برطانوی وزیراعظم بورس جانسن نے کہا ہے کہ اگر پیوٹن ایک عورت ہوتے تو مجھے نہیں لگتا کہ وہ اس طرح سے حملے اور تشدد کی جنگ کا آغاز کرتے۔

عالمی خبر رساں ادارے کے مطابق برطانوی وزیراعظم بورس جانسن نے روس یوکرین تنازع پر قدرے مضحکہ خیز اظہار خیال کرتے ہوئے کہا کہ پیوٹن کا یوکرین پر حملہ ان کی زہریلی مردانگی کی ایک بہترین مثال ہے، میرا خیال ہے کہ اگر پیوٹن ایک عورت ہوتے جو ظاہر ہے کہ وہ نہیں ہے، تو شاید وہ اس طرح سے حملے اور تشدد کی جنگ کا آغاز نہ کرتے۔

بورس جانسن نے مزید کہا کہ سب جنگ کا خاتمہ چاہتے ہیں لیکن فی الحال کوئی امکان نہیں نظر آتا کیوں کہ پیوٹن امن کی پیشکش نہیں کر رہے ہیں۔

انہوں نے زور دیا کہ مغربی اتحادیوں کو یوکرین کی حمایت کرنی چاہیے تاکہ روس کے ساتھ امن مذاکرات ممکن ہونے کی صورت میں اسے بہترین ممکنہ اسٹریٹجک پوزیشن میں رکھا جا سکے۔

برطانوی وزیراعظم کا یہ بھی کہنا تھا کہ اب وقت آگیا ہے کہ دنیا بھر میں لڑکیوں کے لیے بہتر تعلیم اور اقتدار کے عہدوں پر زیادہ سے زیادہ خواتین کی شمولیت پر کام کیا جائے۔

واضح رہے کہ گزشتہ روز ہی روس نے کہا ہے کہ وہ اپنے اہداف کی تکمیل تک یوکرین کیخلاف فوجی آپریشن جاری رکھے گا۔

یہ بھی پڑھیں: یوکرین میں فوجی آپریشن کب تک جاری رہے گا؟ روس نے بتایا دیا

غیر ملکی میڈیا کے مطابق اقوام متحدہ میں روس کے پہلے نائب مستقل مندوب یدمتری پولیانسکی نے کہا ہے کہ یوکرین میں روس کا خصوصی فوجی آپریشن اس وقت تک جاری رہے گا جب تک یوکرین دونباس پر گولہ باری بند نہیں کر دیتا اور اس کی سرزمین سے خطرے کا مکمل خاتمہ نہیں ہوجاتا۔

واشنگٹن: ترکیہ کو فن لینڈ اور سویڈن کی نیٹو اتحاد میں شمولیت پر رضامندی کا انعام مل گیا۔

غیر ملکی خبر ایجنسی کے مطابق فن لینڈ اور سویڈن کی نیٹو اتحاد میں شمولیت کی حمایت پر بائیڈن انتظامیہ نے ترکیہ کو ایف 16 طیاروں کی ممکنہ فروخت کی حمایت کردی ہے۔

امریکا کا کہنا ہے کہ ایف 16 طیاروں کی فروخت سے ترکیہ کی مضبوط دفاعی صلاحیتوں سے نیٹو کے دفاع کو تقویت ملے گی، امریکا ترکیہ لڑاکا بیڑے کو جدید بنانے کی حمایت کرتا ہے۔

خیال رہے کہ امریکا نے روس سے S-400 دفاعی میزائل سستم خریدنے پر ترکیہ پر پابندیاں عائد کرتے ہوئے ایف – 35 فروخت کرنے سے انکار کردیا تھا، تاہم اب ترکی نے فن لینڈ اور سوئیڈن کی نیٹو میں شمولیت کی حمایت کے بدلے عالمی طاقتوں سے متعدد رعائتیں حاصل کرلی ہے۔

یہ بھی پڑھیں: ترکی نے فن لینڈ اور سوئیڈن کو نیٹو میں شامل کرنے کی حامی بھرلی

واضح رہے کہ ترکی نے نیٹو میں شمولیت کے لیے سویڈن اور فن لینڈ کی حمایت کردی ہے۔ ترکی نے اس سے قبل تنظیم میں ان ممالک کی شمولیت کے بارے میں عدم اتفاق کا اظہار کیا تھا جس کی وجہ ان ممالک کی جانب سے کرد انتہا پسندوں کے خلاف کارروائی نہ کرنا ہے۔

سویڈن اور فن لینڈ ترکی کی حمایت کے بغیر نیٹو میں شامل نہیں ہو سکتے تھے کیونکہ نیٹو کے کسی بھی فیصلے کے لیے تمام 30 رکن ممالک کی منظوری درکار ہوتی ہے۔

ریاض: سعودی ہلال کمیٹی نے ذوالجہ 1443 ہجری کا چاند نظر آنے کا اعلان کردیا۔

عرب میڈیا کی رپورٹ کے مطابق سعودی عرب کے چیف ماہر فلکیات عبداللہ خدیری نے اجلاس کی سربراہی کی جس کے بعد ملک کے مختلف حصوں سے چاند نظر آنے کی شہادتیں موصول ہونے کا اعلان کیا گیا۔

سعودی گزٹ کی رپورٹ کے مطابق چاند نظر آنے کے بعد یکم ذوالحجہ 30 جون بروز جمعرات جبکہ حج کا رکن اعظم وقوف عرفہ 8 جولائی کو ادا کیا جائے گا جس کے بعد 9 جولائی کو عید الاضحیٰ منائی جائے گی۔

The sighting of the crescent of the month of Dhul Hijjah for the year 1443 AH has been confirmed in #SaudiArabia and accordingly, the Day of #Arafat will be on July 8 (Friday) and July 9 (Saturday) will be the first day of #EidAlAdha. https://t.co/yB5re1Lpzz pic.twitter.com/IIMbA8Yfy5

— Saudi Gazette (@Saudi_Gazette) June 29, 2022

خیال رہے کہ آج پاکستان میں بھی رویت ہلال کمیٹی کا اجلاس ہوا تھا لیکن چاند نظر نہیں آیا، پاکستان میں عید الاضحیٰ 10 جولائی بروز اتوار کو ہوگی۔