انٹرنیٹ پر آئے روز نت نئی ویڈیوز اور تصاویر سامنے آتی ہیں جنہیں دیکھ کر صارفین حیران رہ جاتے ہیں۔

ان دنوں انٹرنیٹ پر ایک گاڑی میں رکھے گچھے کی تصویر وائرل ہورہی ہے جس کے بارے میں صارفین مختلف قیاس آرائیاں کررہے تھے مگر اب گنیز ورلڈ ریکارڈز نے وضاحت جاری کردی۔

عالمی اندراج کا ریکارڈ کرنے والے ادارے گنیز بک آف ورلڈ ریکارڈز نے بتایا کہ اس تصویر میں نظر آنے والا گچھا دراصل انسانی بالوں کا ہے۔

گنیز بک آف ورلڈ ریکارڈ کے مطابق یہ دنیا میں اب تک کا سب سے بڑا انسانی بالوں کا گچھا ہے، جس کا وزن 75.7 کلوگرام سے زیادہ ہے۔

This is the largest ball of human hair.

Henry Coffer, a barber from Charleston, Missouri, collected a ball that weighed 75.7 kg over 5 years worth of haircuts.

He had actually been collecting hair for over 50 years, using it for fertilizer and patching potholes. pic.twitter.com/qmX4KX1tWh

— Guinness World Records (@GWR) March 2, 2021

جی ڈبلیو آر کی رپورٹ کے مطابق امریکی ریاست نارتھ کیلورینا کے علاقے چارلس ٹن سے تعلق رکھنے والے ہینری کوفیر نامی شخص نے پانچ سال میں یہ بالوں کا گچھا جمع کیا۔

رپورٹ میں بتایا گیا ہے کہ ہینری کوفیر گزشتہ پچاس برس سے انسانی بال جمع کرنے کا کام کررہے ہیں، انہوں نے پانچ سال میں یہ بال جمع کیے۔ وہ ان بالوں کو فرٹیلائز کر کے گڑھوں کو بھرنے کا کام کرتے ہیں۔

بعض اوقات آپ کے ساتھ ایسے لوگ موجود ہوتے ہیں جن سے آپ کا رشتہ ہوتا ہے لیکن آپ کو اس کا علم نہیں ہوتا کہ ان سے آپ کا کیا رشتہ ہے۔

ایسا ہی ایک دلچسپ واقعہ امریکی ریاست کنیٹکی کٹ میں پیش آیا جب کئی سال سے ایک ساتھ ریسٹورنٹ میں کام کرنے والی دو لڑکیوں کو تقریباً 9 سال بعد معلوم ہوا کہ وہ دونوں سگی بہنیں ہیں۔

کسینڈرا میڈیسن اور جولیا ٹینیٹی پہلی مرتبہ 2013 میں امریکی ریاست کنیٹکی کٹ میں ایک ریسٹورنٹ میں ملیں اور پھر بہت جلد آپس میں اچھی دوست بن گئیں۔

دونوں لڑکیوں کے جسم پر ٹیٹوز بنے ہوئے تھے جس سے دونوں کو لگا کہ ان دونوں کے درمیان کوئی خاص رشتہ ہے۔

لڑکیوں کا کہنا تھا کہ وہ اپنے ٹیٹوز کی وجہ سے یہ سمجھتی تھیں کہ ان کا آُپس میں کوئی رشتہ ہے لیکن جولیا کو اپنانے کے لیے دیے گئے قانونی دستاویزات سے یہ حیران کن انکشاف سامنے آیا کہ دونوں لڑکیاں آپس میں سگی بہنیں ہیں۔

ان کا کہنا تھا کہ پہلے تو کسی کو بھی اس بات پر یقین نہیں آرہا تھا کہ دونوں آپس میں سگی بہنیں لیکن جب دونوں کے ڈی این اے کروائے گئے تو اس بات کی تصدیق ہوئی کہ واقعی دونوں آپس میں سگی بہنیں ہیں۔

یہ انکشاف سامنے آنے کے بعد لڑکیوں کے والد نے بھی اعتراف کیا کہ ایک بیٹی کو چھوٹی سی عمر میں پرورش کے لیے کسی کو دے دیا گیا تھا اور لڑکیوں کو یہ بھی پتہ چلا کہ ان کے دیگر سات بہن بھائی بھی ہیں۔