اسلام آباد: وزیراعظم کے مشیر برائے قومی سلامتی معید یوسف نے کہا ہے کہ پاکستان افغان مہاجرین کا مزید بوجھ برداشت نہیں کرسکتا، افغان عوام طالبان کا استقبال کررہے ہیں تو اس میں پاکستان کا کوئی قصور نہیں ہے۔

اے آر وائی نیوز کے پروگرام الیونتھ آور میں میزبان وسیم بادامی کے ساتھ گفتگو کرتے ہوئے معید یوسف نے کہا کہ ’کوئی یہ نہ سمجھے پاکستان کسی چیز کیلئےبےتاب ہے، ہم اپنے قومی مفادمیں بات کر رہے ہیں‘۔

انہوں نے کہا کہ افغان سفیرکی بیٹی اغوا ہوئی اور نہ ہی کوئی تشدد کیا گیا، افغان حکام جھوٹی رپورٹ پر معافی مانگیں۔

معید یوسف کا کہنا تھا کہ افغان فوج طالبان سے لڑنے کے بجائے راہ فرار اختیار کررہی ہے، افغان حکام صرف پاکستان پر الزام تراشیوں میں مصروف ہیں، ساری توانائیاں صرف پاکستان کے خلاف سوشل میڈیا پر چلائے جانے والے جعلی ٹرینڈزپرلگائی جارہی ہیں۔

انہوں نے کہا کہ افغان عوام طالبان کا استقبال کررہے ہیں تواس میں ہمارا کیا قصور ہے، ہم توشروع سے مذاکرات کی حمایت کرتے ہیں، افغان طالبان اور میز پر بیٹھ کر بات چیت سے مسائل حل کریں اور پاکستانیوں پر الزام تراشی چھوڑ دیں‘۔

مشیر برائے قومی سلامتی نے کہا کہ افغان مہاجرین کا بوجھ مزید برداشت نہیں کرسکتے، عالمی برداری کو اس معاملے میں کردار ادا کرنا چاہیے، افغان جنگ کا پاکستان سے بڑا متاثر کوئی بھی ملک نہیں ہے۔

سوات: خیبرپختون خواہ کے مالا کنڈ ڈویژن کے علاقے وادی سوات میں بڑھتی ہوئی ڈکیتی کی ورداتوں کے حوالے سے اہم انکشاف سامنے آیا ہے۔

نمائندہ اے آر وائی نیوزشہزاد عالم کے مطابق سابق رکن قومی اسمبلی اور ضلع مردان کے سابق ناظم حمایت اللہ خان نے دعویٰ کیا کہ سوات میں سیاحوں کے ساتھ پیش آنے والے ڈکیتی کے واقعات ایک سوچی سمجھی سازش ہے۔

انہوں نے الزام عائد کیا کہ ڈی پی او سوات میں سیاحت کو ناکام بنانے کے لئے مری کے ہوٹلوں سے رقم وصول کرچکے ہیں، ایسے کرپٹ اور نا اہل ڈی پی او کو معطل کر کے سوات میں نیا افسر تعینات کیا جائے۔

عوامی نیشنل پارٹی کے رہنما حمایت اللہ خان ماریار نے کہا کہ ’سوات میں سیاحوں کے ساتھ پے در پے پیش آنے والے واقعات ڈی پی او سوات دلاور بنگش کی نااہلی ہے‘۔

انہوں نے کہا کہ مدین میں سیاحوں کے ساتھ پیش آنے والے واقعے کے بعد پولیس نے بے گناہ افراد کو گرفتار کیا، متاثرہ فیملی نے انہیں پہچاننے سے انکار کیا مگر بے گناہ طالب علموں کو حوالات میں بند کیا گیا اور انہیں بہیمانہ تشدد کا نشانہ بنایا گیا جبکہ پولیس اُن سے کچھ برآمد بھی نہیں کرسکی۔

مزید پڑھیں: سوات میں ڈکیتی کی بڑھتی وارداتیں، 50 سیاح موبائل اور بھاری نقدی سے محروم

سوات پریس کلب میں ہنگامی پریس کانفرنس سے خطاب کرتے ہوئے کیا انہوں نے کہا کہ9اگست کو لاہور سے پہلی مرتبہ کوسٹر میں سوات آنے والے سیاحوں کو تین نامعلوم موٹر سائیکل سواروں نے اسلحہ کے زور پر لوٹا اور ان سے پانچ لاکھ روپے نقدی، نو موبائیل اور سونے کے زیورات لوٹ کر فرار ہوگئے تھے۔

انہوں نے کہا کہ سوات پولیس نے ضلع بھر میں ناکہ بندی کی اور اسی دوران مردان سے گاڑی میں آنے والے طالب علموں ہاشم، سید قادر، بخت رحمان اور وقاص کو گرفتار کر کے ڈکیت ظاہر  کیا گیا۔ انہوں نے بتایا کہ عدالت کے حکم پر طالب علموں کا طبی معائنہ کیا گیا جس میں تشدد بھی ثابت ہوا ہے، یہ ظلم کی انتہا ہے۔

کراچی: جعلی شناختی کارڈ کیس  کی تحقیقات میں اہم انکشافات سامنے آئے اور نادرا افسران کی سنگین غلطیاں پکڑی گئیں ہیں۔

اے آر وائی نیوز کے مطابق ایرانی شہری کو  جعلی شناختی کارڈ جاری کرنے کے کیس کیس کی تحقیقات میں نادراافسران کی بڑی غلطیاں پکڑی گئیں ہیں۔

تحقیق میں انکشاف ہوا کہ 1949میں پیداخاتون فاطمہ بی بی کو ماں ظاہر کر کے ایرانی شہری کا شناختی کارڈ بنایا گیا، فاطمہ بی بی کو  12 سال کی عمرمیں ماں ظاہر کیا گیا۔

افسران نےایرانی شہری کاجعلی شناختی کارڈ بنانے کے لیے اُس کی تاریخ پیدائش1959 ریکارڈ کی جبکہ ایرانی شہری کا اندراج جس گھرانے میں کیا گیا، اُس میں امام بخش نامی شخص کو بھائی کوظاہرکیاگیا، مینوئل شناختی کارڈ نمبر میں درج نمبر دوسری خاتون کا نکلا، جس سے معلوم ہوا کہ وہ شناختی کارڈ جان بی بی نامی خاتون کا تھا۔

شناختی کارڈ رکھنے والا امام بخش ایرانی شہریت کا کارڈ اور پاسپورٹ رکھتا ہے، جسے 2017 میں ایران نے پاسپورٹ جاری کیا۔ ایف آئی اے کی تحقیقاتی ٹیم نے اس کیس کے حوالے سے کئی اہم شواہد اور ریکارڈ بھی حاصل کیے ہیں۔

مزید پڑھیں: ایف آئی اے کی کارروائی، جعلی شناختی کارڈ کے اجراء میں ملوث 3 ملزمان گرفتار

تحقیقات میں یہ بات بھی سامنے آئی کہ مینول شناختی کارڈ2008میں پراسس کروا کے ڈیجیٹل شناختی کارڈ بنایا گیا، نارتھ ناظم آباد نادرا دفتر میں تعینات اسسٹنٹ ڈائریکٹر اور عملے نے اس کام میں معاونت فراہم کی۔

ایرانی شہری نبی بخش نے سنگولین لیاری کے نائب ناظم سےکاغذات اور شناختی کارڈ کی تصدیق کرائی اور جعلی دستاویزات فراہم کیے۔ ایف آئی اے کے مطابق ایرانی شہری42301-0470994-1 جعلی شناختی کارڈ نمبرپر پاکستان بھر میں گھومتا رہا۔

ایف آئی اے کے مطابق نبی بخش کی گرفتاری کیلئےچھاپےجاری ہیں مگر ملزم کو تاحال گرفتار نہیں کیا جاسکتا۔ جعلی شناختی کارڈ کیس میں نادرا کے اسسٹنٹ ڈائریکٹر التمش کو گلستان جوہر سے گرفتار کیا گیا تھا۔