کراچی : محکمہ داخلہ سندھ نے محکمہ داخلہ پنجاب سے دعا زہرا کو کراچی لانے کیلئے پولیس بھیجنے کی اجازت مانگ لی۔

تفصیلات کے مطابق دعا زہرا کیس میں اہم پیش رفت ہوئی ، محکمہ داخلہ سندھ نے محکمہ داخلہ پنجاب کو خط لکھ دیا ، جس میں کہا ہے کہ دعا زہرہ کو کراچی لانے کیلئے پولیس بھیجنے کی اجازت دی جائے۔

محکمہ داخلہ سندھ کےخط کی کاپی اے آروائی نیوز نے حاصل کرلی ، خط میں کہا ہے کہ معزز عدالت کی جانب سے احکامات جاری کیے گئے ہیں ، دعا زہرا کو میڈیکل بورڈ کے سامنے پیش کرنا ہے۔

محکمہ داخلہ سندھ کا کہنا تھا کہ دعا زہرہ کو کراچی منتقل کرنے کیلئے کراچی پولیس کی مدد کی جائے ، ڈی ایس پی شوکت شاہانی کی سربراہی میں پولیس پارٹی لاہور پہنچے گی، خاتون پولیس کانسٹبل سلطانہ بھی پولیس پارٹی کے ہمراہ ہوگی۔

مزید پڑھیں : عمر کے تعین کیلئے دعا زہرا کو میڈیکل بورڈ کے روبرو پیش نہیں کیا جاسکا

محکمہ داخلہ نے بتایا کہ خط کی کاپی متعلقہ اداروں کو بھی ارسال کر دی گئی ہے۔

گذشتہ روز عمر کے تعین کیلئے دعا زہرا کو میڈیکل بورڈ کے روبرو پیش نہیں کیا جاسکا تھا ، جس کے بعد میڈیکل بورڈ نے پولیس کو دعا زہرا کو پیش کر نے کی ہدایت کی تھی۔

میڈیکل بورڈ نے آئندہ اجلاس دعا زہر ا کی پیشی سے مشروط کردیا تھا، تفتیشی افسر شوکت شاہانی نے بتایا تھا کہ محکمہ داخلہ سندھ کو درخواست دی ہےکہ محکمہ داخلہ پنجاب سے رابطہ کرے، جیسے ہی احکامات ملیں گے دعا زہرا کو لینے چلے جائیں گے، ہماری کوشش ہے کہ جلد از جلد عدالتی احکامات پر عمل کیا جائے۔

اسلام آباد : بجلی کا بحران ختم ہونے کے بجائے مزید سنگین ہو گیا اور وزارت توانائی نے ویب سائٹ پر ڈیٹادینا بھی بند کردیا۔

تفصیلات کے مطابق شہباز حکومت لوڈشیڈنگ میں کمی کا وعدہ پورا نہ کرسکی ، ملک میں بجلی کا بحران مزید سنگین ہو گیا اور شارٹ فال7ہزار300 میگاواٹ تک جا پہنچا۔

پاور ڈویژن کے ذرائع نے بتایا کہ بجلی کی مجموعی پیداوار 21ہزار900 میگا واٹ اور طلب29ہزار200میگا واٹ تک بڑھ گئی تاہم وزارت پاور کا لوڈشیدنگ پر موقف سامنے نہ آسکا جبکہ وزارت پاور نے ویب سائٹ پر ڈیٹا دینا بھی بند کر دیا۔

بحران کے باعث شہروں میں چھ سےآٹھ اوردیہات میں دس سےبارہ گھنٹے کی لوڈشیڈنگ جاری ہے ، جس نے شہریوں کا جینا دو بھرہوگیا ہے۔

دوسری جانب کراچی والے بھی کےالیکٹرک کےرحم وکرم پر ہے ، بارہ سےچودہ گھنٹےبجلی غائب رہنامعمول بن گیا ہے، وقفے وقفے سے بجلی کی بندش سے شہریوں میں غم و غصہ پایا جاتا ہے اور کئی علاقوں میں احتجاجی مظاہرے بھی رپورٹ ہو رہے ہیں۔

گذشتہ روز سندھ کے وزیر توانائی امتیاز شیخ نے کراچی میں بجلی فراہم کرنے والی واحد کمپنی کے الیکٹرک کو حکومتی تحویل میں لینے کا عندیہ دیتے ہوئے کہا تھا کہ صوبائی حکومت نے طویل لوڈشیڈنگ کا نوٹس لیا۔

غیراعلانیہ طویل لوڈشیڈنگ پرعوام کاغصہ بڑھنے لگا ہے، شہریوں کا کہنا ہے کہ جس طرح بجلی کے بل دبا کر آ رہے ہیں، لوڈ شیڈنگ بھی اسی طرح ہورہی ہے، شہبازشریف مہربانی کریں گھرچلےجائیں۔

عوام کا کہنا ہے کہ شہباز حکومت نےوعدہ کیامگرریلیف نہیں دیا، پاکستان میں رہنےوالوں کیلئےکوئی سہولت نہیں، کاروبارتباہ ہورہا ہے،عوام دلدل میں دھنستےجارہے ہیں۔

اسلام آباد : پاکستان میں کورونا ایک بار پھر سر اٹھانے لگا ، ایک دن میں 600 سے زائد کیسز اور 2 اموات رپورٹ کی گئیں۔

تفصیلات کے مطابق قومی ادارے صحت ( این آئی ایچ ) نے ملک میں جاری کورونا وبا کے تازہ ترین اعدادو شمار جاری کردیئے، جس میں بتایا کہ ملک میں چوبیس گھنٹے کے دوران کورونا وائرس کے باعث دو افراد انتقال کر گئے۔

این آئی ایچ کا کہنا تھا کہ ملک بھر میں 24 گھنٹوں کے دوران کورونا کے مزید 641 کیسزرپورٹ ہوئے جبکہ کورونا کے 119مریض انتہائی نگہداشت میں زیر علاج ہیں۔

ذرائع کے مطابق گزشتہ ملک میں کورونا کی بلند ترین شرح19.09 فیصد شرح کراچی میں ریکارڈ کی گئی جبکہ حیدر آباد میں کورونا کی شرح 0.15 فیصد ، اسلام آباد میں 2.37 فیصد، لاہور میں یومیہ کورونا شرح 3.49، راولپنڈی میں1.51 فیصد رہی۔

کوئٹہ میں کورونا کی شرح 1.13 فیصد ، پشاور میں 2.90، جبکہ گوجرانوالہ، گجرات، جہلم ، صوابی، بنوں، نوشہرہ میں کورونا کی یومیہ شرح صفر رہی۔