کراچی: فاریکس ڈیلرز ایسوسی ایشن کے صدر ملک بوستان نے معاشی بحران سے نکلنے کے لیے سابق وزیر اعظم اور وزیر اعظم شہباز شریف کو ساتھ بیٹھنے کی اپیل کی ہے۔

کراچی میں فاریکس ڈیلرز ایسوسی ایشن کے صدر ملک بوستان نے پریس کانفرنس کرتے ہوئے کہا کہ سیاسی رہنماپاکستان کومعاشی بحران سے نکالنےکیلئے قومی یکجہتی کامظاہرہ کریں۔

انہوں نے کہا کہ سیاستدانوں پربڑی ذمہ داری ہےملک کےبارے میں سوچیں کیوں کہ دشمن چاہتےہیں پاکستان کسی بھی طرح آگےنابڑھے۔

ملک بوستان نے مزید کہا کہ اس لیے میری عمران خان اورشہبازشریف صاحب سےدرخواست ہےدونوں بیٹھیں، فارن ریزوو اس وقت صرف 6 ارب ڈالرزرہ گئے ہیں، اس وقت ملک میں ڈالر دستیاب نہیں ہے۔

پی ٹی آئی چیئرمین اور سابق وزیراعظم عمران خان نے کہا ہے کہ ملک میں قانون کی بالادستی کے بغیر اہم اہداف حاصل نہیں کیے جاسکتے ہیں۔

اے آر وائی نیوز کے مطابق پی ٹی آئی چیئرمین عمران خان سے لاہور زمان پارک ان کی رہائشگاہ پنجاب پولیس کے سابق آئی جیز نے ملاقات کی۔ اس موقع پر فواد چوہدری اور حسان خاور بھی موجود تھے۔

ملاقات میں پولیس ریفارمز اور کرمنل جسٹس سسٹم اصلاحات پر گفتگو کی گئی جب کہ سابق آئی جیز نے اصلاحات کے حوالے سے اپنے نقطہ نظر سے آگاہ کیا۔

اس موقع پر عمران خان نے کہا کہ پولیس ریفارمز اور کرمنل جسٹس سسٹم میں بہتری کیلیے اصلاحات کی ضرورت ہے۔ ملک میں قانون کی بالا دستی کے بغیر اہم ٹاسک حاصل نہیں کیے جا سکتے۔

ان کا کہنا تھا کہ ملک میں قانون کی بالادستی، معاشی سرگرمیوں اور سرمایہ کاری کیلیے بہت ضروری ہے۔

قانونی ماہرین کا کہنا ہے کہ پنجاب اسمبلی کی تحلیل عدالتی حکم سے مشروط کردی گئی ہے اور اب یہ 11 جنوری سے قبل تحلیل نہیں ہوسکتی۔

اے آر وائی نیوز کے مطابق پنجاب اسمبلی کی تحلیل کے معاملے قانونی ماہرین نے پی ٹی آئی چیئرمین اور سابق وزیراعظم عمران خان کو اپنی رائے سے آگاہ کردیا ہے۔

قانونی ماہرین کے مطابق وزیراعلیٰ پنجاب کی عدالتی فیصلے پر بحالی کے بعد اب اسمبلی کی تحلیل عدالتی حکم سے مشروط کردی گئی ہے اور 11 جنوری سے قبل اسمبلی تحلیل نہیں ہوسکتی ہے۔

قانونی ماہرین کا یہ بھی کہنا ہے کہ گورنر کے پرویز الہٰی کو اعتماد کا ووٹ لینے کی ایڈوائس کی بھی قانونی حیثیت ختم ہوگئی ہے اور اسپیکر کی رولنگ کے بعد وزیر اعلیٰ پنجاب اعتماد کا ووٹ نہیں لے سکیں گے۔

قانونی ماہرین کا کہنا ہے کہ اب اعتماد کا ووٹ لینے کے لیے گورنر کو دوبارہ ایڈوائس دینا ہوگی۔

دوسری جانب پی ٹی آئی رہنما عمر سرفراز چیمہ کا اس حوالے سے کہنا ہے کہ عمران خان سینئر رہنماؤں سے مشاورت اور قانونی معاونت کے بعد لائحہ عمل طے کریں گے۔ چیئرمین پی ٹی آئی آج اس حوالے سے اجلاس کی صدارت کریں گے۔

واضح رہے کہ چند روز قبل گورنر پنجاب بلیغ الرحمٰن نے اعتماد کا ووٹ لینے کی ایڈوائس پر عملدرآمد نہ کرنے پر وزیراعلیٰ چوہدری پرویز الہٰی کو ڈی نوٹیفائی کردیا ہے۔

یہ بھی پڑھیں: عدالت نے پرویز الٰہی کو بحال کر دیا، اسمبلی تحلیل نہ کرنے کی یقین دہانی

پرویز الہٰی کی جانب سے عدالت سے رجوع کرنے پر لاہور ہائیکورٹ نے انہیں اس یقین دہانی کے بعد عہدے پر بحال کردیا تھا کہ وہ اسمبلی تحلیل نہیں کریں گے۔