کراچی : پاکستان تحریک انصاف نے کراچی کے بلدیاتی انتخابات میں بھرپور سیاسی قوت سے میدان میں اترنے کا فیصلہ کرلیا، انتخابی مہم میں پی ٹی آئی شہر میں بڑا جلسہ کرے گی۔

تفصیلات کے مطابق کراچی کے بلدیاتی انتخابات کے حوالے سے پی ٹی آئی نے انتخابی مہم کی حکمت علمی بنالی ہے۔

پاکستان تحریک انصاف نے بھرپور سیاسی قوت سے میدان میں اترنے کا فیصلہ کرلیا ، اس سلسلے میں پی ٹی آئی امیدواروں کا کنونش ہوگا، جس میں عمران خان ویڈیو لنک سے خطاب کریں گے۔

شہر میں 7،6 اور 8جنوری کو میگا عوامی رابطہ کیمپ لگائے جائیں گے ،پی ٹی آئی 25 مختلف علاقوں میں کیمپس لگائے گی جبکہ انتخابات سے قبل پی ٹی آئی وومن کنونشن کا انعقاد بھی ہوگا۔

بلدیاتی الیکشن کیلئے انتخابی مہم میں پی ٹی آئی شہر میں بڑا جلسہ بھی کرے گی۔

خیال رہے الیکشن کمیشن آف پاکستان نےکراچی اور حیدرآباد میں بلدیاتی انتخابات کا نوٹیفکیشن جاری کیا تھا ، جس کے مطابق کراچی اور حیدرآباد ڈویژن میں بلدیاتی انتخابات 15جنوری کو ہوں گے۔

الیکشن کمیشن نے اعلامیہ جاری کر کے واضح کیا تھا کہ 15 جنوری کو کراچی اور حیدرآباد میں ہونے والے بلدیاتی الیکشن کے لیے دوبارہ کاغذات نامزدگی جمع نہیں ہوں گے بلکہ پہلے سے جمع شدہ کاغذات نامزدگی پر ہی انتخابات میں حصہ لیا جائے گا۔

پشاور: خیبرپختونخوا شدید دھند کے باعث اسکولوں کے اوقات کار میں آج سے تبدیلی کردی گئی، جس کے تحت پرائمری اسکول 9 بجکر15 منٹ پر کھولیں گے۔

تفصیلات کے مطابق خیبر پختوںخواہ میں میدانی علاقوں کے اسکول موسم سرما کی تعطیلات کے بعد کھل گئے تاہم شدید دھند کےباعث ا سکولوں کے اوقات کارمیں آج سے تبدیلی کردی گئی۔

محکمہ تعلیم کے پی کی جانب سے جاری اعلامیے میں کہا گیا ہے کہ آج سے پرائمری اسکول9بجکر15منٹ پرکھولےاورڈیڑھ بجے بند کیےجائیں گے جبکہ مڈل اور ہائیر سیکنڈری اسکولوں کا وقت صبح 9 بجے اور چھٹی ڈھائی بجے ہوگی۔

اعلامیے کے مطابق اسکولوں کے نئے اوقات کار 31 جنوری تک نافذ العمل رہیں گے۔

خیال رہے خیبر پختوںخواہ کے ونٹر زون پہاڑی علاقوں کے اسکولز15 فروری تک بند رہیں گے جبکہ پنجاب میں اسموگ کے باعث اسکول نو جنوری سے کھلیں گے اور وفاقی دارالحکومت اسلام آباد میں نجی اسکول آٹھ جنوری تک بند رہیں گے۔

بھارتی کرکٹر ریشبھ پنت کے کار حادثے میں زخمی ہونے کے بعد ان کے ڈاکٹر کا اہم بیان سامنے آیا ہے۔

بھارتی میڈیا کے مطابق بھاتی کرکٹر ریشبھ پنت کے ڈاکٹر نے کہا ہے کہ انہیں انجریز سے صحتیابی کیلئے 3 سے 6 مال کا وقت لگے گا۔

بھاتی میڈیا نے کہا کہ ریشبھ پنت 3 سے 6 ماہ تک ٹیم کو بھی جوائن نہیں کرسکیں گے، اس وقت وہ اتراکھنڈ کے میکس دہرادون کے اسپتال میں زیر علاج ہیں، ان کا دائیں ہاتھ، سر اور کمر شدید زخمی ہے۔

ڈاکٹرز کا مزید کہنا تھا کہ دائیں گھٹنے میں لیگامنٹ انجری کو ٹھیک ہونے میں 3 سے 6 ماہ کا وقت لگے گا جس کے باعث ریشبھ کی آسٹریلیا کیخلاف ٹیسٹ سیریز میں شرکت کا بھی امکان نہیں ہے۔

واضح رہے کہ ریشبھ پنت کی گاڑی کو حادثہ ریاست اترکھنڈ سے نئی دلی آتے ہوئے پیش آیا تھا، بھارتی وکٹ کیپر کی کار ہائی وے کی ریلنگ سے ٹکرائی اور اس میں آگ بھڑک اٹھی، آگ لگنے کے باعث ریشبھ پنت کی گاڑی مکمل طور پر جل گئی تھی۔