ممبئی: بالی وڈ کے معروف اداکار سونو سود بھارت میں اپنی اداکاری کے علاوہ سماجی خدمات کے حوالے سے بھی زیادہ مشہور ہیں۔

سونو سود نے ایک بار پھر اپنی دریا دلی سے مداحوں سمیت سب کے دل جیت لیے۔ انہوں نے چار بازوؤں اور ٹانگوں والی بچی کا اعلان کروانے کا اعلان کر دیا ہے۔

بھارتی ریاست بہار کے ضلع نوادہ سے ایک ایسی بچی کی ویڈیو سوشل میڈیا پر وائرل ہوئی تھی جس کے حیرت انگیز طور پر 4 بازوں اور ٹانگیں تھیں۔

مزید پڑھیں: بالی وڈ میں کامیابی کیسے ملتی ہے؟ سونو سود نے بتا دیا

ڈاکٹروں نے بچی کی صحت مند زندگی کے لیے فوری سرجری کروانے کا کہا تھا تاہم والدین کے پاس اتنے پیسے نہیں کہ وہ علاج کرا سکیں۔

جب یہ خبر اداکار سونو سود تک پہنچی تو انہوں نے بچی کے علاج کا اعلان کر دیا۔ سماجی رابطے کی ویب سائٹ ٹوئٹر پر سونو سود نے ایک تصویر شیئر کی جس میں ڈاکٹر بچی کا علاج کر رہے ہیں۔

کیپشن میں اداکار نے لکھا کہ پریشان ہونے کی ضرورت نہیں ہے کیوں کہ بچی کا علاج شروع کر دیا گیا ہے بس آپ لوگ دعا کریں۔

مداحوں اور دیگر لوگوں کی جانب سے سونو سود کے انسان دوست اقدام تعریفیں کی جا رہی ہیں۔

टेन्शन मत लीजिए इलाज शुरू करवा दिया है। बस दुआ करिएगा। https://t.co/gndrRhuNQJ pic.twitter.com/YoCTRoqoir

— sonu sood (@SonuSood) May 28, 2022

پنجابی گلوکار سدھو موسے والا کے قتل کی ذمہ داری قبول کرنے والے گینگسٹر لارنس بشنوئی نے 2018 میں سلمان خان کو قتل کرنے کی دھمکی دی تھی۔

بھارتی میڈیا نے گینگسٹر لارنس بشنوئی کی سلمان خان کو قتل کرنے کی دھمکی دینے کی ویڈیو شیئر کردی جس میں دیکھا جاسکتا ہے کہ گینگسٹر کہہ رہا ہے کہ سلمان خان کو جودھ پور میں قتل کریں گے۔

ویڈیو میں لارنس کے ساتھ راجستھان سے ان کے معاون سمتھ نہرا کو دیکھا جاسکتا ہے نہرا نے مبینہ طور پر سلمان خان کے گھر کی تلاشی لی تھی لیکن گینگ کے کچھ کرنے سے پہلے ہی اسے گرفتار کرلیا گیا تھا۔

عدالت کے باہر 2018 میں گینگسٹر کا سلمان خان کو دھمکی دیتے ہوئے کہنا تھا کہ بلاوجہ مجھے شامل تفتیش کررہے ہیں ابھی تو ہم نے کچھ کیا ہی نہیں ہے جب ہم کریں گے تو پتا چل جائے گا سلمان خان کو جودھ پور میں ہی ماریں گے۔

بھارتی میڈیا کا بتانا ہے کہ لارنس بشنوئی گینگ اب پنجاب، دہلی، ہریانہ، راجستھان اور ہماچل پردیس ریاستوں میں پولیس کے لیے درد سر بن گیا ہے۔

رپورٹ کے مطابق بشنوئی کے روابط دیگر ممالک تک بھی پھیل گئے ہیں ان میں سب سے نمایاں گولڈی برار ہے جس نے کہا کہ اس نے موسے والا کے قتل کی منصوبہ بندی کی تھی۔

بھارتی میڈیا کے مطابق اس گینگ کے پانچ ریاستوں میں 700 شوٹرز ہیں اور وہ مزید دوسرے گینگز کو اپنے ساتھ شامل کررہے ہیں اور یہ بھی بتایا گیا ہے کہ گروہ پنجابی فنکاروں سے مستقل بنیادوں پر بھتہ وصول کرتا ہے۔

واضح رہے کہ پنجابی گلوکار سدھو موسے والا کو 29 مئی کی شام نامعلوم حملہ آوروں کی جانب سے فائرنگ کر کے قتل کر دیا گیا تھا گلوکار کی آخری رسومات ادا کردی گئی ہیں۔

روس اور یوکرین کے درمیان تین ماہ سے جاری جنگ کے پیشِ نظر معروف ویڈیو اسٹریمنگ کمپنی نیٹ فلکس نے روسی صارفین کے لیے اپنی سروس مکمل طور پر بند کر دی۔

غیر ملکی میڈیا کے مطابق اسٹریمنگ کمپنی کے ترجمان نے اس کی تصدیق کرتے ہوئے کہا ہے کہ روسی صارفین کو اب مزید نیٹ فلکس تک رسائی حاصل نہیں ہوگی۔

کمپنی نے سروس جمعہ کے روز سے مکمل بند کر دی ہے۔

مزید پڑھیں: پاس ورڈ شیئرنگ کیخلاف نیٹ فلکس نے بڑا اعلان کردیا

نیٹ فلکس کا کہنا ہے کہ کمپنی کا روسی مارکیٹ سے باقاعدہ طور پر انخلا ہوگیا ہے۔ کمپنی نے روسی حکام کو اس حوالے سے پہلے ہی آگاہ کر دیا تھا۔

نیٹ فلکس کو یوکرین کے ساتھ جنگ کے باعث روس میں اپنی سروسز بند کرنے پر بڑا نقصان بھی ہوا ہے۔ نیٹ فلکس کو رواں سال کی پہلی سہ ماہی میں دو لاکھ پرائم سبسکرائبرز کے نقصان کی اطلاع کے بعد اس کے اسٹاک میں 20 فیصد کمی ہوئی۔

اس کمی نے نیٹ فلکس کے سبسکرائبرز کو 221.6 ملین تک پہنچا دیا جو کہ گزشتہ سہ ماہی میں 221.8 ملین تک تھی۔

مزید پڑھیں: نیٹ فلکس نے روس میں اپنی سروسز بند کردیں

نیٹ فلکس نے اس حوالے سے بیان جاری کیا تھا کہ روس میں ہماری سروس کی معطلی اور تمام روسی ادائیگی شدہ سبسکرپشنز کو ختم کرنے کے نتیجے میں پیڈ نیٹ ایڈ پر 7 ملین کا اثر پڑا۔