وزیراعظم شہباز شریف نے ورلڈ جونیئر اسکواش چیمپئن شپ جیتنے پر حمزہ خان، پوری قوم اور تمام کھلاڑیوں کو مبارکباد پیش کی ہے۔
اے آر وائی نیوز کے مطابق 37 سال بعد پاکستان ورلڈ جونیئر اسکواش چیمپئن شپ کا ٹائٹل جیتنے میں کامیاب ہوا ہے، وزیراعظم پاکستان نے اس فتح پر حمزہ خان، پوری قوم اور تمام کھلاڑیوں کو مبارکباد پیش کی ہے۔
وزیراعظم نے کہا کہ یہ ٹائٹل پھر سے پاکستان کے نام کرنے پر حمزہ خان آپ کا شکریہ، حمزہ خان نے 1986 کی ورلڈ اسکواش چیمپئن جان شیر خان کی فتح کی یاد تازہ کردی،
شہباز شریف نے کہا کہ اسکواش کے میدان میں پاکستان کا پرچم پھر بلند کرنے پر قوم آپ کو خراج تحسین پیش کرتی ہے۔
وزیراعظم نے امید ظاہر کرتے ہوئے کہا کہ امید ہے آپ اسکواش میں پاکستان کو ایک بار پھر ناقابل تسخیر بنا ئیں گے، 15 ماہ کے دور میں کوہ پیمائی، باکسنگ، اسکواش و دیگر کھیلوں میں پاکستان نے کئی اعزاز اپنے نام کیے۔
