ممبئی: بالی وڈ کی معروف اداکارہ سوارا بھاسکر اور ان کے شوہر سماجی کارکن فہد احمد کے ہاں پہلی بیٹی کی پیدائش ہوئی ہے۔
بھارتی میڈیا کی رپورٹس کے مطابق سوارا بھاسکر نے سماجی رابطے کی ویب سائٹ ایکس پر ماں بننے کی خوشخبری مداحوں کے ساتھ شیئر کی۔
انہوں نے چار عدد تصاویر پوسٹ کیں جن میں ننھی مہمان کا چہرہ ظاہر نہیں کیا گیا۔ کیپشن میں اداکارہ نے بتایا کہ ان کے ہاں 23 ستمبر کو بیٹی کی پیدائش ہوئی۔
سوارا بھاسکر نے کیپشن میں لکھا کہ ’دعا قبول ہوگئی۔ ہماری بیٹی رابعہ 23 ستمبر کو اس دنیا میں آئی۔ ہم بے حد شکر گزار ہیں اور آپ کی محبت کا شکریہ ادا کرتے ہیں۔ یہ ہمارے لیے ایک نئی دنیا ہے۔‘
A prayer heard, a blessing granted, a song whispered, a mystic truth..
Our baby girl Raabiyaa was born on 23 Sept. 2023 ♥️
With grateful and happy hearts we thank you for your love.
It’s a whole new world 🤗✨@FahadZirarAhmad pic.twitter.com/uT7DbvgUXp— Swara Bhasker (@ReallySwara) September 25, 2023
اداکارہ کی سوشل میڈیا پوسٹ پر مداحوں کی جانب سے مبارکبادوں کا تانتا بندھ گیا۔
خیال رہے کہ سوارا بھاسکر رواں سال 16 فروری کو اپنی خفیہ شادی منظرِ عام پر لائی تھیں۔ جوڑے نے 6 جنوری 2023 کو کورٹ میرج کی تھی۔
اداکارہ نے سوشل میڈیا اکاؤنٹس پر فہد احمد کے ساتھ یادگار لمحات کی تصاویر ایک ویڈیو کی شکل میں پوسٹ کی تھی اور شادی کا اعلان کیا تھا۔
ویڈیو کے کیپشن میں اداکارہ نے لکھا تھا کہ ’بعض اوقات ایسا بھی ہوتا ہے کہ آپ دور دور تک کسی چیز کی تلاش میں رہتے ہیں لیکن وہ بالکل آپ کے پاس ہوتی ہے۔ میں اور وہ محبت کی تلاش میں تھے۔ پہلے ہماری دوستی ہوئی اور پھر ہم نے ایک دوسرے کو پا لیا۔‘
Sometimes you search far & wide for something that was right next to you all along. We were looking for love, but we found friendship first. And then we found each other!
Welcome to my heart @FahadZirarAhmad It’s chaotic but it’s yours! ♥️✨🧿 pic.twitter.com/GHh26GODbm— Swara Bhasker (@ReallySwara) February 16, 2023
سوارا بھاسکر کسی تعارف کی محتاج نہیں تاہم فہد احمد کے بارے میں بتایا جاتا ہے کہ وہ ریاست مہاراشٹر میں سماج وادی پارٹی کے یوتھ ونگ کے صدر ہیں اور اکثر سماجی مسائل پر آواز اٹھاتے ہیں۔