لندن: برطانوی دارالحکومت میں جلد گھر پر کروناوائرس ٹیسٹ کی سہولت میسر ہوگی۔

تفصیلات کے مطابق برطانیہ میں پبلک ہیلتھ انگلینڈ نے سائنس اینڈٹیکنالوجی کمیٹی کو بریفنگ دیتے ہوئے کہا کہ جلد لندن میں کروناوائرسٹ ٹیسٹ کی سہولت گھروں میں فراہم کی جاسکے گی۔

کٹ کے ذریعے گھر بیٹھے 15منٹ میں ٹیسٹ ہوجائے گا۔ کروناوائرس کٹ امازون یاہائی اسٹریٹ سے خریدی جاسکے گی۔ جس پر کام جاری ہے جلد عمل درآمد یقینی بنایا جائے گا۔

برطانوی وزارت صحت کا کہنا ہے کہ برطانوی حکومت 35لاکھ کٹس خرید چکی ہے، ٹیسٹ کٹ سستے داموں دستیاب ہوگی جو کروناوائرس سے لڑنے میں معاون ثابت ہوں گی۔

کروناوائرس کا خوف : برطانیہ میں مکمل لاک ڈاؤن کا اعلان

خیال رہے کہ کرونا وائرس کا پھیلاؤ روکنے کے لیے برطانوی وزیر اعظم بورس جانسن نے تین ہفتوں کے لیے مکمل لاک ڈاؤن کا اعلان کر رکھا ہے، لاک ڈاؤن کے دوران دو سے زائد افراد کے جمع ہونے پر پابندی ہے۔

کرونا وائرس کی وبا نے چین کے بعد سب سے زیادہ نقصان یورپی ممالک کو پہنچا رہا ہے جس میں سب سے زیادہ متاثر اٹلی اور اسپین ہیں جہاں اموات کی تعداد 5 ہزار سے تجاوز کرچکی ہے جبکہ برطانیہ میں بھی حالات انتہائی تشویش ناک ہیں جس پر قابو پانے کے لیے برطانوی وزیر اعظم بورس جانسن نے مکمل لاک ڈاؤن کا اعلان کیا۔

دبئی: متحدہ عرب امارات کے محکمہ صحت نے تصدیق کی ہے کہ کرونا وائرس سے متاثر ہونے والے 52 مریض صحت یاب ہوگئے۔

عرب میڈیا رپورٹ کے مطابق محکمہ صحت کی جانب سے کرونا وائرس کی حالیہ صورت حال کے حوالے سے اعلامیہ جاری کیا گیا جس میں بتایا گیا ہے کہ متحدہ عرب امارات میں کرونا کے 85 نئے کیسز رپورٹ ہوئے جس کے بعد مریضوں کی تعداد 333 تک پہنچ گئی۔ محکمہ صحت کے مطابق متاثرہ مریضوں کی عمریں بیس سے چوالیس سال کے درمیان ہیں۔

ایک خوشی کی بات یہ بھی ہے کہ دبئی میں کرونا کے 52 مریض صحت یاب ہوگئے اور اُن کے ٹیسٹ نیگیٹیو آئے ہیں۔

مزید پڑھیں: کرونا بیماری یا علامات چھپانے پر قید اور ہزاروں درہم جرمانہ

ترجمان محکمہ صحت کا کہنا تھا کہ متحدہ عرب امارات نے کرونا وائرس کو پھیلنے سے روکنے کے لیے کئی اہم اقدامات کیے ہیں، مقامی اور غیر ملکی شہریوں، زائرین کو حکومت کی جانب سے جاری کی جانے والی احتیاطی تدابیر پر ہر صورت عمل کرنا ہوگا۔

عرب میڈیا رپورٹ میں بتایا گیا ہے کہ ہفتے کے روز کرونا وائرس سے متاثر دو افراد جاں بحق ہوئے تھے جن میں سے ایک مریض عرب اور دوسرا ایشیائی باشندہ تھا۔

ریاض: سعودی عرب میں کروناوائرس سے ایک اور مریض جاں بحق ہوگیا۔

عرب میڈیا کی رپورٹ کے مطابق مملکت میں کروناوائرس سے ہلاک ہونے والے افراد کی تعداد 2 ہوگئی ہے۔ سعودی عرب میں مہلک وائرس کے مریضوں کی مجموعی تعداد 900 ریکارڈ کی گئی۔

سعودی محکمہ صحت کے ترجمان کا کہنا ہے کہ 46 سالہ شخص مکہ شہر میں کروناوائرس سے ہلاک ہوگیا ہے جس کے بعد مہلک وائرس سے مرنے والوں کی تعداد 2 ہوگئی۔ ملک میں آج 133 نئے کیسز سامنے آئے۔

ترجمان کے مطابق نئے کیسز میں 18 افراد ایسے ہیں جنہوں نے کروناوائرس سے متاثرہ ممالک کا سفر کیا جس کے بعد سعودی عرب پہنچے۔ تمام مریضوں کو قرنطینہ میں رکھا گیا ہے۔

سعودی عرب میں کروناوائرس سے پہلی موت

خیال رہے کہ ہلاک خیز وائرس کے پیش نظر سعودی عرب میں کرفیو نافذ ہے۔ وزارت داخلہ نے شہریوں کو سخت ہدایات جاری کرتے ہوئے کہا ہے کہ وہ غیرضروری طور پر گھروں سے باہر نہ نکلیں۔

دوسری جانب سعودی عرب نے کرونا وائرس سے بچاؤ کے لیے کرفیو کے اوقات میں اضافہ کردیا اور اوقات دوپہر3بجے سے صبح 6بجے تک کر دیئے گئے ہیں، اقدامات کا نفاذ کل سے ہوگا۔