رواں سال 2023 کی پہلی ششماہی کے حوالے سے دنیا کے 10 محفوظ ترین شہروں کی فہرست جاری کی ہے جس میں امارات کے تین شہر بھی شامل ہیں۔

غیر ملکی میڈیا کے مطابق دنیا کے محفوظ ترین شہروں کی فہرست شائع کرنے والی ویب سائٹ نومبیو نے رواں سال کی پہلی ششماہی کے حوالے سے دنیا کے 10 محفوظ ترین شہروں کی فہرست جاری کی ہے جس میں امارات کے تین دبئی، ابوظہبی اور عجمان کو شامل کیا گیا ہے۔

اس فہرست ابوظہبی پہلے، عجمان دوسرے جب کہ دبئی نے تیسری پوزیشن حاصل کی ہے۔ عجمان گزشتہ سال اس فہرست میں چوتھے نمبر پر تھا جو دو درجے ترقی پا کر دوسرے نمبر پر پہنچ گیا ہے۔

غیر ملکی خبر رساں ادارے کے مطابق دنیا بھر میں اقتصادی، سماجی اور سلامتی شعبوں میں بہترین کارکردگی کی بنیاد پر درجہ بندی کرنے والی ویب سائٹ نومبیو نے دنیا کے 10 محفوظ ترین شہروں کی فہرست جاری کی ہے۔

اس حوالے سے عجمان پولیس کے کمانڈ رجنرل میجر جنرل شیخ سلطان النعیمی کا کہنا ہے کہ یہ اعزاز عجمان کے حاکم شیخ حمید بن راشد النعیمی کی ذاتی کاوشوں کا نتیجہ ہے۔

عجمان پولیس کے اعلی عہدیدار نے کہا کہ امن و امان کے حوالے سے دنیا کے دس محفوظ ترین شہروں میں عجمان کا دوسرے نمبر پر آنا اس بات کا پتہ دے رہا ہے کہ یہاں قومی معیشت فروغ پا رہی ہے۔ سرمایہ کار یہاں امن محسوس کر رہے ہیں۔ جرائم کی شرح محدود ہے اور ٹریفک سلامتی مسلسل بڑھ رہی ہے۔

واضح رہے کہ نومبیو دنیا بھر میں اقتصادی، سماجی اور سلامتی کے شعبوں میں بہترین کارکردگی کی بنیاد پر محفوظ ترین شہروں کی ایک سال میں دو بار فہرست جاری کرتا ہے۔ اس فہرست میں 146 ممالک کے 416 شہر ہوتے ہیں۔

گزشتہ سال دنیا کے دس محفوظ ترین شہروں میں یو اے ای کے پانچ شہر شامل تھے جن میں سے الفجیرہ اور شارجہ اس فہرست سے خارج ہوچکے ہیں۔

بھارت میں ٹماٹر کی قیمت میں ہوشربا اضافے کے بعد اب غیر ملکی فوڈ چین کمپنیز نے اپنے برگر سے ٹماٹر کو غائب کر دیا ہے۔

ٹماٹر وہ سبزی نما پھل ہے جو ہر ایک کو مرغوب اور تقریباً ہر ڈش کے لیے لازمی جزو ہے اسی طرح برگر کو خوش ذائقہ بنانے کے لیے ٹماٹر کا استعمال لازمی ہوتا ہے لیکن بھارت میں ٹماٹر کی بڑھتی قیمتوں نے اب عام افراد سمیت غیر ملکی فوڈ چینز کو بھی اپنے مشہور برانڈز سے ٹماٹر کو غائب کرنا شروع کر دیا ہے۔

ایک معروف امریکی فوڈ چین کمپنی جس کی سب سے مشہور برانڈ برگر دنیا بھر میں اس کی پہچان ہے۔ اب بھارتی شہریوں کو بغیر ٹماٹر کے ان کا برگر کھانا پڑے گا کیونکہ ٹماٹر کی آسمان سے باتیں کرتی قیمتوں نے اس کمپنی کو ٹماٹر اپنے برگر سے ہٹانے پر مجبور کر دیا ہے۔

غیر ملکی میڈیا رپورٹ کے مطابق امریکی فاسٹ فوڈ کمپنی کی ہندوستانی فرنچائز نے سبزیوں کی قیمتوں میں اضافے کے بعد اپنے مینو سے ٹماٹر کو خارج کر دیا ہے اور اب برگر بغیر ٹماٹر کے فروخت کیا جائے گا۔

یہ اقدام ایسے وقت میں سامنے آیا ہے جب بھارت میں سپلائی کی کمی اور ٹماٹروں کے معیار پر تشویش پائی جا رہی ہے۔ جس کی وجہ سے ٹماٹروں کی قیمت ریکارڈ توڑ بلندیوں تک پہنچ چکی ہیں اور کئی علاقوں میں ٹماٹر فی کلو 250 روپے تک فروخت کیا جا رہا ہے۔

اس حوالے سے مذکورہ کمپنی کے ترجمان نے کہا ہے کہ وہ اپنے صارفین کی خدمت کے لیے بہترین اور اچھی مقدار میں خریداری کے لیے کام کر رہے ہیں۔ فی الحال انہیں ٹماٹر کے بغیر ہی اپنی مصنوعات پیش کرنی ہے، یہ بتائے بغیر کہ یہ مسئلہ کب تک برقرار رہے گا۔