بھارتی اداکارہ تمنا بھاٹیا نے ہندی، تامل اور تیلگو فلموں میں یکساں مقبولیت حاصل کی ہے، ایک انٹرویو میں اداکارہ کی جانب سے زندگی میں دو بار دل ٹوٹنے کا انکشاف کیا گیا۔
معروف اداکارہ حال ہی میں نجی پوڈکاسٹ میں بطور مہمان شریک ہوئیں، جہاں انہوں نے اپنی پروفیشنل زندگی سے متعلق گفتگو کرنے کے ساتھ محبت میں دھوکا کھانے سے متعلق بھی مداحوں کو آگاہ کیا۔
اداکارہ کا دوران انٹرویو کہنا تھا کہ زندگی میں میں نے دو بار دل ٹوٹنے کا تجربہ کیا ہے جو میری ذاتی ترقی کے لیے انتہائی اہم تھے۔
تمنا بھاٹیا نے بتایا کہ مجھے پہلی محبت اس وقت ہوئی جب میں بہت کم عمر تھی، میں سمجھتی ہوں کہ وہ اس وقت ہوا جب میں نے محسوس کیا کہ مجھے اپنی زندگی میں مزید کچھ چاہیے تھا، صرف اُس ایک شخص کے لیے میں وہ تمام چیزیں نہیں چھوڑ سکتی تھی جو میں چاہتی تھی۔
اداکارہ نے دوسری بار دل ٹوٹنے کا تجربہ شیئر کرتے ہوئے کہا کہ دوسری بار میرا دل اس وقت ٹوٹا جب مجھے احساس ہوا کہ وہ شخص میری زندگی میں طویل مدت کے ساتھی کے طور پر میرے لیے بہتر نہیں ہے۔
اداکارہ نے اگر چہ دل ٹوٹنے کا تجربہ شیئر کیا مگر انہوں نے ان لوگوں کے نام نہیں شیئر کئے، جن کی وجہ سے انہیں تکلیف پہنچی۔
علاوہ ازیں اپنے انٹرویو میں تمنا بھاٹیا نے ریڈ فلیگز کو بھی اپنی گفتگو میں شامل کیا اور بتایا کہ’ریڈ فلیگ لوگ جھوٹ بولنے والے لوگ ہوتے ہیں۔ وہ لوگ جو چھوٹی چھوٹی باتوں پر جھوٹ بولتے ہیں۔
واضح رہے کہ اداکارہ تمنا نے گزشتہ سال جون میں ’لسٹ اسٹوریز 2‘ کے ساتھی اداکار وجے ورما کے ساتھ اپنے تعلق کی تصدیق کی تھی۔
آڈیشن کا کہہ کر کیا فرمائش کی گئی؟ حرا خان کا بڑا انکشاف
دونوں کو گزشتہ کئی ماہ تک ایک ساتھ دیکھا گیا اور اسی باعث دونوں کے افئیر کی خبریں بھارتی میڈیا میں سرگرم تھیں، لیکن دونوں کی جانب سے اس حوالے سے کوئی وضاحت نہیں دی گئی تھی۔
