پاکستان تحریک انصاف کے رہنما فواد چوہدری نے کہا ہے کہ عمران خان کے استقبال کے لیے آنے والے افراد کو دہشتگرد قرار دے دیا گیا۔

اے آر وائی نیوز کے مطابق پی ٹی آئی چیئرمین عمران خان کے گزشتہ روز اسلام آباد کی عدالتوں میں مختلف مقدمات میں پیشی کے بعد کارکنوں پر جوڈیشل کمپلیکس پر حملے کا مقدمہ درج کرنے اور متعدد افراد کی گرفتاری پر فواد چوہدری نے ردعمل ظاہر کرتے ہوئے سماجی رابطوں کی ویب سائٹ ٹوئٹر پر ٹویٹ کیا ہے۔

فواد چوہدری نے اپنے ٹویٹ میں لکھا ہے کہ عمران خان کے استقبال کیلیے آنے والے لوگوں کو دہشت گرد قرار دے دیا گیا۔ فسطائی حکومت کے قیام کے بعد کسی قانون اور قاعدے کا احترام باقی نہیں رہا۔

پی ٹی آئی رہنما مزید لکھا کہ سپریم کورٹ کا فیصلہ ہے کہ دہشتگردی کے قانون کا سیاسی مخالفین کیخلاف استعمال غیر قانونی ہے۔

سپریم کورٹ کے سات رکنی بنچ کا فیصلہ ہے کہ دہشت گردی کے قانون کا سیاسی مخالفین کے خلاف استعمال کرنا غیر قانونی ہے لیکن اس فسطائ حکومت کے قیام کے بعد کسی قانون اورقاعدے کا احترام باقی نہیں رہا، کل عمران خان کے استقبال کیلئے آنے والے لوگوں کو دہشت گرد قرار دے دیا گیا ہے pic.twitter.com/0EluONxi1F

— Ch Fawad Hussain (@fawadchaudhry) March 1, 2023

واضح رہے کہ گزشتہ روز عمران خان کی اسلام آباد کی مختلف عدالتوں میں مقدمات پر پیشی کے موقع پر کارکنوں کی بڑی تعداد ان کا استقبال کرنے اور اظہار یکجہتی کے لیے آئی تھی۔

عمران خان کی پیشی کے موقع پر وفاقی وزیر داخلہ رانا ثنا اللہ نے ساہیوال میں پریس کانفرنس کرتے ہوئے جوڈیشل کمپلیکس میں توڑ پھوڑ کا مقدمہ درج کرنے کا اعلان کیا تھا جس پر فوری عملدرآمد کرتے ہوئے اے ٹی اے 353/7 اور دیگر دفعات کے تحت مقدمہ درج کر لیا گیا تھا۔

ایف آئی آر میں کہا گیا کہ ہجوم سے کلاشنکوف اور دیگر اسلحہ سمیت افراد کو حراست میں لیا گیا، منصوبے کے تحت جوڈیشل کمپلیکس اور ہائی کورٹ پر حملے کی کوشش کی گئی۔

مقدمے متن کے مطابق سیاسی جماعت کے رہنما ہجوم کی قیادت کر رہے تھے، جماعت کے رہنما نے عوام کو توڑ پھوڑ پر اکسایا، جوڈیشل کمپلیکس میں سرکاری املاک کو نقصان پہنچایا گیا تاہم پولیس نے حکمت عملی سے ہائی کورٹ میں ایسے کسی ممکنہ اقدام کو روکا۔

اندراج مقدمہ کے بعد پولیس نے 25 افراد کو گرفتار کرلیا تھا جب کہ دیگر کے لیے چھاپہ مار کارروائیاں جاری تھی۔ پولیس کے مطابق گرفتاریوں کیلیے مختلف صوبوں میں پولیس ٹیمیں روانہ کر دی گئیں۔

یہ بھی پڑھیں: جوڈیشل کمپلیکس حملہ : عمران خان سمیت سب گرفتار ہوں گے، راناثناءاللہ

اس مقدمے کے اندراج کے بعد وفاقی وزیر داخلہ کا ایک بیان سامنے آیا تھا جس میں انہوں نے کہا تھا کہ عمران خان سمیت سب گرفتار ہوں گے۔ جب کہ آج صبح عمران خان سمیت 21 رہنماؤں کے خلاف ایک اور مقدمہ درج کرلیا گیا ہے۔

بسمہ معروف نے پاکستان ویمنز کرکٹ ٹیم کی کپتانی سے استعفیٰ دے دیا ہے جب کہ پاکستان کرکٹ بورڈ نے ان کا استعفیٰ منظور بھی کرلیا ہے۔

اے آر وائی نیوز کے مطابق پاکستان ویمنز کرکٹ ٹیم کی کپتان بسمہ معروف نے اپنے عہدے سے دستبردار ہونے کا اعلان کرتے ہوئے استعفیٰ دے دیا جس کو پاکستان کرکٹ بورڈ نے منظور بھی کرلیا ہے۔

اس حوالے سے چیئرمین پی سی بی منیجمنٹ کمیٹی نجم سیٹھی نے سماجی رابطوں کی ویب سائٹ پر اپنے ٹویٹ میں بسمہ معروف کے مستعفی ہونے کی تصدیق کرتے ہوئے کہا ہے کہ ان کا استعفیٰ منظور کرلیا گیا ہے۔

نجم سیٹھی نے اپنے ٹویٹ میں بسمہ کے کپتانی سے مستعفی ہونے کی وجہ بھی بیان کردی ہے اور کہا ہے کہ بسمہ معروف نوجوان کھلاڑیوں کے لیے راستہ ہموار کرنا چاہتی ہیں۔

انہوں نے کہا کہ بسمہ معروف پاکستان کا فخر ہیں اور وہ بطور کھلاڑی قومی ٹیم کے ساتھ جڑی رہیں گی۔

I have accepted resignation of @maroof_bismah Captain of Pakistan Women’s National Team. She wants to make way for a younger colleague. But happily she will continue to play for Pakistan and bring laurels for her country.

— Najam Sethi (@najamsethi) February 28, 2023

واضح رہے کہ بسمہ کی قیادت میں پاکستان نے 62 میں سے 27 ٹی ٹوئنٹی جیتے جبکہ 32 میں شکست ہوئی۔

اس کے علاوہ پاکستان نے بسمہ کی کپتانی میں 34 میں سے 16 ون ڈے میچز میں کامیابی حاصل کی۔

یہ بھی پڑھیں: یونس اور کامران کے کنگز اور زلمی کو آج کے میچ کیلیے قیمتی مشورے

حال ہی میں جنوبی افریقہ میں کھیلے گئے ویمنز ٹی 20 ورلڈ کپ میں پاکستان ٹیم کی کارکردگی انتہائی ناقص رہی اور وہ چار میں سے تین میچ میں شکست کھانے کے بعد پہلے راؤنڈ میں ہی ٹورنامنٹ سے باہر ہوگئی تھی۔

پی ایس ایل 8 میں آج کراچی کنگز اور پشاور زلمی مدمقابل ہوں گے آج کے میچ کیلیے سابق قومی کپتان یونس خان اور کامران اکمل نے اہم مشورے دیے ہیں۔

اے آر وائی نیوز کے مطابق ایچ بی ایل پاکستان سپر لیگ سیزن 8 کے سنسنی خیز مقابلے جاری ہیں۔ ایونٹ میں ایک روز کے آرام کے بعد آج کراچی کنگز اور پشاور زلمی مدمقابل ہوں گے۔ اس ہائی وولٹیج میچ سے پنڈی کرکٹ اسٹیڈیم میں 3 سال بعد پی ایس ایل کی واپسی ہوگی۔

پی ایس ایل کے حوالے سے اے آر وائی نیوز کے مقبول پروگرام ’’ہر لمحہ پُرجوش‘‘ میں چیمپئن کپتان یونس خان اور سابق وکٹ کیپر بلے باز نے کراچی کنگز اور پشاور زلمی کو آج کے میچ کے لیے انتہائی قیمتی مشورے دیے ہیں۔

یونس خان نے کہا کہ کراچی کنگز اگر ٹاس جیتے تو اسے پہلے بیٹنگ کرنی چاہیے جب کہ جارح مزاج اوپننگ بلے باز شرجیل خان کو آج کے میچ میں چانس دینا چاہیے۔

دوسری جانب پشاور زلمی کے بیٹنگ کنسلٹنٹ کامران اکمل نے بھی اپنی ٹیم کو قیمتی مشورے سے نوازتے ہوئے کہا ہے کہ زلمی کو اپنی بولنگ پر خصوصی توجہ دینا ہوگی۔

ہر لمحہ پرجوش پروگرام ایک بار پھر چھا گیا ہے۔ اس پروگرام میں اسامہ خان بنے مہمان اور کھیلا معصومانہ کھیل میزبان وسیم بادامی کے ساتھ۔ اداکار نے پیشگوئی کی کہ پی ایس ایل ٹرافی اس بار بھی لاہور قلندرز اٹھائیں گے۔

یہ  بھی پڑھیں: نیا میدان تو نیا امتحان، کراچی اور پشاور آج پنڈی میں میدان گرم کریں گے

پروگرام میں مصطفیٰ چوہدری نے دھارا مولانا فضل الرحمٰن کا کامیڈی روپ اور عادی کے ساتھ لائے ہنسی کا طوفان۔