لاہور: وزیرداخلہ پنجاب ہاشم ڈوگر نے استعفیٰ دے دیا۔ ہاشم ڈوگر نے اپنا استعفیٰ وزیراعلیٰ پرویزالٰہی کو بھیج دیا ہے۔
نمائندہ اے آر وائی نیوز کے مطابق وزیرداخلہ پنجاب نے عہدے سے استعفے کی وجہ ذاتی مصروفیات کو قرار دیا ہے۔
ہاشم ڈوگر کا کہنا ہے کہ بطور وزیرداخلہ کام جاری رکھنانہیں چاہتا ذاتی وجوہات اور صحت کےمسائل کی وجہ سے مستعفی ہو رہا ہوں۔
- Advertisement -
وزیراعلیٰ پنجاب پرویز الہٰی کی کابینہ میں شامل ارکان میں سے دوسرا استعفیٰ ہے۔ اس سے قبل وزیر معدنیات سے مستعفی ہونے کا اعلان کیا تھا۔
دوسری جانب ذرائع کا کہنا ہے کہ میاں اسلم اقبال کو وزیرداخلہ پنجاب کا قلمدان سونپنےکا فیصلہ ہوا ہے۔