بالی وڈ کے سپراسٹار سلمان خان نے ایک پروگرام کے دوران کھل کر کرینہ کپور کو کہا تھا کہ ’تم نے غلط خان سے شادی کر لی۔‘
سوشل میڈیا پر ایک ویڈیو وائرل ہورہی ہے جس میں ایک پروگرام کے دوران اسٹیج پر بالی وڈ بیبو اور دبنگ خان موجود ہیں۔ سلمان ان سے کہتے ہیں کہ آپ اپنے شوہر سیف علی خان سے کیا کہیں گی ہم سب کان بند کررہے ہیں۔
اس پر کرینہ کپور کہتی ہیں کہ سیف کے لیے بہت سارا پیار میری طرف سے اور سلمان کی طرف سے اور وی سلمان کے کاندھے پر ہاتھ رکھ کر کہتی ہیں کہ آپ بھی انھیں ہائی کردیں۔
اس پر سلو بھائی بہت روکھے انداز میں انھیں ’واٹس اَپ‘ کہتے ہیں، پھر اداکارہ سے بولتے ہیں کہ کیا یار کرینہ کپور غلط خان سے شادی کرلی، جس پر کرینہ ہنستے ہوئے چہرہ گھما لیتی ہیں۔
مذکورہ ویڈیو کلپ بگ باس سیزن 6 کی ہے جب کرینہ نے بالی وڈ کے بھائی جان کے شو میں شرکت کی تھی۔ یہ 2013 کا واقعہ ہے جبکہ اس سے ایک سال قبل کرینہ اور سیف نے شادی کی تھی۔
کرینہ اپنے گانے ’فیوی کول سے‘ کی تشہیر کے لیے شو میں موجود تھیں۔ بہت سے مداحوں نے اس ویڈیو پر کمنٹس کیے ہیں۔ ایک شخص نے لکھا کہ ‘بھائی اپنی بات کہنے میں کبھی نہیں ہچکچاتے۔‘
ایک اور صارف نے تبصرہ کیا کہ ’واہ… مجھے لگتا ہے کہ اب میں سمجھ گیا ہوں کہ سلمان خان کے لیے ہر کوئی اس قدر دیوانہ کیوں ہے۔‘
