پاکستان ڈرامہ انڈسٹری کی ایک بے حد مقبول، باصلاحیت و سینئر اداکارہ ثانیہ سعید نے کہا ہے کہ ہمیں تماشہ دیکھنے کی عادت ہوگئی ہے۔
اے آر وائی نیوز کے ناک ناک شو میں پاکستان کی سینئر اداکارہ ثانیہ سعید نے شرکت کی، جہاں انہوں نے مختلف موضوع پر گفتگو کی۔
View this post on Instagram
اداکارہ ثانیہ سعید نے کہا کہ ہم آگے نہیں بڑ رہے، ہمیں بس تماشہ دیکھنے اور تماشہ بنانے کی عادت ہے، کون کیا کررہا ہے، کیا کھا رہا ہے، کیا پہن رہا ہے، دوسری کی زندگی میں کیا چل رہا ہے یہ سب ہمیں جاننے کی عادت ہے۔
اداکارہ کا کہنا تھا کہ میں جب سیٹ پر جاتی ہوں تو بہت زیادہ پروٹوکول ملتا ہے جس سے مجھے الجھن ہوتی ہے، بعض دفعہ مجھے کہنا پڑتا ہے کہ اگر مجھے کچھ چاہیے ہوگا تو میں کہہ دوں گی، ہمیں نارمل رہنا چاہیے۔
اس سے قبل انہوں نے آے آر وائی کے شو میں ہی کہا تھا کہ اب پیسے کمانے کے لیے اداکاری کرنی پڑتی ہے کیونکہ میرے پاس کوئی چوائس نہیں ہے پہلے بہت ہوتی تھی میں جتنے اسکرپٹ سے انکار کرتی تھی اس سے زیادہ میں کام کرلیتی تھی۔
واضح رہے کہ ثانیہ سعید ان دنوں اے آر وائی ڈیجیٹل کے ڈرامہ سیریل ’بندش ٹو‘ میں اداکاری کے جوہر دکھا چکی ہیں، دیگر کاسٹ میں آمنہ الیاس، عفان وحید، اریج محی الدین ودیگر شامل تھے۔