راولپنڈی: چیئرمین تحریک انصاف عمران خان اور فوادچوہدری نے الیکشن کمیشن کا شوکاز نوٹسز چیلنج کردیا۔
تفصیلات کے مطابق تحریک انصاف نے الیکشن کمیشن کے شوکاز نوٹسز چیلنج کردیئے، شوکاز نوٹسز کو لاہور ہائی کورٹ راولپنڈی بینچ میں چیلنج کیا گیا۔
درخواست میں مؤقف اختیار کیا گیا ہے کہ الیکشن کمیشن کوتوہین عدالت کااختیارحاصل نہیں، آئین کےمطابق عدالتی اختیارات انتظامی اداروں کو تفویض نہیں کئے جا سکتے۔
درخواست میں کہنا ہے کہ الیکشن کمیشن کی جانب سےجاری کردہ شوکازنوٹسزآئین وقانون کیخلاف ہیں اور الیکشن ایکٹ2017 کی دفعہ 4 اور 10 آئین سے ماورا ہیں۔
دونوں رہنماؤں کی جانب سے استدعا کی گئی کہ الیکشن کمیشن کےشوکازنوٹسزکو کالعدم قراردیاجائے۔
بابراعوان،فیصل چوہدری لاہورہائیکورٹ راولپنڈی بینچ پہنچ گئے ، لاہور ہائی کورٹ راولپنڈی بینچ میں عمران خان اور فوادچوہدری کی درخواست پر سماعت کچھ دیر بعد ہوگی۔
لاہورہائیکورٹ راولپنڈی بینچ کے جسٹس جواد حسن سماعت کریں گے ، جس میں عمران خان، فواد چوہدری کی جانب سےبابراعوان اورفیصل چوہدری دلائل دیں گے۔