اردن میں سنگ دل بھائی نے چھری کے پے در پے وار کرکے بے دردی سے بہن کو قتل کر دیا۔

بین الاقوامی میڈیا رپورٹس کے مطابق افسوسناک واقعہ اردن کے دوسرے بڑے میٹروپولیٹن شہر اربد میں پیش آیا جہاں بھائی نے طیش میں بہن کو بے رحم سے موے کے گھاٹ اتار دیا۔

پولیس نے ملزم کو گرفتار کر کے آلہ قتل برآمد کر لیا اور دوران تفتیش بھائی نے اعتراف جرم کرتے ہوئے بتایا کہ اس نے باورچی میں رکھی چھری سے بہن کو قتل کیا۔

پولیس کا کہنا ہے کہ بھائی نے مبینہ طور پر غیرت کے نام پر طیش میں آکر بہن کی جان لی، بھائی کو 24 سالہ بہن پر شک تھا اور ناپسندیدگی کی بنا پر اس نے قابل سزا جرم کا ارتکاب کیا۔

لڑکی پر چھری کے متعدد وار کیے گئے کیونکہ بھائی کو اس کے گھر سے باہر جانا اور دیر تک نہ لوٹنا اچھا نہیں لگتا تھا۔

پبلک پراسیکیوشن نے ملزم کو 14 روزہ جسمانی ریمانڈ پر پولیس کے حوالے کرتے ہوئے مزید تفتیش کرنے کی ہدایت کی ہے۔

کابل: افغانستان کے صوبے نمروز میں مسلح افراد نے فوجی چیک پوسٹ پر حملہ کیا جس کے نتیجے میں 20 اہلکار ہلاک اور متعدد زخمی ہوگئے۔

افغان میڈیا رپورٹ کے مطابق نمروز میں قائم فوجی چیک پوسٹ پر درجن بھر موٹرسائیکل سواروں نے دھاوا بولا اور فائرنگ کی جس میں بیس اہلکار ہلاک اور درجنوں زخمی ہوئے۔

افغان فوج کے ترجمان نے دعویٰ کیا ہے کہ اہلکاروں نے جوابی فائرنگ کر کے جنگجوؤں کو بھی ہلاک کیا۔

رپورٹ میں بتایا گیا ہے کہ جنگجوؤں 6 اہلکاروں کو اغوا اور فوجی اسلحہ اور گاڑی بھی اپنے ہمراہ لے گئے۔ مغوی فوجیوں کی بازیابی کے لیے اطراف کے علاقوں میں سرچ آپریشن شروع کردیا گیا۔

یاد رہے کہ ایک روز قبل افغانستان کے صوبے تخار میں ایئرفورس نے بمباری کی تھی جس کے نتیجے میں مدرسہ مکمل طور پر تباہ ہوا اور قاری و بچوں سمیت گیارہ افراد جاں بحق ہوئے تھے۔ افغان میڈیا رپورٹ میں بتایا گیا ہے کہ حملے کے وقت بچے مدرسے میں قرآن مجید کی تلاوت کررہے تھے۔

افغان حکومت نے چیک پوسٹ پر ہونے والے حملے کا ذمہ دار طالبان کو ٹھہرایا جبکہ افغان طالبان نے اس حملے کے حوالے سے تاحال کوئی بیان جاری نہیں کیا۔ سیاسی مبصرین اور دفاعی تجزیہ کاروں کا ماننا ہے کہ مسلح افراد نے مدرسے کے تباہ ہونے کا ردعمل چیک پوسٹ پر حملہ کر کے دیا۔