ممبئی: کینسر کے مرض سے آگاہی کیلیے اپنی موت کا ڈرامہ رچانے والی بھارتی اداکارہ و ماڈل پونم پانڈے کے خلاف اندراج مقدمہ کا مطالبہ زور پکڑنے لگا۔
سوشل میڈیا پر شوبز انڈسٹری سے تعلق رکھنے والی شخصیات، صارفین، صحافی، صحت کے شعبے سے منسلک حضرات و دیگر پونم پانڈے کے خلاف سراپا احتجاج ہیں کیونکہ اداکارہ و ماڈل نے اپنی موت کی جھوٹی خبر پھیلا کر ان کو پریشان کیا۔
صحافی و پبلسٹی فلن ریمیڈیوز نے مطالبہ کیا ہے کہ ممبئی پولیس پونم پانڈے کی موت سے متعلق معاملے کی ہر پہلو سے تحقیقات کرے۔
سماجی رابطوں کی ویب سائٹ ایکس پر فلن ریمیڈیوز نے لکھا کہ اگر پونم پانڈے واقعی مر چکی ہے تو پولیس اس کی اچانک موت کی تحقیقات کرے، لیکن اگر وہ زندہ ہے تو اس کے خلاف جھوٹی خبر پھیلا کر لوگوں کو پریشان کرنے کا مقدمہ درج کیا جائے۔
@MumbaiPolice @CPMumbaiPolice @DGPMaharashtra pls investigate & register FIR against all responsible for spreading FAKE news about @iPoonampandey‘s "death” u/s concerning public mischief, IT Act, etc. Such trend of "fake shocking news” must be dealth strictly @Devendra_Office
— Flynn Remedios (@FlynnRemedios) February 2, 2024
انہوں نے اشارہ دیا کہ اگر پولیس فوری طور پر کارروائی کرنے میں ناکام رہتی ہے تو اداکارہ و ماڈل کے خلاف قانونی چارہ جوئی کریں گے۔
صحافی و پبلسٹی نے معاملے کو بڑے پیمانے پر غلط معلومات کے پھیلاؤ سے پیدا ہونے والے عوامی فساد کا سبب قرار دیا اور اس حوالے سے احتساب اور اصلاحات کی ضرورت پر زور دیا۔
گزشتہ روز پونم پانڈے کی سروائیکل کینسر کے باعث موت کی خبر جنگل میں آگ کی طرح پھیلی تھی جس کی تصدیق ان کی سوشل میڈیا ٹیم نے بھی کی تھی۔
لیکن آج صبح انسٹاگرام پر اداکارہ و ماڈل کی جانب سے ایک ویڈیو پوسٹ کی گئی جس میں انہوں نے بتایا کہ وہ زندہ ہیں، انہوں نے سروائیکل کینسر سے آگاہی کیلیے موت کی جھوٹی خبر پھیلائی تھی تاکہ لوگ اس بیماری کے بارے میں جان سکیں۔
View this post on Instagram