کراچی: گرین لائن بس حادثے کی تحقیقات شروع کردی گئیں ، آپریشن منیجر نے کہا کہ تمام سی سی ٹی وی فوٹیجز کا معائنہ جاری ہے۔
تفصیلات کے مطابق گرین لائن بس کو حادثے کے بعد آپریشن منیجرعزیز الرحمان کی جانب سے بیان میں کہا گیا ہے کہ گرین ٹریک کو کلیئر کرکے سروس بحال کردی گئی، مسافر محفوظ رہے۔
عزیز الرحمان نے بتایا کہ ڈرائیور کوشیشےسےٹکرانےسےچوٹ لگی تاہم حادثےکی تحقیقات شروع کردی گئی ہیں۔
آپریشن منیجر نے کہا کہ تمام سی سی ٹی وی فوٹیجز کا معائنہ جاری ہے ، بس کے اندر اور ٹریک پر نصب کیمروں سے مدد لی جائے گی۔
یاد رہے آج صبح کراچی میں ناگن چورنگی پر گرین لائن بس کو حادثہ پیش آیا ، بچے کو بچاتے ہوئے گاڑی ڈرائیور سے بے قابو ہوکر فٹ پاتھ پر چڑھ گئی۔
گرین لائن بس فٹ پاتھ پر لگے جنگلے سے ٹکرائی جس سے بس کے اگلے حصے کو شدید نقصان پہنچا جبکہ خاتون اور بچے سمیت کئی افراد معمولی زخمی ہوئے.
حادثے کے باعث بس کا دروازہ لاک ہوگیا، جس کے بعد مسافر کھڑکیوں کے شیشے توڑ کر باہر نکلے۔