شوبز انڈسٹری کے معروف اداکار ٹیپو شریف نے بتایا ہے کہ انہیں کس سے شکایت ہے۔
اے آر وائی نیوز کے کرکٹ شو ’ہر لمحہ پرجوش‘ میں اداکار ٹیپو شریف نے شرکت کی اور معصومانہ میچ میں میزبان نجیب الحسنین کی جانب سے پوچھے گئے سوالات کے جوابات دیے۔
ٹیپو شریف نے کہا کہ مجھے بے ایمانوں سے شکایت ہے جبکہ انڈسٹری میں زیادہ تر اداکار باصلاحیت ہیں۔
ایک سوال کے جواب میں اداکار نے مسکراتے ہوئے کہا کہ مجھے اکثر لوگ پاگل کہتے ہیں مگر میں بہت زیادہ پاگل ہوں۔
انہوں نے کہا کہ اگر انڈسٹری میں ایوارڈ لینا ہے تو اچھے تعلقات ضروری ہیں، شوبز میں مستقل مزاجی نہیں ہے، وقت کے ساتھ ساتھ آپ تبدیل ہوتے رہیں تو بہتر ہے۔
ٹیپو شریف نے پی ایس ایل کو زبردست لیگ قرار دیا اور کہا کہ لاہور قلندرز کی ٹیم میں بہتری کی گنجائش ہے، کراچی کنگز کو بہتر سلیکشن چاہیے۔
اداکار نے کہا کہ شاہین آفریدی کو کپتان بنانا صحیح فیصلہ نہیں ہے، میری نظر میں بابر اعظم کپتان اچھے نہیں بیٹر شاندار ہیں، محمد رضوان بہترین کپتان ثابت ہوسکتے ہیں۔
انہوں نے کہا کہ پاکستان کی سیاست ’دو منہ‘ والی ہے آپ کو پتا نہیں ہے کہ کونسا منہ دیکھنے کو ملے گا جبکہ موجودہ الیکشن ایک مذاق ہے۔
