لاہور: جناح ہاؤس پر حملے کرنے والے مزید 120 ملزمان کی شناخت کر لی گئی۔

پولیس کے مطابق ملزمان کے شناختی کارڈز، تمام ریکارڈ تفتیشی افسران کو دے دیا گیا ہے۔ ملزمان 8 مئی کو زمان پارک اور 9مئی کو جناح ہاؤس میں موجود پائےگئے۔

پولیس کا کہنا ہے کہ ویڈیوز، جیوفینسنگ سے ملزمان کی زمان پارک، جناح ہاؤس موجودگی پائی گئی، چیکنگ میں 154شارٹ لسٹ ہونےوالوں میں34صحافی،پولیس ملازمین تھے۔

حکام نے کہا کہ ملزمان کی گرفتاری کےلئےخصوصی ٹیمیں تشکیل دے دی گئی ہیں۔

علاوہ ازیں‌جناح ہاؤس میں جلاؤ گھیراؤ اور توڑ پھوڑ کے مقدمے میں بڑی پیشرفت سامنے آئی ، انسداد ہشت گردی کی عدالت میں جناح ہاؤس حملہ کیس کی سماعت ہوئی۔

ملڑی ایکٹ کےتحت کارروائی کیلئے کمانڈنگ افسر نے 16 شرپسندوں کی حراست مانگی، عدالت نے کمانڈنگ افسر کی استدعا کو منظور کرلیا، شرپسندوں پر جناح ہاؤس میں جلاؤ گھیراؤ اور توڑ پھوڑ کامقدمہ درج ہے۔

عدالت نے سابق ایم پی اےمیاں اکرم عثمان سمیت 16 ملزمان کو کمانڈ افسر کے حوالے کرنے کا حکم دے دیا اور فیصلے میں کہا کہ کمانڈنگ افسرکےمطابق ملزمان آفیشل سیکرٹ ایکٹ کے سیکشن 3،7 اور 9 کے تحت قصور وار پائے گئے۔

فیصلے میں کہا گیا کہ ملزمان کے خلاف آرمی ایکٹ 1952 کے تحت ٹرائل ہوسکتا ہے، پراسکیوشن نے کمانڈر کی درخواست پر اعتراض نہیں کیا، سپرنٹنڈنٹ کیمپ جیل 16ملزمان کو کارروائی کیلئےکمانڈرافسرکےحوالےکردے۔

وزیر بلدیات سندھ ناصر حسین شاہ نے کہا ہے کہ کراچی کے بلدیاتی انتخابات میں پیپلزپارٹی کے مجموعی طور پر کےایم سی میں 105 ارکان ہو گئے۔

ٹوئٹر پر جاری بیان می ناصرحسین شاہ نے کہا ہے کہ بلدیاتی الیکشن سے متعلق اسلام آباد ہائیکورٹ نے آرڈر موڈیفائی کر دیا جماعت اسلامی نے کےایم سی کی 6 نشستوں کےنتائج کو چیلنج کیا تھا۔

ناصر حسین شاہ نے کہا کہ کراچی میئر الیکشن کےلئے پی پی کے 6 ووٹوں کا اضافہ ہو گیا ٹاؤن میونسپل کے17ووٹوں کا اضافہ ہوگیا جب کہ مجموعی طور پر23 ووٹوں کا اضافہ ہو گا۔

ان کا کہنا تھا کہ پی پی کے جیتے ہوئے ارکان میئرالیکشن میں ووٹ دےسکیں گے۔

Huge victory for the PPP.
IHC modifies the stay order in favour of the PPP. This means 23 more votes will be counted in favour of PPP candidates for the elections of Mayor KMC and TMC’s.
PPP was respresented by Barrister Shabbir Shah. @gshabbirshah

— Syed Nasir Hussain Shah (@SyedNasirHShah) May 25, 2023

سندھ میں میئر، ڈپٹی میئر، چیئرمین، وائس چیئرمین کونسل کا انتخاب 15جون کو ہو گا۔ امیدوار 9 سے10جون تک کاغذات جمع کراسکیں گے۔

الیکشن کمیشن کی جانب سے جاری شیڈول کے مطابق 11جون کو ریٹرننگ افسران کاغذات کی جانچ پڑتال کریں گے جب کہ 14جون کو امیدواروں کی حتمی فہرست آویزاں کی جائےگی اور 16جون کو آر اونتائج کا اعلان کریں گے جس کے بعد 19جون کو کامیاب امیدوارحلف لیں گے۔

اسلام آباد: سیکرٹری سپریم کورٹ بار نے آڈیو لیکس پر انکوائری کیلیے قائم کیے گئے کمیشن کے خلاف سپریم کورٹ میں درخواست دائر کر دی۔

درخواست میں مؤقف اختیار کیا گیا کہ انکوائری کمیشن آرٹیکل 9، 14، 18، 19 اور 25 کی خلاف ورزی ہے، آئین شہریوں کے موبائل فون ٹیپ کرنے کی اجازت نہیں دیتا، کیا انکوائری کمیشن آڈیو ریکارڈنگ کے سورس جانے بغیر حکم جاری کر سکتا ہے؟

سیکرٹری سپریم کورٹ بار نے کہا کہ کمیشن کی تشکیل سے سپریم جوڈیشل کونسل کے اُمور میں مداخلت کی گئی، حالیہ آڈیوز سپریم کورٹ پر اثر انداز ہونے کے مترادف ہیں، آڈیوز کو ایک طریقہ کار کے تحت سوشل میڈیا پر جاری کیا جا رہا ہے۔

درخواست گزار نے کہا کہ کمیشن نے اپنی کارروائی کے دوران آڈیوز کی حیثیت کو نظر انداز کیا، اٹارنی جنرل کو آڈیوز کے ذرائع جاننے کے بارے ہدایت نہیں دی گئی، کمیشن نے کارروائی میں ریکارڈنگ کرانے والوں کو نوٹس جاری نہیں کیے۔

مؤقف اپنایا گیا کہ قانون کے مطابق شہریوں کی موبائل ٹیپنگ نہیں کی جا سکتی، سپریم کورٹ انکوائری کمیشن اور اس کے احکامات کو معطل کرنے کا حکم دے، درخواست میں وفاق، انکوائری کمیشن، پیمرا اور پی ٹی اے کو فریق بنایا گیا ہے۔

اینٹی کرپشن عدالت سے ضمانت منسوخ ہونے کے بعد پولیس پاکستان تحریک انصاف کے صدر پرویز الٰہی کو گرفتاری کرنے کیلیے ان کی رہائش گاہ پہنچ گئی۔

سابق وزیر اعلیٰ پنجاب پرویز الٰہی کے خلاف کار سرکار میں مداخلت پر غالب مارکیٹ میں مقدمہ درج ہے جبکہ ان کے خلاف اختیارات کے ناجائز استعمال اور ترقیاتی فنڈز میں خوردبرد کا بھی مقدمہ درج ہے۔ آج اینٹی کرپشن عدالت کی جانب سے ان کی ضمانت منسوخ کی گئی تھی۔

پرویز الٰہی کے ترجمان کا کہنا ہے کہ وہ گھر میں موجود نہیں ہیں، اس وقت گھر میں صرف ان کی فیملی ہے، اگر پولیس سرچ وارنٹ دکھائے گی تو گھر کی تلاشی لینے دیں گے۔

قبل ازیں آج اینٹی کرپشن کی عدالت میں پی ٹی آئی صدر کی عبوری ضمانت پر سماعت ہوئی تاہم وہ ذاتی حیثیت میں پیش نہ ہوئے۔ ان کے وکیل نے میڈیکل رپورٹ پیش کی اور حاضری معافی کی درخواست دائر کی۔

سرکاری وکیل نے کہا کہ پرویز الٰہی کی میڈیکل رپورٹ جعلی ہیں، انہوں نے او پی ڈی کی پرچیاں لگائیں جو جعلی ہیں۔ جس پر ان کے وکیل کا کہنا تھا کہ میڈیکل رپورٹ درست ہے، اینٹی کرپشن والوں نے جواب موصول نہیں کیا۔

اس دوران عدالت نے ریمارکس دیے کہ پرویز الٰہی ٹی وی پر تو نظر آ رہے ہیں۔ وکیل نے بتایا کہ وہ پرانی فوٹیج ہے۔ بعد ازاں اینٹی کرپشن کی عدالت نے عدم حاضری پر ان کی عبوری ضمانت خارج کر دی۔