سانپ اور اژدھے کی خوفناک ویڈیو دیکھ کر صارفین حیران رہ جاتے ہیں ایسی ہی ایک ویڈیو سوشل میڈیا پر وائرل ہورہی ہے جس میں اژدھے کو کرین سے لپٹا دیکھا گیا۔
جزائرغرب الہند کے ملک ڈومینیکا میں گزشتہ دنوں ایک اتنے بڑے سائز کا اژدھا پکڑا گیا جسے اٹھانے کے لیے کرین کی مدد لینی پڑ گئی۔
یہ اژدھا ڈومینیکا کے گھنے برساتی جنگل میں موجود تھا جہاں ورکرز راستہ بنانے کا کام کر رہے تھے، انہوں نے اس دیوقامت اژدھے کو دیکھ کر متعلقہ حکام کو اطلاع دی۔
رپورٹ کے مطابق اس اژدھے کی لمبائی 20فٹ سے بھی زیادہ تھی اور یہ اتنا موٹا اور وزنی تھا کہ اسے اٹھانا لوگوں کے بس میں نہیں تھا۔
Massive! It took a crane to shift this #python weighing 100 kg and measuring 6.1 m length, in Dhanbad, Jharkhand. #nature #wildlife #snakes #forests #India @wwfindia @natgeoindia pic.twitter.com/nZMNUtLkbv
— Parimal Nathwani (@mpparimal) October 18, 2021
چنانچہ کرین کی مدد سے اسے اٹھایا گیا، کرین سے اژدھے کو اٹھانے کی ایک ویڈیو انٹرنیٹ پر پوسٹ کی گئی ہے جو تیزی سے وائرل ہو رہی ہے اور لوگ اتنے بڑے سانپ کو دیکھ کر حیرت کا اظہار کر رہے ہیں۔
واضح رہے کہ ڈومینیکا ایک چھوٹا سا ملک ہے جس کا رقبہ محض 751مربع کلومیٹر ہے، اسے اس کی فطری خوبصورتی اور وائلڈ لائف کی وجہ سے’نیچر آئی لینڈ‘ اور ’جزائرغرب الہند کی جنت‘ بھی کہا جاتا ہے۔
