کراچی: میوزک انڈسٹری کے گلوکار عاصم اظہر نے بھی اسرائیلی جارحیت کا شکار ہونے والے معصوم فلسطینیوں سے اظہارِ یکجہتی کرتے ہوئے سالگرہ نہ منانے کا اعلان کردیا۔
سماجی رابطے کی ویب سائٹ ایکس پر عاصم اظہر نے پوسٹ میں کہا کہ اس وقت فلسطین میں ہمارے بہن، بھائیوں کے ساتھ جو ظلم و ستم ہورہا ہے، وہ دیکھتے ہوئے میں نے رواں برس اپنی سالگرہ نہ منانے کا اعلان کیا ہے۔
انہوں نے کہا کہ اس سالگرہ کے موقع پر میں چاہتا ہوں کہ ہم سب فلسطین میں ہونے والے قتل عام کا پیغام دنیا تک پہنچائیں اور ان کے لیے جو کچھ کر سکتے ہیں وہ کرنے کی کوشش کریں۔
I don’t believe in birthday celebrations when something so heartbreaking is happening to our brothers and sisters in Palestine. This birthday, I want all of us to spread the message to the world of the massacre that is taking place in Palestine and try in our capacity to do… pic.twitter.com/g8Q0eT7hL5
— Asim Azhar (@AsimAzharr) October 29, 2023
اُنہوں نے اپنے مداحوں سے اپیل کرتے ہوئے کہا کہ فلسطین کے حق میں آواز اُٹھانے کے لیے اپنے پلیٹ فارم کا استعمال کریں، چاہے وہ سوشل میڈیا ہو، ہم جیسے فنکاروں کے لیے، ہمارا اسٹیج ہی سب سے بڑا پلیٹ فارم ہے جس کے ذریعے ہم فلسطین کا پیغام زیادہ سے زیادہ سامعین تک پہنچا سکتے ہیں۔
گلوکار نے فلسطین کی آزادی کے لیے دُعا کرتے ہوئے کہا کہ دریا سے سمندر تک فلسطین آزاد ہو گا، سالگرہ کی تمام نیک خواہشات اور دعاؤں کا شکریہ، دوستو مجھے تم سے پیار ہے۔
یاد رہے کہ عاصم اظہر ہر سال 29 اکتوبر کو اپنی سالگرہ مناتے ہیں، وہ 29 اکتوبر 1996 کو پیدا ہوئے تھے۔
