Farhadi, Deepika Padukone, Rebecca Hall, Jasmine Trinca et Joachim Trier
Manque à l’appel Noomi Rapace pic.twitter.com/70pIi0Muy1

— Destination Ciné(phile) (@DestinationCan5) May 16, 2022