کم عمر بچوں کی فطرت ہے کہ وہ اپنے گرد ماں کی موجودگی چاہتے ہیں اور اگر ایسا ممکن نہ ہو تو وہ رو رو کر آسمان سر پر اٹھا لیتے ہیں مگر ایک خاتون نے اس بات کا ایسا حل نکالا جسے جان کر آپ بھی حیران رہ جائیں گے۔

لیرانی کلارک نامی خاتون کا کہنا ہے کہ ’میرے چودہ ماہ کے بیٹے ہیری کو بال نوچنے کی اتنی بری عادت تھی کہ اس وجہ سے اکثر سر میں درد رہنے لگا تھا‘۔ انہوں نے بتایا کہ ہیری کی وجہ سے میرے بال بھی بہت زیادہ خراب ہوگئے تھے کیونکہ وہ سوتے، جاگتے، کھاتے، پیتے اور کھیلنے کے دوران میرے بال نوچتا رہتا تھا۔

انہوں نے بتایا کہ ایک وقت ایسا آیا کہ سر میں شدید درد رہنے لگا جس کے بعد میں نے ڈاکٹر سے رجوع کیا تو اُس نے یہی وجہ بیان کی۔ لیرانی کا کہنا تھا کہ جب یہ بات میں نے اپنے شوہر کو بتائی تو ہم نے باہمی مشورہ کر کے ایک کھلونے والے سے رابطہ کیا جس نے میری شکل والی گڑیا بنا کر دی اور اُس کے بال بھی بالکل ویسے ہی رکھے۔

خاتون نے بتایا کہ اب اُن کا بیٹا اب سر لے کر سارے گھر میں گھومتا پھرتا رہتا اور اپنا دن آرام سے گزارتا ہے کیونکہ اُس کے دماغ میں یہ رہتا ہے کہ میں ساتھ ہی ہوں، وہ بال بھی نوچتا ہے اور اگر ہم اُس سے گڑیا چھین لیں تو رونا شروع کردیتا ہے۔انہوں نے بتایا کہ اب رات میں سونے کی پریشانی بھی نہیں ہوتی کیونکہ ہم ہیری کے برابر میں گڑیا کا سر رکھ دیتے ہیں، وہ بال پکڑ کر ویسے ہی سوتا ہے جیسے میرے ساتھ سوتا تھا۔ لیرانی نے دیگر خواتین کو بھی مشورہ دیا کہ وہ بھی اس بات پر عمل کر کے اپنی زندگی کو آسان بنا سکتی ہیں۔

اُن کا کہنا تھا کہ اب میرے سر کا درد کافی کم ہوگیا ہے۔

میکسیکو سٹی: میکسیکو سے تعلق رکھنے والے 9 سالہ بچے نے 19 کلو گرام کی وزنی مچھلی پکڑ کر سب کو ورطہ حیرت میں مبتلا کردیا۔

امریکی میڈیا رپورٹ کے مطابق میکسیکو سے تعلق رکھنے والے 9 سالہ الیکس اپنے والد کے ہمراہ اتوار کے روز مچھلی کے شکار پر گئے اور انہوں نے بلیو کیٹ فش پکڑی۔

رپورٹ کے مطابق الیکس کے والد کرس فلورز نے اس سے قبل 16 کلو کی مچھلی پکڑی تھی مگر اب اُن کے اپنے صاحبزادے نے ہی ریکارڈ توڑ کر اعزاز اپنے نام کرلیا۔

فلورز کا کہنا تھا کہ ماہرین نے بچے کی فرمائش پر مچھلی کو پوکی مون گو  کے کردار ’ویلورڈ‘ سے منسوب کردیا۔ بچے اور اُس کے والد نے جال میں پھنسنے والی مچھلی کے ساتھ تصاویر بنا کر اُسے واپس سمندر میں چھوڑ دیا۔

میڈیا رپورٹ کے مطابق اب تک اس نسل کی وزنی ترین مچھلی 35 کلوگرام کی سامنے آئی البتہ یہ پہلا موقع ہے کہ کسی کم عمر بچے نے اتنی بڑی مچھلی پکڑ کر ریکارڈ بنایا۔ والد نے بتایا کہ الیکس پوکیو مون گیم کھیلنے کا شیدائی ہے اور اُس کی خواہش تھی کہ گیم میں نظر آنے والی مچھلی حقیقت میں پکڑے۔