زیبا بختیار ان اداکاراؤں میں سے ہیں جنھوں نے پاکستان کے ساتھ بھارتی فلمی صنعت میں بھی اپنی اداکاری کے جوہر دکھائے ہیں، جس کے باعث وہ پاک و ہند میں پسند کی جانے والی اداکارہ ہیں۔
اے آر وائی نیوز کے پروگرام ”The Knock Knock Show“ میں زیبا بختیار نے شر کت کی میزبان نے ان سے سیکریٹ کے بارے میں سوال کیا؟ کہ آخر کیا وجہ ہے کہ آپ آج بھی پہلے کی طرح خوبصورت دکھتی ہیں؟
جس پر اداکارہ کا کہنا تھا کہ اللہ تعالیٰ نے آپ کو صحت دی ہے تو آپ کا فرض ہے اس کی حفاظت کریں، کھانا ایک حد تک کھائیں جتنی ضرورت ہو، زیادہ کھانے سے پرہیز کریں، اس کے علاوہ انہو ں نے کہا کہ چاہے آپ موٹے ہیں یا پتلے ہیں، ایکسرسائز کرنا کبھی نہ چھوڑیں۔
یاد رہے کہ عدنان سمیع خان اور زیبا بختیار نے 1990 کی دہائی میں شادی کی تھی، دونوں نے اس وقت شادی کی تھی جب زیبا بختیار کا کیریئر عروج پر تھا، تاہم ان کی شادی بھی جلد ہی طلاق پر ختم ہوئی۔
شادی کے کچھ ہی عرصے بعد ان میں طلاق ہوگئی، جس کے بعد دونوں کے درمیان بچے کی کفالت کا طویل مقدمہ عدالتوں میں چلتا رہا اور 18 ماہ کی عدالتی جنگ کے بعد ماں نے بچے کی کفالت کا کیس جیت لیا۔
