اداکارہ غنا علی ایک بار پھر اپنے چاہنے والوں کی توجہ حاصل کرنے میں کامیاب ہوگئیں، انہوں نے وشمہ فاطمہ کے ہمراہ ایک دلچسپ ویڈیو سوشل میڈیا پر شیئر کی۔
غنا علی نے فوٹو اور ویڈیو شیئرنگ ایپ انسٹاگرام پر ایک ویڈیو شیئر کی جس میں وہ وشمہ فاطمہ کے ہمراہ خوشگوار موڈ میں دل بنانے کی کوششوں میں مصروف ہیں۔
View this post on Instagram
غنا علی کا شیئر کی گئی ویڈیو کے کیپشن میں کہنا تھا کہ ”جہاں امبر عروہ کی زندگی کو تباہ کرنے میں مصروف ہے، وہیں غنا علی، وشمہ فاطمہ کے ساتھ دل کے سائز کی تصویر لینے میں مصروف ہے۔“
غنا علی کی جانب سے انسٹا گرام پر شیئر کی گئی ویڈیو پر ان کے چاہنے والوں کی دلچسپ کمنٹس کا سلسلہ جاری ہے۔
اس سے قبل غنا علی نے اپنی ننھی بیٹی فائجہ عمیر کے ساتھ تصاویر شیئر تھیں لیکن اداکارہ نے بیٹی کا چہرہ ایموجی کے ذریعے چھپایا ہوا تھا۔
View this post on Instagram
غنا علی نے تصاویر شیئر کرتے ہوئے کیپشن لکھا کہ ’بچوں کو سنبھالنا آسان نہیں لیکن یہ یقینی طور پر دیکھ بھال کے مستحق ہیں، اداکارہ نے ننھی پری کو مزاحیہ انداز میں کیکی میلو بھی کہا۔
واضح رہے کہ23 نومبر کو غنا علی کے ہاں بیٹی کی پیدائش ہوئی تھی جس کی اطلاع انہوں نے انسٹاگرام پر مداحوں کو دی تھی۔
انہوں نے لکھا تھا کہ ہماری لیے خوشی کا لمحہ آخرکار آہی گیا، یہ ہم دونوں کے لیے بہترین لمحہ ہے، بیٹی ایک بہترین تحفہ ہے جس کی نعمت سے ہمیں نوازا گیا ہے۔
