فرانس: ٹور ڈی فرانس سائیکل ریس کا دسواں مرحلہ اٹلی کے ونسینزو نیبالی نے جیت لیا۔
اٹالین رائڈر کو ریس میں مجموعی برتری حاصل ہوگئی ہے، دسویں مرحلے میں سائیکلسٹ کو مشکلات کا بھی سامنا رہا، دو مرتبہ کے چیمپئین اسپین کے ایلبرٹو کونٹوڈور حادثے کے سبب دسویں مرحلے سے باہر ہوگئے، انجری کے باعث وہ مزید مرحلوں میں بھی حصہ نہیں لے سکیں گے۔
اٹالین رائڈر ونسینزو نیبالی نے طویل اور مشکل سفر میں عمدہ کارکردگی کا مظاہرہ کیا اور مقررہ فاصلہ چار گھنٹے ستائیس منٹ اور چھبیس سیکنڈز میں طے کیا، ٹور ڈی فرانس کے دسویں مرحلے کے اختتام پر اٹالین رائڈر نے یلو جرسی برقرار رکھی، وہ بیالیس گھنٹے تینتیس منٹ اور اڑتیس سیکنڈز کے ساتھ سب سے آگے ہیں۔
