اسلام آباد: جمعیت علما اسلام پاکستان کے سربراہ اور پاکستان ڈیموکریٹک موومنٹ کے صدر ایک بار پھر سیاسی طور پر متحرک ہوگئے۔

اے آر وائی نیوز کی رپورٹ کے مطابق ملکی سیاسی صورتحال کے تناظر میں پی ڈی ایم سربراہ مولانافضل الرحمان نے متحرک ہوتے ہوئے پی ڈی ایم جماعتوں کے سربراہان اور رہنماؤں کا اجلاس طلب کرلیا۔

ذرائع کے مطابق پاکستنا پیپلز پارٹی اور اےاین پی کو اجلاس میں مدعو نہیں کیا گیا۔

ذرائع کا کہنا ہے کہ اجلاس میں شامل ہونے والی جماعتوں کے قائدین پاکستان پیپلزپارٹی اور عوامی نیشنل پارٹی کے بغیر حکومت مخالف تحریک پر مشاورت کریں گی۔

مولانا فضل الرحمان نے پی ڈی ایم کااجلاس 26اپریل کو4بجےطلب کیا ہے جس میں عیدالفطر کے بعد لانگ مارچ شروع کرنے پر غور کیا جائے گا۔

مزید  پڑھیں: ‘پی ڈی ایم اپنے ”شو“ اور ”کاز“ دونوں میں ناکام ہوچکی’

یہ بھی پڑھیں: پی ڈی ایم آپ کی بات سننے کو تیار ہے، فیصلوں پر نظر ثانی کریں: فضل الرحمان

واضح رہے کہ پی ڈی ایم کے آخری سربراہی اجلاس میں پاکستان پیپلزپارٹی نے لانگ مارچ سے قبل اسمبلیوں سے استعفے دینے کی مخالفت کی تھی، جس کے بعد مولانا فضل الرحمان سمیت دیگر جماعتوں نے پی پی کو سوچنے کے لیے وقت دیا تھا۔

بعد ازاں سینیٹ میں قائد حزب اختلاف کے معاملے پر جب پی پی یوسف رضا گیلانی کو اپوزیشن لیڈر بنوانے میں کامیاب ہوگئی تو پی ڈی ایم کے نائب صدر شاہد خاقان عباسی کی جانب سے پی پی قیادت کو شوکاز نوٹس ارسال کیا گیا تھا، جسے بلاول بھٹو زرداری نے سی ای سی مٹینگ میں پھاڑ کر پھینکا اور واضح کیا تھا کہ پی ڈی ایم کی تشکیل پی پی کی وجہ سے ممکن ہوئی، اس لیے اتحاد چھوڑنے کا سوال ہی پیدا نہیں ہوتا۔

کوئٹہ: بلوچستان کے دارالحکومت کوئٹہ میں ہونے والے دھماکے پر چینی سفارتخانے کا بیان آگیا۔

اے آر وائی نیوز کی رپورٹ کے مطابق چینی سفارتخانے کے ترجمان کا کہنا ہے کہ بم دھماکے سے بہت سے لوگ متاثر ہوئے، چین اس دہشت گرد حملے کی شدید مذمت کرتا ہے۔

ترجمان چینی سفارتخانے کا کہنا ہے کہ دھماکے میں شہید افراد کے اہلخانہ سے تعزیت اور زخمیوں سے اظہار ہمدردی کرتے ہیں۔

سفارتخانے کا کہنا ہے کہ چین کے سفیر اس روز ایک وفد کی قیات کرتے ہوئے کوئٹہ میں تھے، حملے کے وقت چینی وفد ہوٹل میں موجود نہیں تھا۔

ترجمان کا کہنا ہے کہ دھماکے میں کسی چینی شہری کے مرنے یا زخمی ہونے کی کوئی اطلاع نہیں ہے۔

مزید پڑھیں: کوئٹہ دھماکے کا مقدمہ تھانہ سی ٹی ڈی میں درج

واضح رہے کہ کوئٹہ کے سرینا ہوٹل کی پارکنگ میں دھماکے کا مقدمہ نامعلوم افرادکیخلاف درج کرلیا گیا ہے، مقدمے میں قتل، اقدام قتل اور دہشت گردی کی دفعات شامل کی گئیں ہیں۔

یاد رہے گزشتہ رات کوئٹہ میں سرینا چوک پر ہوٹل کی پارکنگ میں دھماکہ ہوا تھا ، جس کے نتیجے میں پانچ افراد جاں بحق اور دس زخمی ہوگئے تھے، زور دار دھماکے سے کئی گاڑیوں کو آگ لگ گئی جبکہ ہوٹل سمیت قریبی عمارتوں کے شیشے ٹوٹ گئے تھے۔

وفاقی وزیر داخلہ شیخ رشید نے اے آر وائی نیوز سے گفتگو میں دھماکے کو سیکیورٹی کی ناکامی قرار دیتے ہوئے کہا تھا کہ دھماکا خیز مواد گاڑی میں نصب تھا۔

اسلام آباد: وزیراعظم عمران خان نے کرونا کی بگڑتی صورت حال کے پیش نظر اجلاس طلب کرلیا۔

اے آر وائی نیوز کی رپورٹ کے مطابق وزیراعظم عمران خان سے اسدعمر اور معاونِ خصوصی برائے صحت ڈاکٹرفیصل سلطان کی ملاقات ہوئی۔

ملاقات میں وزیراعظم کو کروناکی صورت حال  اور ویکسی نیشن پر تفصیلی بریفنگ دی گئی۔

وزیراعظم عمران خان نے کل دوپہر 12 این سی سی برائےکرونا کا اجلاس طلب کرلیا۔ جس میں مستقبل کے حوالے سے اقدامات پر فیصلے کا امکان ہے۔

قبل ازیں نیشنل کمانڈ اینڈ آرپریشن سینٹر کی جانب سے جاری اعداد و شمار میں بتایا گیا کہ ملک بھر میں گزشتہ چوبیس گھنٹوں کے دوران مزید 98 افراد انتقال کر گئے جس کے بعد وبا سے مرنے والوں کی تعداد 16 ہزار 698 تک پہنچ گئی۔

مزید پڑھیں: این سی او سی کا کرونا پابندیاں مزید سخت کرنے کا فیصلہ، تجاویز تیار، ذرائع

نیشنل کمانڈ اینڈ آپریشن سینٹر کی رپورٹ کے مطابق گزشتہ چوبیس گھنٹوں کے دوران کرونا کے 5 ہزار 857 نئے کیسز سامنے آئے، ملک میں اب تک مجموعی طور پر کرونا کے 7 لاکھ 78 ہزار 238 کیسز کی تصدیق ہو چکی ہے۔

این سی او سی کے مطابق کرونا کے 6 لاکھ 76 ہزار 605 مریض صحت یاب ہو چکے ہیں، جب کہ 4 ہزار 593 مریضوں کی حالت تشویش ناک ہے، ملک میں فعال کیسز کی تعداد 84 ہزار 935 ہے۔

نیشنل کمانڈ اینڈ آپریشن سینٹر کی جانب سے جاری اعلامیے میں بتایا گیا کہ گزشتہ24 گھنٹوں میں 57 ہزار 591 کرونا ٹیسٹ کیے گئے، جب کہ ملک میں گزشتہ روز کرونا کے ٹیسٹ مثبت آنے کی شرح 10.16 فی صد رہی، اور مجموعی طور پر اب 1 کروڑ 13 لاکھ 77 ہزار 423 کرونا ٹیسٹ کیے جا چکے ہیں۔

پنجاب میں کرونا کیسز کی تعداد بڑھ کر 2 لاکھ 79 ہزار 437 ہو گئی، سندھ میں کیسز کی مجموعی تعداد 2 لاکھ 75 ہزار 81 ہے، خیبر پختون خوا میں کیسز 1 لاکھ 9 ہزار 704 ہو گئی، بلوچستان میں 21 ہزار 242 کیسز، اسلام آباد میں 71 ہزار 533 کیسز، آزاد جموں و کشمیر میں 16 ہزار 26 کیسز، جب کہ گلگت بلتستان میں اب تک 5 ہزار 215 کیسز سامنے آ چکے ہیں۔

کراچی: سندھ ہائیکورٹ سرکٹ بنچ نے سندھ پبلک سروس کمیشن کو کام سے روک دیا۔

اے آر وائی نیوز کی رپورٹ کے مطابق سندھ پبلک سروس کمیشن امتحانات میں رشوت کے عوض نتائج کی مبینہ تبدیلی کے کیس کی سماعت ہوئی، کیس کی سماعت جسٹس ذوالفقار خان، جسٹس سلیم جیسر پر مشتمل بنچ نے کی،عدالت نے سروس کمیشن کے تحت امتحانات، انٹرویوز، اشتہارات کے اجرا پر پابندی عائد کردی۔

عدالت نے چیئرمین سروس کمیشن کی سرزنش کرتے ہوئے کہا کہ پالیسی سے متعلق بھی آگاہی نہیں، امتحانات کے انعقاد، امتحانی نتائج کے اجرا کے طریقہ کار کی آگاہی ہی نہیں ہے۔

جج نے چیئرمین کمیشن سے استفسار کیا کہ کمیشن امتحانات کے نتائج پبلک کیوں نہیں کیے جاتے؟ خواہ کسی امیدوار کی صفر مارکس ہوں لیکن نتائج تو سامنے آنے چاہئیں۔

چیئرمین کمیشن نے کہا کہ ہم امیدوار کو کاربن کاپی دیتے ہیں وہ خود مارکس کی نشاندہی کرتے ہیں، عدالت نے استفسار کیا کہ یہ طریقہ کار اور پالیسی کس نے بنائی؟ کمیشن امتحانات میں شفافیت کا طریقہ بنا کر عدالت میں پیش کریں۔

جسٹس ذوالفقار خان نے ریمارکس دئیے کہ مستقبل کے معماروں کے ساتھ کھلواڑ نہیں ہونے دیں گے۔

کمیشن حکام نے عدالت سے دو ماہ کی مہلت طلب کی جس پر عدالت نے کمیشن حکام کو دو ماہ کی مہلت دیتے ہوئے کیس ملتوی کردیا۔

علاوہ ازیں عدالت کی جانب سے چیئرمین کمیشن نور محمد جادمانی کے وارنٹ اور سیکریٹری عطا اللہ کی معطلی ختم کردی گئی ہے۔