اسلام آباد : تحریک انصاف کی ایک اور منحرف رکن عائشہ نواز نے ڈی سیٹ کرنےکا فیصلہ سپریم کورٹ میں چیلنج کردیا اور فیصلے تک الیکشن کمیشن کا فیصلہ معطل کرنے کی استدعا کردی۔

تفصیلات کے مطابق تحریک انصاف کی ایک اور منحرف رکن عائشہ نواز نے الیکشن کمیشن فیصلےکیخلاف سپریم کورٹ سےرجوع کرلیا ، سپریم کورٹ میں دائر درخواست میں منحرف رکن پنجاب اسمبلی نے مؤقف اختیار کیا ہے کہ الیکشن کمیشن کا فیصلہ قانون کے بر خلاف کیا گیا۔

منحرف رکن کا کہنا ہے کہ الیکشن کمیشن نےسپریم کورٹ فیصلوں میں طے کردہ اصولوں کی خلاف ورزی کی اور فیصلےمیں پارٹی سربراہ ،پارلیمانی سربراہ کےعہدوں میں تفریق نہیں کی گئی۔

درخواست میں کہا گیا ہے کہ پی ٹی آئی کیجانب سے قانون کے مطابق شوکازنوٹس جاری نہیں کیے گئے، گزشتہ تاریخوں سےشوکازجاری کئےگئے، قانون کے مطابق شوکاز نوٹس جاری کرنا لازم ہے۔

عائشہ نواز نے استدعا کی کہ سپریم کورٹ کے فیصلے تک الیکشن کمیشن کا فیصلہ معطل کیا جائے۔

یاد رہے اس سے قبل منحرف خاتون رکن زہرہ بتول نے الیکشن کمیشن کے فیصلے کو چیلنج کیا تھا ، زہرہ بتول نے فیصلے کیخلاف سپریم کورٹ میں اپیل دائر کی ، جس میں کہا گیا کہ وزیراعلیٰ پنجاب کے الیکشن میں پارلیمانی پارٹی کی جانب سے کوئی ہدایت نہیں تھی، پارلیمانی پارٹی کا نہ کوئی اجلاس ہوا نہ ہی کوئی پالیسی طے ہوئی۔

درخواست میں مؤقف اختیار کیا گیا ہے کہ الیکشن کمیشن کا فیصلہ حقائق کے منافی ہے اسے برقرار نہیں رکھا جاسکتا، سپریم کورٹ سے اپیل ہے کہ استدعا منظور کرکے الیکشن کمیشن کا فیصلہ کالعدم قرار دیا جائے۔

واضح رہے الیکشن کمیشن نے 20 مئی کو اپنے فیصلے میں پنجاب اسمبلی کے منحرف اراکین کے خلاف دائر ریفرنس کا فیصلہ سناتے ہوئے پی ٹی آئی کے 25 منحرف اراکین کو نااہل قرار دیا تھا اور انہیں ڈی سیٹ کرنے کا حکم جاری کیا تھا۔

اسلام آباد : وزیرخزانہ مفتاح اسماعیل نے چیئرمین ایف بی آرعاصم احمد کومئی 2022 میں 490 ارب روپے کی ٹیکس وصولی پر مبارک باد پیش کی۔

تفصیلات کے مطابق وزیرخزانہ مفتاح نے سماجی رابطے کی ویب سائٹ ٹوئٹر پر چیئرمین ایف بی آرعاصم احمد کو مئی 2022 میں 490 ارب روپے کی ٹیکس وصولی پرمبارک باد پیش کرتے ہوئے کہا ایف بی آر نے پٹرولیم مصنوعات پر سیلز ٹیکس کے بغیر گزشتہ سال کے مقابلے میں ستائیس فیصد یا ایک سو تین ارب روپے زیادہ جمع کیے ہیں۔

مفتاح اسماعیل کا کہنا تھا کہ ٹیکس دہندگان کوریفنڈز کی مد میں تیس ارب روپے فراہم کیے ، جو گزشتہ مالی سال کی نسبت رواں مالی سال کے گیارہ ماہ کے مقابلے میں چوالیس فیصد یعنی نوارب روپے زائد ہے۔

I congratulate Chairman Asim Ahmed & the FBR team for tax collection of Rs 490b in May, 2022, an increase of 27% or Rs 103b over last year. This is without any sales tax on petroleum products. We provided Rs 30b in refunds to taxpayers, an increase of 44% or Rs 9b over last year.

— Miftah Ismail (@MiftahIsmail) June 1, 2022

یاد رہے پی ٹی آئی حکومت کی پالیسیوں کی وجہ سے پاکستان نے ملکی تاریخ میں دوسری بار سب سے بڑا ٹیکس ہدف طے کرلیا ، ایف بی آر نے مئی دوہزار بائیس میں چار سو نوے ارب روپے کا ٹیکس ریوینو جمع کیا۔

رواں مالی سال میں ایف بی آر نے گیارہ ماہ کے دوران پانچ کھرب چونتیس ارب نوے کروڑ روپے کے ٹیکس جمع کر چکا ہے جو پچھلے مالی سال کے مقابلے میں اٹھائیس اعشاریہ چار فیصد زائد ہیں۔ جبکہ پی ٹی آئی حکومت نے پانچ کھرب اٹھ سو ارب روپے کا ٹیکس جمع کرنے کا ہدف رکھا تھا۔

معاشی ماہرین کا کہنا ہے کہ اگر حکومت تبدیل نہ کی جاتی تو پاکستان بغیر پیٹرولیم لیوی اور سیلز ٹیکس کے تقریبا چھ کھرب روپے سے زائد کے ٹیکس جمع کر سکتا تھا۔